RUT 1:6 - Cho Bible Common Language 2016

⁶ Api shou hta khatä, Bawipa naw ami chang hui awn hriham pe sei, ei awk vai ada cu, Naomi naw ng’yak ci; cun ah kyasei a hta goi ah chu gai awn a täng ah Moab kho nawng shut ne hteh vai ah pawng ci gui.

RUT 1:6 Referans Kwoze

SAM 132:15

Kei naw Zion mang gaw ah ang yak hlü cu ak bä ah ka küm be sak khai; kei naw a dukhaih nak cu ei awk awn ka ng’büh sak khai.

SAM 111:5

Ani kyih aa ci gui cu tu m’bei gui ci; ani naw ang thumkhän cu kä m’hnih phung ci.

PHYAWN NAK 4:31

Ngami naw yum ci gui, ngami ah om nak ah Bawipa a law vai la aktä ah ami shedam nak gui cu ani naw hmu gui ciah ng’ya u neta, ngami naw m’khuukdong ne khawihnah ci gui.

PHYAWN NAK 3:16

Hteit ne Israel ng’vaihta gui cu ng’bum püi gui ne, Kei, Bawipa ami pupa gui ah Khanpughi, Abraham, Isaak la Jakob ni ah Khanpughi, na ma ah ka dang cu na m’thein gui vai nei. Kei cu ngami ah law ne, Egypt gui naw ami khan ah ami bi gui cu ka hmuk ci nei, cicu na m’thein gui vai nei.

LUKA 19:44

Cun ah gaa gui naw, nang la gaw kyong ah om ciah chang gui cu, avan ngawn ne m’dimdap yawp khai gui. Lung tumat ah khan ah tumat phi ng’taih ne kä om ba khai. A i ah kyasei ci ung nang cu ning hun khai ah Khanpughi a kyum law nak ah khin cu, kä na hmat ah hmawk ah kyak ci” cine pyein ci.

LUKA 1:68

“Israel gui ah Khanpughi Bawipa cu m’hlüngtai tu vä, Ani cu akchang gui m’htei gui khai ah law ne, phiawn sak gui pyi ci nei.

MATTHE 6:11

Ak hnüüp tä ng’büh nak vai ei na pe gui ä.

JEREMIAH 29:10

“Bawipa naw pyen ci, ‘Babilonia ah khpkum chih kip an gang pyi ah a kyak ung, kei naw ka ning tengkhen ba gui khai, nami im ah ka ning hteh püi ba gui khai ciah ka Shaitak cu ka k’pang khal.

ISAIAH 55:10

“Kei ah ka ng’thu cu khüitoi la kho k’aa ah mäih ah kyak ci. Cun cu khomik ungka kya law ne, khomdek cu tui awn shawi ci. A cun naw geit kaw gui cu däm ng’ghaw sak ci, geit vai ah m’shi la ei vai ah ei cu kyak sak ci.

ZEPHANIAH 2:7

Pawih ba ciah Judah chang gui naw nami khaw cu khäm khai gui. Acun ung ami htaw shäm u ne, Ashkelon khaw im gui ung ip khai gui. Bawipa ami Khanpughi naw om püi gui ne bämang ba sak gui khai.

SAM 146:7

Ani cu ami shedam nak ah chang täng ah om ci. Ei ah cawi ci gui am ei m’bei gui ci. Bawipa naw thawng kyum ci gui cu m’hlawt gui ci.

SAM 145:15

Ak ghing avan naw ngaih u ne ning teng ci gui, Ami cawi yah ung nang naw ei na m’bei gui ci.

1 SAMUEL 2:21

Bawipa naw Hannah cu hrilham pek ci. Cun kawn ah ani cu pami thum la hnumi hnih ah hrilham pek sei, hta ba ci. Ak hmaw Samuel cu Bawipa ah bi bi nak ung däm ng’vai lawk ci.

ATÜNNAK 50:25

Cun kawn ah Joseph naw a chang gui cu ng’thu ami khän vai ah m’cäi gui ci. Ani naw, “Thukhäm na pe vä, Khanpughi naw mi khaw ah a ning hteh püi ba gui hnüüp ung ka pumsa cu nami hteh püi ba vai nei” ciah kyak ci.

ATÜNNAK 48:15

Cun kawn ah Joseph am hrilham a pek cu; “Kapa Abraham la kapa Isaak ah khawihnah ah Khanpughi naw, Shin ah a hmaw goi cu hriham pe goi sä. Tuh ngawi lam na m’shüm ciah Khanpughi naw hrilham pe goi sä!

ATÜNNAK 28:20

Cun kawn ah Jakob naw Bawipa ung thukhän a bi cu, “Ka hteh nak ah lam ung na ngäng ne, na m’htei ne, sui la ei na na pek ah a kyak ung,

ATÜNNAK 21:1

Bawipa naw a shaitak ah mäih ah Sarah cu hriham pe sei,

1 PETER 2:12

Bawipa kä yum ci gui naw nangmi cu ak she nami bik ciah ami ning k’bün gui ung phi, kä yum ciah chang gui ah lung ah akni ah nami om vai. Bawipa a kyum law ba hnüüp ung nangmi ah nikiom nak cu hmu u ne, Khanpughi ami m’hlüngtai vai ah cun ah nami bi vai nei.

1 TIMOTHI 6:8

Cun ah kyasei mikmi ung ei vai la sui vai a om ah khoi ung a cun awn mi ng’büh vai nei.

SAM 147:14

Ani naw na kho gui cu k’pang ne ngäng ne, htang m’guh akni pi na phü ah ning ei sak ci.

NG'THU K'THUUK~ 30:8

Hleeihlak nak ungka nak pang ä, Kä na pyam sak, kä na mang sak en ä. Cun ah kyasei ka ng’yak hlü ng’büh khai ah ei vai bäng na pe ä.

RUT 1:5

Mahlon la Chilian, ani nik hnih ci sik ci goi, cun ah kyasei cin ah hnumi cu a hta goi la a cei naw nawnng shut u sei amät om ci.

RUT 1:7

Ngami cu Jadah kho ah hteh vai ah a täng ah hteit ci gui. Cun ung phi lams ah.

SAM 102:14

Na changshäm gui naw ani cu m’hni ci gui, cun ung phi ani cu di pyi ci; Ngami naw ani cu m’gein ci gui, cun ung phi ani she pyi ci.

JOEL 2:19

Ani naw m’shang gui ci, “Tuhbäi kei naw, htang m’guh ni, sapyit tui ni, olive situi ni, ka ning pe law gui khai, nangmi cu nami phü khai. Ahei pakhui gui naw kä ning päipih ba gui khai.