RUT 1:14 - Cho Bible Common Language 2016

¹⁴ Ngani cu kyap ba mä ci goi. Orpah naw acei ah nu cum’hnam, yavaih na neta, a im ah hteit baci, cun ung phi Ruth cu a pei ah om lä ci.

RUT 1:14 Referans Kwoze

NG'THU K'THUUK~ 18:24

Am shah ah khawtsheng nak cu tawi aih ci, Cun ung phi teihpüi amshah cu phäi nau ah ta hläkhäm pi ci.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

MATTHE 10:37

‘Kei ah mä, anu apa m’hni pi ciah chang cu kei ah düihpüi ah kä kya hlawt khai. Kei ah mä, a hta m’hni pi ciah chang cu, kei ah düihpüi ah kä kya hlawt khai.

HEBRU 10:39

Mikmi cu hnu ah ng’hlat ba ne chükmaih ciah chang ah kä mi kiak ci, yum ne hun nak gah ciah mi kyak ci.

MATTHE 19:22

Cun ah chang cu ang htei ah bühmang ci kya ne, Bawipa Jesuh naw cun ah a pyein cu ng’ya netah, kä yei nüng ne hteit ba ci.

ZEKHARIAH 8:23

Cun ah hnüüp ung a khawhei chang, chang sing gha cu, Jew chang tumat ah law u neta, “Nang ah bä nak cu kami ng’pai tu hlük ci nei, a i ah kyasei ci ung, ‘Khanpughi cu nang awn atäng ah om ciah kami ng’yak ci nei, cik khai gui’” cik ci.

ISAIAH 14:1

Bawipa naw a chang Israel gui cu m’gein ba gui mä ne, amät ah chang ah ghü ba gui ci. Aui naw ami mät ah khaw ung om ba sat gui mä khai, akhawhei chang gui cu a cu ah law u ne ngami awn atäng ah om khai gui.

NG'THU K'THUUK~ 17:17

Teihpüii gui naw angtai sei yumhni nak m’dang ci gui, Cumbawng nak ka ng’lung lak nak ung a i hawkcha ah ng’phai nau vai aw?

1 GHANGPUGHANG GUI 19:20

Elisha naw vantang gui nawng ne, Elijah ah dawng law neta a pyen cu, “Kapa la kanu cu ng’ui ne ka yavaih goi cang khai, cun kawn ah nang awn a täng ah ka hteit tuk khai nei” cik ci. Elijah naw, “Ä ya, hteit ba ä, kä ka ning ma nak khai nei!” cik ci.

THULÄÄN NAK 10:20

Bawipa nami Khanpughi ah ng’thu bäng läk ne, ani bäng khawihnah vä. Ani ung bekhüt ne ani ah ming bäng ung nami shaitak nak bi vä.

2 TIMOTHI 4:10

Demas cu m’dek khan am hni nak awn, kei na nawng ne, Thessalonika ah hteit ci nei. Creseens cu Kalatia ah, Titus cu Dalmatia ah hteit ci gui nei.

LAMKTU 17:34

Chang amshah gui cu Paul awn ng’khawt u netah yum law tuk ci gui. Cun gui cu Areopakas ah yung ungka Dionicius la Damaris ming nak ciah hnumi tumat la chang hei amshah gui ah kya ci.

ATÜNNAK 31:55

A ngawi ung khawngawi hta Laban naw a hta hnumi goi la, atu gui cu ng’ui ne gidam neta, a im ah hteit ba ci.

ATÜNNAK 31:28

Ka hta hnumi gui la ka tu gui ng’ui ne ka gidam nak gui vai ah a khin phi kä na na pek ci nei. Cun cu akshe ah na bi ah kyak ci nei.

THULÄÄN NAK 4:4

Cun ung phi Bawipa nami Khanpughi ung nami bekhüt cicu tuh güt nami ghing ci.

RUT 1:13

Cun gami ng’vai law güt nang ni nani ging hning khai ma? Acun güt kä cei mah ba ne nani am khai ma? Cun ah kä kya ci, ka hta hnumi gui, cun ah kä kia hning khai ah nani hunat ci nei. Bawipa naw hnu ng’tuk pü Na ng’hlah ta sei, neng Ni ah phäh ah ka thüi ci nei,” cik ci.

RUT 1:15

Naomi naw ani am, “Ruth, na paihta nai cu ak chang gui la ak khanpughi ah hteit ba ci nei. Ani awn a täng ah na im ah hteit tu ba ä” cik ci.

2 SAMUEL 19:39

Cun kawn ah David la a chang gui ami van naw Jordan tuinu hei kat ci gui. Ani naw Barzillai cu ng’ui ne, hriham pek sei, Barzillai cu a im ah hteit ba ci.

RUT 1:7

Ngami cu Jadah kho ah hteh vai ah a täng ah hteit ci gui. Cun ung phi lams ah.

RUT 2:11

Baoz naw, “Na cei asih kawn ah na cei ah nu ah khan ah na bi cu ka ng’ya pyi ci nei. Nang naw napa la nanu na khawchang nawng ne, kä na hmat man ah chang gui ah ng’lung ah law ne, na om tu cu kei naw ka hmat ci nei.