RUT 2:20 - Cho Bible Common Language 2016

²⁰ “Bawipa naw Boaz cu hriham pe sä, aksi la ak ghing avan ah ma ah Bawipa naw ashaitak cu küm ci nei” cine Naomi naw m’tam ci. Cun kawn ah ani naw, “Shin ah chang cu mikmi ah mätzah tumat ah kyak ci nei, mikmi nam htei gui khai ungka, tumat ah kia ci nei,” cik ci.

RUT 2:20 Referans Kwoze

2 SAMUEL 2:5

Chang gui cu m’cäi ne tüi gui ci: “Nami bekhüt nak m’dang ne, nami ghangpughang nami htüm cu, Bawipa naw hriham ning pe gui sä.

NG'THU K'THUUK~ 17:17

Teihpüii gui naw angtai sei yumhni nak m’dang ci gui, Cumbawng nak ka ng’lung lak nak ung a i hawkcha ah ng’phai nau vai aw?

TAIGÜTHUM 25:25

Israel chang tumat cu dukhaih ne a khaw yoi khai ah a kyak law ung amät ung ng’een pi ci naw ak hleih tu pek vai.

PHILIPPIAN 4:10

Akhin shou hta khätah kei nami nam hteihtang nak cu nami m’dang law ba mä ah hmawk ah, Bawi Khrit ung ka ghin nak awn ang htei ah ka yeikyai ci nei. Cun cu nang mi naw kei nami nam hteihtang nak kä om ba ciah ah ka pyein ah kä kyak ci, cun ah nami nam hteihtang nak vai ah khin kä om te ciah ka pyein ah kyak ci.

JOB 19:25

Cun ung phi ak hnukbäih ah gawk law ne kei ah phäh ah ng’thu pyen khai cu khankho ah om ciah ka hmat ci nei.

2 SAMUEL 9:1

Hnüüp ät ung David naw, “Saul ah kyongchang tumat mat om ba ne ang? A om ba ah akiak ung Jonathan ah phäh ah kei naw m’gein nak ka m’dang hlük ci nei” cik ci.

RUT 4:14

Hnumi gui naw Naomi am, “Bawipa cu m’tam nei, ani naw tuhngawi nang ning m’htei khai ah na hta ah hta cu ning pek ci nei. Cun ah a hmaw cu Israel ung a mingthang sä.

RUT 4:6

Cun ah chang naw shin ah lo hleih nak vai ka ngaih-tüh nak cu ka nawng khai nei. Shin ah a mawng cu ka mät ah hta gui naw pakhui kä ami m’düng nak vai ah kya hning ci nei. Nang naw na hleih vai, kei naw kä ka hleih khai” cik ci.

RUT 2:21

Cun kawn ah Ruth naw, “Ani pi bäih ah ani naw ana pyen nak cu, geit kä ami khäm pha yawp ah chuih abi bi gui awn a täng ah ka bi tu vai ah na pyen nak ci” cik ci.

RUT 3:12

Na pyen cu hman ci, kei cu na mätyah akcang, ning m’htei khai ah chang ah ka kyak ci. Cun ung phi kei ah mä ng’en tuba ciah pami tumat om ci.

RUT 4:4

Cun cu nang naw nang bä khai ah ka ngai ci. Tuhbäi na ng’yak hlü ah a kyak ung, shin ung ngok ciah chang ah ma ah na hleih vai, kä nba ng’yak hlü ah a kyak ung, acun ah na pyen vai, nang ning tawi ne hleih khin khai cu kei ah ka kyak ci” cine pyen ci. Cun ah chang naw, “Kei naw ka hleih khai nei” cik ci.