RUT 2:10 - Cho Bible Common Language 2016

¹⁰ Ruth naw ani ah ma ah m’dek ung a hmai gawk khai ah m’khukdong neta, Boaz am, “A i ah kyasei kei na na geing nak aih ang, A i ah kyasei a khaw hei chang cu nam gein aih ang?” cine ng’shik ci.

RUT 2:10 Referans Kwoze

1 SAMUEL 25:23

Abigail naw David cu hmu neta, ang ghit ah m’dek ung kyum ne,

RUT 2:13

Ruth naw, “Nang naw na na m’gein aih ci nei, bawi aw, kei cu na changshäm tumat hlawk ah phi kä ka kyak pang ung phi, nang naw ang awi gii ah ng’htau ne na na yeikyai sak ci nei” cik ci.

ROMAN 12:10

Nang mi cu tumat la tumat khritha phäi nau ah mäih ah nami ng’khawtsheng vai, tumat la tumat chang m’sui nak tu cu ang ghit ah nami bi vai.

LUKA 1:48

Ani naw yoken ciah akchang shäm cu na shüm ci nei, Tuhbäi tün ne chang van naw yeikyai chang ah na khü Khai gui nei,

LUKA 1:43

A i ah kya ne, kei ah khan ah shin ah hlüngtai nak gui a gawk law ang?

2 SAMUEL 19:28

Kapa ah kyongchang avan cu nang ka bawi mang naw sih nak na pek gui vai kyak ci. Cun ung phi nang naw na tawnglang ung ei tu vai ah na na pek ci. Nang bawi mang ung kei naw ka thäh ba vai cu a i phi kä om ci nei.”

2 SAMUEL 9:8

Mephibosheth naw m’khukdong ba neta, “Bawi aw, kei cu ui k’si hlawk ah phi kä ka kyak ci ne! A i ah kyasei kei ah khan ah nang na ni aih ang?” cik ci.

MATTHE 25:35

Nangmi cu kei ei ka cawi yah ung ei nami nam bei ci, tui ka gha yah ung tui nami na tu ci, kei cu khin ah ka kyak yah ung nami na khin nak ci.

RUT 2:2

Hnü ät ung Ruth naw Naomi am, “Lo ah na hteh sak ä, geit khäm ci gui naw ami hma ah htang vui gui cu ka khä khai nei. Kei awn ng’gui Ne na bi püi khai ah chang cu akcang ah ka hmuk khai nei” cik ci. Naomi naw, “Ka hta hnumi aw hteit ba ä” cik ci.

ATÜNNAK 18:2

Chang sing thum ng’düi sei hmuk ci. Ani cu a hmuh gui vai am va lut ne, a hmai naw m’dek tawn khai ah kawp neta,

RUT 2:9

Geit ami khäm nak ah teng gui ne ngami awn a täng ah na om tu vai. Ka chang gui naw kä ami ning shedam nak vai ah ka m’cäi gui khai. Tui na gha law ah a kyak ung tui-um ung than ne ami tha cu na awk vai” cik ci.

RUT 2:11

Baoz naw, “Na cei asih kawn ah na cei ah nu ah khan ah na bi cu ka ng’ya pyi ci nei. Nang naw napa la nanu na khawchang nawng ne, kä na hmat man ah chang gui ah ng’lung ah law ne, na om tu cu kei naw ka hmat ci nei.

TAIGÜTHUM 19:34

Nami Israel chang paw ah mäih ah nami om püi gui vai. Nami mät naw nami mät nami m’hni ah mäih ah nami m’hni gui vai. Yan ä nangmi cu Egypt khaw ah khaw hei chang ah nami kya man ci nei, nami shüm ba vai. Kei cu Bawipa nami na Khanpughi nei.

RUT 2:19

Naomi naw ani am, “Shin ah htang cu a hawi ka na khäm tu ang tuhngawi? A u ah lai ung ang na bi tu? Nang ning ngaih pe thei ciah chang cu Khanpughi naw hriham pe sä!” cik ci. Cun kawn ah Ruth naw Naomi am, ani ah bi nak tu cu, Boaz ming nak ciah chang ah lo ah a kyak ah mawng m’thein tuk ci.

2 SAMUEL 7:18

Cun kawn ah ghangpughang David cu Bawipa ah om nak phung kyong ah lut ne, ngo ne taigü ci, “Kei ah phäh ah na bi pyi gui cu kei awn kä khin kha ci nei, uktu Bawipa, ka kyongchang awn phi kä khin kha ci nei.