RUT 2:13 - Cho Bible Common Language 2016

¹³ Ruth naw, “Nang naw na na m’gein aih ci nei, bawi aw, kei cu na changshäm tumat hlawk ah phi kä ka kyak pang ung phi, nang naw ang awi gii ah ng’htau ne na na yeikyai sak ci nei” cik ci.

RUT 2:13 Referans Kwoze

1 SAMUEL 1:18

Ani naw, “Nang naw ak phlüt ah kei cu na m’gein ä” cik ci. Cun kawn ah ani cu a hei ah hteit ne buh ei ci, kä thüi ba ci.

ATÜNNAK 34:3

Cun ung phi hnumi hta cu kyom ciah hmu law neta ani cu m’hni lawk ci.

ATÜNNAK 33:8

Esau naw, “Shin ung ka hmuh vai ah na law püi gui shi a i vai ang? A i ah na ci hlü ang?” cine ng’shik ci. Jakob naw nang naw na yei nak vai ah ka bi nei” cik ci.

PHILIPPIAN 2:3

Khäghah nak hlü la mät ah ng’yak hlü shui nak awn a i phi kä nami bi vai, chang cu mät ah mä, bä tu ba ci, ciah ngaih tüh ne, nami m’lung nami ng’neim sak vai nei.

2 SAMUEL 16:4

Ghangpughang naw Ziba am, “Mephibosheth ah ka phung phung cu nang ah ka ah kyak ci nei” cik ci. Ziba naw, “Kei cu nang ah changshäm nei, kei naw nang bawi mang cu angtäi sei ka ning yei nak khai nei” cik ci.

1 SAMUEL 25:41

Abigail cu m’dek ung ng’boop neta, “Kei cu ani ah changshäm nei, ani ah chang gui ah khaw m’si vai ah ka om ge ci nei” cik ci.

ATÜNNAK 43:14

Cun ah chang ah m’lung kyong ung nangmi a ning yei nak gui vai ah hlüngtai ciah Khanpughi naw bii bi sä! Nami phäi tumat la Benjamin phi ning pe ba gui sä. Kei ah hmawk ah ka hta gui cu maih khai gui ah a kyak ung, maih khai gui ah va kya khai nei” cine m’cäi gui ci.

ATÜNNAK 33:15

Esau naw, “Ka chang amshah ka ning nawng pe shüt khai nei” cik ci. Jakob naw, “Na mät ah yum ah kya sä” cik ci.

ATÜNNAK 33:10

Jakob naw, “Na bä ni, ka phäi aw, nang ah yei nak ka hmuh nak vai ah shin gui cu na dou pe ä. Nang naw na na yei nak cu kei ah hmawk ah Khanpughi ah hmai hmuh ah mäih ah kyak ci nei.

NG'THU K'THUUK~ 15:33

Bawipa kyih aa nak cu hmuhmat nak ah kyak ci, m’lung neim nak ah a hnu ah m’tamkhah nak om kheng geng ci.

SUKI GUI 19:3

Cun kawn ah pami naw a hnu läk law neta, ani ah om nak ah law ba khai ah ng’ge püi ci. Hnumi hta naw Levit cu im kyong ah khü law sei, apa naw hmu neta, yeikyai ne ana dou ci.

RUT 2:12

Na bi lawh ah phäh ah na Bawipa naw ning m’cümhnah sä. Israel Bawipa Khanpughi naw be ciah m’cümhnah ning pe sä, ani ung ng’yii vai ah nang cu na lawk ci nei” cik ci.

RUT 2:14

Ei ei law vai kia khäta, Baoz naw Ruth am, “Law ne m’htut cu la neta, antui ung k’phung ä” cik ci. Cun ah kyaisei ani cu bii bik ci gui awn a täng ah ngo tu khäta, Baoz naw m’vapüm hlaw cu pek ci. Ani naw a phü ah ei ci, cun kawn ah phi a ei k’pawih om ba ci.

ATÜNNAK 32:6

A chang tüih gui cu Jakob ah law ba u neta, keimi cu na phäi Esau ah kami hteit pyi ci. Ani cu chang phia phli khah püi ne, ana a pawng vü pyi ci nei” cik ci gui.

HOSEA 2:16

Cun kawn ah ani naw acei ah na khü ba khai — Ani naw ani ah Baala ah kä na khü ba khai.