ROMAN 9:5 - Cho Bible Common Language 2016

⁵ Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

ROMAN 9:5 Referans Kwoze

ROMAN 1:25

Ngami naw Khanpughi ah ng’düng nak cu ak she awn m’thawng ci gui, ngami naw tüi sho ciah Khanpughi cu nawng en u ne, a tüi sho gui düt cu khawihnah ci gui. Cun ah Bawimang cu angtäi sei hlüngtai sä! Amen.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

JOHAN 10:30

Kapa la kei cu tumat ah kani kyak ci” cik ci.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

ROMAN 1:3

Cun cu Khanpughi ah Htapa, mi Bawipa Jesuh Khrit ah mawng ah kya ci; Ani cu ak hnicim chang nak ah David ah ng’shon ung ng’tüi lawk ci;

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”

2 KORIN 11:31

Kei kä ka hleeihlak ah mawng cu Bawi Jesuh ah Pa Khanpughi naw hmat ci, cun ah Bawi ah ming cu angtäi sei hlüngtai sä!

ROMAN 11:28

Jew chang gui cu Thu Ni hnu ng’tuk püi u ne, Khanpughi ah gaa ah kya lawk ci gui. Cun cu nang mi khui hei chang gui ah yei nak vai ah hmawk ah kyak ci. Cun ung phi ngami cu Khanpughi naw a ghü gui te ah kya ne, ami pupa gui ung thukhän a peit nak gui awn ngami cu m’hni gui lä ci.

ROMAN 10:12

Khanpughi cu hnicim chang van ah Bawipa ah kya ne, ani khü ne ng’yoi ciah chang phung am bämang ciah hrilham yuk m’kyum lawk ci. Cun ah kya sei, Jew chang, khui hei chang ciah m’khoichaa nak kä om ci.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

SAM 106:48

Israel Khanpughi, Bawipa cu m’taam vä; Tuhbäi ung tün ne, ngawi yä m’taam vä! Chang avan naw, “Amen” ci sä! Haleluyah. Bawipa cu m’taam vä!

SAM 103:19

Bawipa naw a mang kiang cu khankho ah k’süm ci; Ani cu avan ah khan ah ghangpughang ah kyak ci.

SAM 72:19

Ang täi sei aming küi cu m’taam vä! Abämang nak cu m’dek khan avan ung be sä. Amen! Amen!

SAM 45:6

Khanpughi ah ning pek ah uk nak kho cu a ngawi ah phi kä ng’pyi hlawt khai nei. Nang naw na chang gui cu taga nak awn na uk gui ci

SAM 41:13

Israel Khanpughi, Bawipa cu m’taam nei! Tuhbäi la ngawi yä m’taam khah vä! Amen! Amen!

THU PHLAAN 22:20

Shin ah a mawng gui yuk pyein ciah Bawipa naw, “Kei akcang ah ka kyum law ge vai ci nei,” cine pyein ci. Cun cu akcang ah kya sä, Bawipa Jesuh yu kyum law ä!

2 TIMOTHI 2:8

David ah ng’shon, sih nak näng ne tho ba ciah Bawi khrit Jesuh cu na shüm kheng vai nei, cun cu kam theithang nak ah Thu Ni ung ka pyein ah kyak ci nei.

1 TIMOTHI 6:15

Tumat bäng ah kya ne, phyuhtheh ne uk ciah ghangpughang nüng ah Ghangpughang, bawi nüng ah Bawipa, Khanpughi naw, a khin a khüm nak ung Bawipa cu dang law ba sak khai nei.

1 KORIN 14:16

Nang cu nang mümcha bäng awn Khanpughi m’hlüngtai ne na k’taigü ah a kyak ung, pum tuk ciah chang tumat naw, nami ng’thu kä hmat ci kya ne, a i hawkchaa ah “Amen” a ci tu vai ang?

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

SAM 89:52

Bawipa cu angtäi sei m’taam vä! Amen! Amen!

1 SHONTÄP NAK 16:36

Israel Khanpughi Bawipa cu m’tam vä! Ani cu tuhbäi la khonglän ung m’tam vä! Chang avan naw “Amen” cine Bawipa cu m’hlüng tai vä.

1 GHANGPUGHANG GUI 1:36

Benaiah naw, “Acun ah bi vai nei, na Khanpughi Bawipa naw k’bäi khai nei.

THU PHLAAN 5:14

Khiküi paphli naw, “Amen” cine m’shang gui ci gui. A ghaampa gui naw, kawp ne khawihnah ci gui.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

JEREMIAH 28:6

“Cäicat vai nei! Shin gui cu Bawipa naw bik khai ah kei naw ka ngaih u ci! Kei naw akcang ah ka ngaih u ci, ani naw nangmi ah ng’cäbang nak cu bä khai ah bik khai, Babilonia ah kaa, Taigüim m’küm khawh gui a van la pha ne ami hteh püi ah chang gui avan cu law püi ba gui khai gui.

THULÄÄN NAK 10:15

Cun ung phi Bawipa naw nami pupa gui, am hni nak cu ghaat aih ci kya ne a hei chang gui ah hnün ung ani naw a ning ghü gui ah kyak ci. Nangmi cu tuh ä ani ah ghü ah chang ah nami kyak ci.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

ATÜNNAK 12:3

Hriham ning pek ci cu, Hriham ka pek khai, Ning plah taam ci cu, Ka plah taam khai, Nang ung chang pakhui avan cu, Hriham ka pek khai” cine pyen ci.

LAMKTU 3:13

Abraham, Issak, Jakob ni ah Khanpughi, mipu pa gui ah Khanpughi naw, ak changshäm Bawipa Jesuh am khankho bä khäk nak cu pe pyi ci nei. Cun ung phi nang mi naw ga am ap neh, Pilat naw k’phiawn vai ah k’bäi sei phi, Pilat ah ma ah nami k’she dam nah pyi ci nei.

HEBRU 7:24

Cun ung phi Bawipa Jesuh cu angtäi ghing ci kya ne, Taigü ah kia ne khuut abi cun phi a hei ah kut ung kä gawk hlawt ci.

LUKA 20:44

David naw Messiah-am, Bawipa, cine khü ci kyasei, a i chaa ah Messiah cu David ah ng’shon ah kya thei khai ang? cine ng’shi gui ci.