RUT 1:1 - Cho Bible Common Language 2016

¹ Suki gui naw ami uk sangung, cun ah kho ah kho yaw ci, Judah khaw Bethlehem ah ka chang tumat cu Moab khaw ah im tuk khai ah hteit ci, amät, akchu la a hta goi ni hteit ci gui.

RUT 1:1 Referans Kwoze

ATÜNNAK 12:10

Cun sang ung Kanaan khaw ah khaw yaw tuishek ci. Sheka law aih khäta Abram cu a htumtäng Egypt khaw ah a shäng om tuk khai ah hteit ci.

ATÜNNAK 26:1

Abraham ah om yah ung khaw a shet ah mäih ah khaw she ba khäta, Isaak cu Kerara gawnu Philistin ghangpughang Abimelek ah om nak ah hteit ci.

EZEKIEL 14:13

ani naw pyen ci, “Hnicim Chang, khopäng tumat cu katnak bi ne, kei ung kä abekhüt ah a kyak ung, kei naw ka kut shäng ne, ani ah ei awk vai gui cu ka m’di khai. Kei naw m’gaang tüi law ne Chang gui la seime gui cu ka ngawn khai.

SUKI GUI 17:8

Ani naw Bethlem cu nawng shut ne a om nak vai shui ci. Ani cu lam a hteh sangung Ephraim khaw-gui, Mika him ung gawk lawk ci.

TAIGÜTHUM 26:19

Kei naw chang ah nami ng’shei nak cu ka m’shet khai; khaw kä aa khai, nami khonglei cu chawng ne m’sii ah mäih ah guh khai.

ATÜNNAK 43:1

Kanaan khaw ah ei vai ng’ceet law pi pi ci.

AMOS 4:6

“Kei cu nami mang gaw gui avan ah khan ah leigai ka law püi ciah kyak ci. Cun ung phi nangmi cu kei ah kä nami law ba ci.

SAM 105:16

Bawipa naw ami kho ung kho zaw sak ci, ami ei avan maih sak ci.

THULÄÄN NAK 28:38

Nangmi naw m’shi akda nami phu khai, cun ung phi api hta nami khäm ba khai, a i ah kyasei ci ung khanpeh gui naw nami geit gui ei khai gui.

EZEKIEL 14:21

Shin cu Uktu Bawipa ah a pyen ah kyak ci nei: “kei naw Jerusalem ah khan ah ak kaa pikbäih m’kyuk nak phli cu ka tüi lawk khai-cun gui cu ng’tuk nak, lei gai, khisa nget la gawp yam nak ah kyak ci-cun gui naw Chang gui la seime gui cu m’di khai gui.

JEREMIAH 14:1

Khaw a käu vai ah mawng Bawipa naw ana pyen nak cu,

SAM 107:34

A cun ung om ciah chang gui ah shetkat ah phäh ah ani naw ang lei ni cu m’sii m’dek ah kyak sak ci.

1 GHANGPUGHANG GUI 18:2

Elijah cu hteit ci. Cun sang ung Samaria ung kho a käu cu akshe pikbäih ah kyak ci,

SUKI GUI 12:8

Jephthah asih kawn ah Bethlehem ung ka Ibzam naw Israel gui cu matawn gui ci.

2 SAMUEL 21:1

David naw a uk yah ung khaw kum thum ung ei khaw yaw ci. Cun ah kyasei David naw a cun ah mawng cu Bawipa am m’thein ci, Bawipa naw, “Saul la akyong chang gui naw chang ngawn ci gui; Ani naw Gibeon chang gui cu sih nak ung tüi gui ci.”

SUKI GUI 17:7

Cun yah ung Judah khaw Bethlehem gawnu ung Levit chang nong tumat om ci.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

1 SHONTÄP NAK 2:51

Ani ah a hnih nak ah a hta Salma naw Bethlehem gawnu k’süm ci, ak thum nak ah a htapa Hareph naw Bethkadera gawnu k’süm ci.

1 SHONTÄP NAK 2:54

Bethlehem gawnu süm ciah Salmah cu Netophath, Atnoth Beth Joab la Zorit chang gui ah pupa ah kyak ci, Zorit cu Manahath pahta hnih ungka tumat ah kyak ci.