RUT 2:4 - Cho Bible Common Language 2016

⁴ Api shou hta khäta Baoz amät naw Bethlehem ah ka gawk law neb ii bik ci gui cu yavaih na gui ne, “Bawipa naw ning om püi gui sä” cik ci. Ngami naw, “Bawipa naw hriham ning pe sä” cik ci gui.

RUT 2:4 Referans Kwoze

2 THESSALONIAN 3:16

Dimdeeih nak ah a phung ah kyak ciah Bawipa amät naw, akhin avan la a mawng ama avan ung dimdeeih nak ning pe gui sä. Bawipa naw nangmi nami van cu angtäi ah ning om püi gui sä.

LUKA 1:28

Khankho chang naw Mari ah ma ah, “Na khan ah ding gei nak om sä, Bawipa naw a täng ah ning om püi ne, küikyang ciah hrilham ning k’be sä!” pyen nak ci.

SUKI GUI 6:12

Acun ung Bawipa khanchang dang neta a pyen nak cu, “Nget ne n’gäi ciah chang, Bawipa naw nang ning om püi ci ne!”

2 TIMOTHI 4:22

Bawipa cu na mümcha awn a täng ah om sä, Khanpughi ah chimgein nak cu nami van ah khan ah om sä.

SAM 118:26

Bawipa ah ming awn lawk cicu Khanpughi naw hriham k’be sä! Bawipa ah pum im ungka naw hriham kami ning pek ci nei.

RUT 4:11

Cun ung angvai gui la chang gui naw, “Ä, keimi cu saksi ah kami kyak khai nei. Bawipa naw na chu cu, Rachela la Leah cu Jakob awn akda ah ami hta ah mäih ah akda ah hta sak sä. Nang cu Ephrath pahta ung bühmang ne Bethlehem ung na mingthang sä.

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

1 TIMOTHI 6:2

Khritha bawimang gui ung khleihtein changshäm a om ah a kyak ung, kä ami shedam nak gui vai, phäi nau gui ah kyak ci, ciah ami ngaih vai. Ami hnün thawh peit gui cu, ami m’hni gui ah khritha gui ah kyasei, ngami naw k’tha nah pi ne ami hnün thawh peit gui vai ah kyak ci. Shin ah a mawng gui cu nang naw nam theithang na pyeinsak vai.

RUT 2:3

Ruth cu lo ah hteit tu ne, bii bik ci gui ah hnu ah läk tuk ci, ngami naw ami hma shut ah htang vui gui cu shui tuk ci. Cun ah ani ah bi nak tu cu kä ngaih-tüh ah Baoz ah lo ah kya lawk ci.

RUT 2:5

Baoz naw ami ng’vaihta am, “Shin ah hnumi cu a u ang?” ci n eng’shik ci.

ATÜNNAK 28:3

Hlüngtai ciah Khanpughi naw, na chu na hta vai hriham ning pe sei, chang pakhui akda ah pa ah na kyak khai.

KHEI NAK 6:24

Bawipa naw hrilham ning pe gui sä, ning m’hteihtang gui sä.

SUKI GUI 6:16

Bawipa naw, “Nang naw na bi hning khai, a i ah kyasei ci ung kei naw ka ning m’htei khai. Nang naw Midianit gui am chang tumat bi ah mäih ah na hnimdep gui khai.”

1 SAMUEL 17:37

Bawipa naw kawng la khawm ah kut ung ka na hun ci; ani naw shin ah Philistin ung ka na hun khai.” Saul naw, “Bä khai, hteit ä, Bawipa naw ning om püi khai” cik ci.

1 SHONTÄP NAK 2:51

Ani ah a hnih nak ah a hta Salma naw Bethlehem gawnu k’süm ci, ak thum nak ah a htapa Hareph naw Bethkadera gawnu k’süm ci.

SAM 134:3

Bawipa, khankho la khomdek pyang ci naw, Zion m’htung ung om ne hriham ning pe gui sä!

JEREMIAH 31:23

M’gäi ciah Bawipa, Israel khanpughi naw pyen ci, “kei naw chang gui cu ami khaw ung ka m’thawh ba gui ung, Judah khaw la gaw nu gui ung ngami naw pyen bam ä khai gui, ‘Theingthap ciah khomhtung Jerusalem, Theingcim ciah hmun a om nak cu Bawipa naw hriham pe sä!’