RUT 1:15 - Cho Bible Common Language 2016

¹⁵ Naomi naw ani am, “Ruth, na paihta nai cu ak chang gui la ak khanpughi ah hteit ba ci nei. Ani awn a täng ah na im ah hteit tu ba ä” cik ci.

RUT 1:15 Referans Kwoze

SUKI GUI 11:24

Nang naw cun cu na lak ba vai ah nak tha nak khan ma? Na khanpughi Chemosh naw a ning pek phung cu nang naw na k’pang hning ci nei. Keimi phi Bawipa kami Khanpughi naw ana pek gui phung cu kami k’pang khai nei.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

2 GHANGPUGHANG GUI 2:2

Lam ung ani hteh sang ung Elijah naw Elisha a pyen nak cu, “Shin ung tuhbäi ana om mä; Bawipa naw Bethela ah ka hteh vai ah ng’thu nak bäi ci nei.” Cun ung phi Elisha naw, “Ka bekhüt nak ah ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu Bethela ah hteit ci gui.

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

1 JOHAN 2:19

Cun ah chang gui cu a i yah ung phi mikmi awn kä pui m’ca ci gui ah kya ne, na hteh tah gui ci gui nei. Ngami cu mikmi awn a täng ah pui m’ca ci gui ah mi chang ah ami kyak ung mikmi awn a täng ah om khai gui sü te nei. Cun ung phi ngami ami hteh cu, ngami ungka a u chang phi, mikmi awn kä ng’gui ng’phaa ba ci, cicu akdei ah ang dang nak ah kyak ci nei.

HEBRU 10:38

Ng’düng ciah kakchang gui cu yum ne ghing khai gui nei; Cung ung phi ng’hlat ba ciah chang läi cu, kei naw kä ka yei nak khai nei,” ciah om ci.

LUKA 24:28

Ami hteh nak vai ah pigaw k’et law u netah, Bawipa cu ng’täi ne hteit khai pawng ci.

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

SAM 36:3

Ani ah ang thu cu ng’thu she ah kya ne, hleei nak awn be ci; Ani naw cüivai nak la nikiom nak cu kä bi ba ci.

JOSHUA 24:19

Joshua naw chang gui am, “Cun ung phi nangmi cu Bawipa ah bii bi vai ah kä nami khin khaa ci nei. Ani cu theingciim ciah Khanpughi ah kya ne, nangmi ah hmakat nak cu kä ning m’geinsei gui khai. Ani naw ng’kükneet püi ci a u phi kä m’gein ci,

RUT 1:14

Ngani cu kyap ba mä ci goi. Orpah naw acei ah nu cum’hnam, yavaih na neta, a im ah hteit baci, cun ung phi Ruth cu a pei ah om lä ci.

RUT 1:16

Cun ung phi Ruth naw, “ka ning nawng vai ah kä na pyen vai nei! Na hteh nak päng ah, ka hteit tuk khai nei; Na om nak päng ah ka om tuk khai nei. Na chang gui cu ka chang na tuk khai, na Khanpughi cu ka Khanpughi na tuk khai.

KHEI NAK 10:30

Hobab naw, “Ka, kei cu kamät ah khaw ah ka hteit ba khai nei” cik ci.