RUT 1:17 - Cho Bible Common Language 2016

¹⁷ Na sih nak ah ka si tuk khai aw ah ka ng’cim khai. Sih nak ah kawn ah a hei a mawng awn nang ka ning pai püi ah a kyak ung, kei cu Bawipa naw akshe pi k’bäih ah na m’kyuk sä” cik ci.

RUT 1:17 Referans Kwoze

1 SAMUEL 3:17

Eli naw, “Bawipa naw a i ang a ning m’thein. A i phi kei am kä na na m’zih vai. Ani naw a pyen päng kä na na m’thein ah a kyak ung Khanpughi naw aktä ah ning m’kyuk khai,” cik ci.

2 GHANGPUGHANG GUI 6:31

Ani naw, “Khohni kä ah hang luh pha ung Elisha ah lu kä a pit ah a kyak ung Khanpughi naw na m’shih sä!” cine ng’taam ci.

1 GHANGPUGHANG GUI 2:23

Cun kawn ah Solomon naw Bawipa ah ang ming ung shaitak nak aktung ah bik ci, “Shin ah a nak thäh ah phäh ah Adonijah naw a hnun gui pek khai ah kä ka bi ah a kyak ung, Khanpughi naw ka sih vai ah na yuk bi sä!

2 SAMUEL 19:13

David naw Amasa am ami m’thein vai ah a pyen nak gui cu, “Nang cu ka ning mätyah nei. Tuhbäi ung tün ne, Joab hnün ung, gakap ung ang vai pi ah ka ning tha ci nei. Cun ah kä ka bi ah a kyak ung Khanpughi naw na m’sih sä!” cik ci.

1 GHANGPUGHANG GUI 20:10

Benhadad ah ka law ba ci: “Shin ah mang gaw m’di ne akhui akpi gui ami kut awn kawt ne hteh püi hning khai ah chang gui ka law püi khai nei. Cun ah kä ka bi ung khanpughi gui naw na m’sih u sä!” cine pyen ci nei, cik ci.

1 SAMUEL 25:22

Khaw kä thai pha sei shin ah chang gui tumat phi kä om ba khai ah kä ka ngawn yawp ung, Khanpughi naw ka sik khai ah na that sä!” cik ci.

2 SAMUEL 3:35

A hnüüp pum ung David naw ei a ei vai ah chang gui naw tha nak ci gui, cun ung phi ani naw thuuk ciah shaita ne, “Shin ah hnüüp kä ang pyi pha ung ei ka ei läi ngä sei, Khanpughi naw ka sik khai ah na ci sä!” cik ci.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

1 GHANGPUGHANG GUI 19:2

Ani naw Elijah am ng’thu m’khäh ci: “Prophet gui ah khan ah na bi ah mäih ah ngawi ung a shin ah khin ung kei naw nang ah khan ah kä ka bi ah a kyak ung khanpughi gui naw ka sik khai ah na ci u sä.”

2 SAMUEL 3:9

Bawipa naw David am shaitak ci, ani naw Saul la a hta ng’shon ah kut ungka, uknak cu lak khai, David cu Israel la Judah ah ghangpughang ah ng’hmoh khai, kho vangtäng khaw cawi ungka naw vangtäng khaw cawi ung khüt khai. Shin ah ng’thu cu akcang ah kä ka bi ung Khanpughi naw ka sik khai ah na ci sä!” cik ci.

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

RUT 1:16

Cun ung phi Ruth naw, “ka ning nawng vai ah kä na pyen vai nei! Na hteh nak päng ah, ka hteit tuk khai nei; Na om nak päng ah ka om tuk khai nei. Na chang gui cu ka chang na tuk khai, na Khanpughi cu ka Khanpughi na tuk khai.

RUT 4:15

Na hta ah chu naw ning m’hni ci nei. Htapami sing chih ata bä pi ciah ani naw bi pyi ci nei. Ani naw tuhbäi na hta ah hta cu ning pe pyi ci nei, ani naw ghin nak akthai la nag hi law ung m’lung üp nak cu ning pek khai nei” Cik ci gui.

1 SAMUEL 14:44

Saul naw ani am, “Nang kä na sih ah a kyak ung, Khanpughi naw kei na m’sih sä!” cik ci.

1 SAMUEL 20:13

Ani naw nang ning hnim vai ah abi cu nang naw na phyawn nak vai ah kä ka ning m’thein ah a kyak ung, Bawipa naw kei cu na sih sak sä. Bawipa naw ka pa a om püi man ah mäih ah nang cu ning om püi sä.

2 SAMUEL 15:21

Ittai naw, “Ka bawi mang, kei naw Bawipa ah ming ung ng’gun ne ka pyen cu, kei cu na hteh nak päng ah angtäi sei ka hteit tuk khai, sih vai a kyak pui ung phi” cik ci.

1 GHANGPUGHANG GUI 13:31

Ami phuh kawn ah prophet naw a hta a pyen nak gui cu, “Kei ka sih ah a kyak ung, shin ah phuh hmun ung nami na k’phuh vai, ani ah pei ah ka pumsa nami na k’phuh vai.

SAM 45:10

Ghangpughang ah mang hta, ka thu na ngai ä — Na chang gui la na mätyah gui cu m’hnih gui ä.