RUT 2:2 - Cho Bible Common Language 2016

² Hnü ät ung Ruth naw Naomi am, “Lo ah na hteh sak ä, geit khäm ci gui naw ami hma ah htang vui gui cu ka khä khai nei. Kei awn ng’gui Ne na bi püi khai ah chang cu akcang ah ka hmuk khai nei” cik ci. Naomi naw, “Ka hta hnumi aw hteit ba ä” cik ci.

RUT 2:2 Referans Kwoze

TAIGÜTHUM 23:22

Nami lo ung geit nami khäm ung, akcawk akem ung khüt sei kä nami shui vai, nami hma pyi ah htang cu ng’hlat ba ne kä nami shui ba vai, dukhaih ci gui la khaw hei chang gui ah phäh ah nami nawng shüt vai. Bawipa cu nami Khanpughi nei.

TAIGÜTHUM 19:9

“Nami lolai ung nami khämtawng law ah a kyak ung, akcawi akem ah khüt sei kä nami ah vai, nami hmaa shüt gui ng’hlat ba ne kä nami shui ba vai.

RUT 2:7

Ani naw bii bik ci gui ah hnu ah läk ne geit khäm vai ah na k’thäh ci. Ani cu khaw ngawihta ung tün ne bi ne, tuhbäi hta ng’düm ne hnim yii ci nei,” cik ci.

TAIGÜTHUM 19:16

A u chang ah mawng phi hleei ne kä ngak vai. Chang tumat cu a hnun gui ah phäh ah yung ah angceet ah a kyak ung, na saksi nak naw m’htei tu hning vai ah a kyak ung, na ng’thu tu vai. Kei cu Bawipa nei.

TAIGÜTHUM 19:10

Sapyit lo ung nami hmaa shüt ah am theih gui cu ng’hlat ba ne kä nami k’bih ba vai, kiawi ciah am theih gui cu kä nami kaw ba vai, cun gui cu dukhaih ciah chang gui la a khohei chang gui ah phäh ah nami nawng pek gui vai, kei cu Bawipa nami na Khanpughi nei.

RUT 2:3

Ruth cu lo ah hteit tu ne, bii bik ci gui ah hnu ah läk tuk ci, ngami naw ami hma shut ah htang vui gui cu shui tuk ci. Cun ah ani ah bi nak tu cu kä ngaih-tüh ah Baoz ah lo ah kya lawk ci.

ATÜNNAK 32:6

A chang tüih gui cu Jakob ah law ba u neta, keimi cu na phäi Esau ah kami hteit pyi ci. Ani cu chang phia phli khah püi ne, ana a pawng vü pyi ci nei” cik ci gui.

1 SAMUEL 1:18

Ani naw, “Nang naw ak phlüt ah kei cu na m’gein ä” cik ci. Cun kawn ah ani cu a hei ah hteit ne buh ei ci, kä thüi ba ci.