RUT 2:14 - Cho Bible Common Language 2016

¹⁴ Ei ei law vai kia khäta, Baoz naw Ruth am, “Law ne m’htut cu la neta, antui ung k’phung ä” cik ci. Cun ah kyaisei ani cu bii bik ci gui awn a täng ah ngo tu khäta, Baoz naw m’vapüm hlaw cu pek ci. Ani naw a phü ah ei ci, cun kawn ah phi a ei k’pawih om ba ci.

RUT 2:14 Referans Kwoze

RUT 2:18

Ani naw cun ah htang cu gawnu kyong ah phui neta a i hlawk ah ani naw a shui tu cu acei ah nu am m’hnuh tuk ci. Ani naw a cei ah nu am acita a ei pawih phi thak law tuk ci.

MATTHE 14:20

Chang gui avan naw ami ei kawn ah ak pawih cu them-dawn ung a gha-lei-goi ah kaw ba ci gui.

THULÄÄN NAK 8:10

Nangmi naw nami ng’yak hlü avan nami ei khai, Ani naw a ning pek gui ah ang lei nik ciah khaw ah phäh ah Bawipa nami Khanpughi cu nangmi naw nami m’hlümtai khai.

ISAIAH 58:7

Ei cawi ciam nami ei nami k’pai tu vai, a i m kä om sei dukhaih ci am, nami im kawt nami hmawn pek vai. A sui vai kä om ci am suisak nami pek vai, nami mätyah m’htei htang vai ah kä nami ma en vai.

ISAIAH 32:8

Cun ung phi m’tamkhah vai ah chang cu bä ciah hnüntho ne, hman ciah phäh ah khäng sei ng’düi ci.

SAM 23:5

Ka gaa gui ah hmuh vai ah, nang naw mang ei na na chaam ci; Nang naw chang m’sui ne, khin ah na na dou ci, ka khap phi pleip khai ah na na k’be ci.

2 SAMUEL 17:28

Ngami naw dawndai, m’dek khawk la ih phak gui la, David la ak chang gui ah ei vai; kiung, htang, m’htut den, m’va püm hlaw, k’bei, m’lui toi, khoitui, sei suk, singkhe la htome gui law püi ci gui. David la a chang gui cu cawi khai gui, gha khai gui, bung hmu ah bawngbai khai gui ciah ngami naw hmat ci gui.

1 SAMUEL 25:18

Abigail naw ang ghit ah, m’htut pum phia goi, sapyit tui meh vun ng’ip goi ung ak be, htome m’ket pum hma, m’vapüm hlaw phei gha lei chih, sapyit ket soi phia, thei ket htun phia goi cu la ah khan ah taih ci.

1 SAMUEL 17:17

Hnüüp ät ung Jesse naw David am, “M’va püm hlaw phawi gha la m’htut pum gha hteh püi ne, na phäi gui ah om nak phung ah ak yang ah hteit tä.

THULÄÄN NAK 11:15

Nami vuhchah gui ah phäh ah khu phi liim khai, nami ng’yak hlü ah ei avan nami gah khai.

RUT 2:13

Ruth naw, “Nang naw na na m’gein aih ci nei, bawi aw, kei cu na changshäm tumat hlawk ah phi kä ka kyak pang ung phi, nang naw ang awi gii ah ng’htau ne na na yeikyai sak ci nei” cik ci.

RUT 2:15

Ani cu htang aat khai ah a hteh kawn ah Baoz naw bii bik ci gui am, “Htang pawk ah ng’yän nak ung ka phi ani naw la sä, a i phi kä nami pyen nak vai. Cun bang ah kä kyak ciah, ah pyi ah htang paw kung ka htang vui gui phi ani naw a kaw vai ah nami chah shut vai nei” cik ci.