ROMAN 9:4 - Cho Bible Common Language 2016

⁴ Ngahmi cu Khanpughi ah chang ah kyak ci gui; Khanpughi naw ngahmi cu a hta ah pyang gui ne abämang nak cu hmuh sak gui ci: Bawipa naw ngami awn thukhän bik ci, ngah mi am thukhän pe gui ci; Ngah mi naw akcang ah khawihnah ci gui; Ngami naw Khanpughi ah shaitaak gah ci gui;

ROMAN 9:4 Referans Kwoze

EPHESIAN 2:12

Cun yah ung nang mi cu Bawi Khrit awn nami ng’shawng ci. Nangmi cu a kho hei chang gui ah kya u ne, Khanpughi ah ghü ah chang ah kä nami kya tuk ci. Khanpughi naw ak chang gui ah hmawk ah shai a taak ah ng’thukhän ung phi, nangmi cu kä nami ng’khämtuk ci, khomdek khan ung Khanpughi kä hmu ne, ngaih u vai kä om ciah chang ah nami kya man te ci.

SAM 147:19

Ani naw ak chang gui am ang thu m’khäh gui ne, Am shüm thein nak la a thukhän cu Israel gui am pe gui ci.

ROMAN 9:6

Khanpughi ah shaitaak cu yu kyavük düt ciah ka pyein ah kä kyak ci; a i ah kya sei ci ung Israel chang gui bäng Khanpughi ah chang gui ah kä kyak ci, chang khui hei gui phi Khanpughi ah chang gui ah kyak ci.

ATÜNNAK 17:2

Nang am thukhän ka ning pek khai, ka ning pung piah sak khai” cine pyen nak ci.

LAMKTU 2:39

Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.

THULÄÄN NAK 7:6

Shin ah nami bi vai cu a i ah kyasei ci ung, Bawipa nami Khanpughi naw ning khäm gui ci. Khomdek chang avan ungka, nangmi cu a mät ah chang aktung ah ning ghü gui ci.

PHYAWN NAK 4:22

Cun ung phi, Kei, Bawipa ah ng’thu nang naw na m’thein vai cu, “Israel cu kei ah ka htahtük ah kyak ci.

HEBRU 9:1

Ak htük ah thukhän ung khawihnah nak ah thumyo la chang ah pyan ah khawihnah nak ah hmun hlü ci.

SAM 89:3

Nang naw, “Ka ghü ah chang awn ng’thumkhän cu ka bik ci nei; Ka changshäm David ung shai ka tak ci nei,

1 GHANGPUGHANG GUI 8:11

dei ne ng’shü ne Bawipa ah om nak ah kyak ci, ngami cu ami bi mawng bi ba khai gui ah akyong ah kä valut ba hlawt ci gui.

ROMAN 8:15

Khanpughi ah ning peit gui ah Mumcha naw nang mi cu Khlei-htein ah kä ning k’hmoh gui ci, kyih ah phi kä ning kyihkyawk sak gui ci. Mumcha naw mikmi cu Khanpughi ah hta gui ah na pyang gui sei, Mumcha ah na peit gui ah hlüngtai nak awn Khanpughi cu, “Ka Pa, Ka Pa,” cine khü tu vai ah mi khin tuk ci.

JOHAN 1:17

Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.

JEREMIAH 31:33

Kei naw Israel chang gui awn ka bi vai ah thukän thai cu shin ah kyak ci: kie naw ka thukhän cu ami kyong ung tha ne, ami m’lung ung ka guk khai, kei cu ngami ah kanpughi ah ka kyak khai, ngami cu kei ah chang ah kyak khai gui.

THULÄÄN NAK 14:1

“Nangmi cu Bawipa nami Khanpughi ah chang ah nami kyak ci. Cun ah kyasei aksi ah phäh ah nami thüi kyah ung nami mät kä nami plawh kheih en vai, chang hei gui ah mäih ah nami lu hmai kä nami k’teiu vai.

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

HEBRU 9:10

Cun gui cu ei awk la theingcim nak a hlü hlü bilawh nak gui ung phung ci. Shin gui cu ak pung lam m’hnütbäi nak gui ah kya ne, Khanpughi naw khokthai a pyan nak kä phaa sei ng’pyi khai gui.

HEBRU 9:3

Acun ah hnu lam yihdung awn shung nak, khophung ah ma bäih ah, “Ak Theing Säih Hmun,” cu om ci.

JOHAN 1:47

Bawipa Jesuh naw Nahtanelah a law hmu netah, “Ani cu, Israel chang akcang ah kyak ci nei, ani ung hleeihlak nak kä om ci nei” cik ci.

MATTHE 21:33

“A hei tumtäng nak tumat cu ngai vä, sapyit akda geit ciah khomdek mah tumat om ci. Ani cu lo avan ng’vong ne sapyit neen nak vai khui phi shawk ci, shaam tumat phi co ci. Cun kawn ah a sapyit lo cu chang gui-am ak phlam a ei vai ah m’kai ne khah gui netah, a kho hei ah hteit ci.

HOSEA 11:1

Bawipa naw pyen ci, “Israel cu a hmaw sangung kei naw ka m’hni ci. Ka hta ah tha ne Egypt khaw ah ka, ka khü law ba ci.

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.

JEREMIAH 31:9

Kei ah ka Chang gui cu kyap u ne, taigü u ne, kei naw lam ka m’shüm gui nak awn law ba khai gui. Kei naw tuihta gui ah om nak ung khah püi gui ne, kä ami kiuk ng’täät vai ah lam k’ni ung ka khah püi gui khai.” Kei cu Israel ah pa ah mäih ah ka kyak ci, Epharaim cu ka hta ng’vaipi ah kyak ci.

ISAIAH 60:19

Kho hnüüp ah khohni, khomü ah chapa cu, nang ah akdei ah kä kya ba khai nei; kei, Bawipa cu, angtäi dei ciah nangah akdei ah kyak khai nei; kei ah bäimang nak ah akdei cu na khan ah ng’shü khai nei.

ISAIAH 46:3

Na ngai vä, Jakob ah hta ng’shon gui, k’pawih ciah kei ah ka chang gui. Nangmi nami hmi law ung tün ne kei naw ka ning m’htei htang gui ci nei.

ISAIAH 41:8

“Cun ung phi, Nangmi, Israel ka changshäm gui, Nangmi cu ka ning ghü gui ah chang, ka teihpüi, Abraham ah htangshon ah nami kya ci.

ISAIAH 5:2

Ani naw m’dek lei cu co ne lung gui cu ghäng ci; ani naw sapyit aknipi gui geit ci. Ani naw cun gui ngäng nak vai ah tänghän co ci, Sapyit theih neen nak vai ah khui phi co ci. Ani naw sapyit a up vai cu ging ci, cun ung phi sapyit theih cu thui yawp ci.

SAM 90:16

Bä ciah na hnün thawh nak cu na changshäm gui am na hmuh sak gui ne, chün ciah na m’gäi nak cu kami hta ng’shon am hmuh sak gui ä.

SAM 89:34

Ani ung ka thumkhän cu kä ka pit sak khai, ani ung ka shaitak tumat phi kä ka la ba khai.

SAM 78:61

Ani naw a huham la a bäimang nak ah kyak ciah Thukhän m’kü cu ga gui ah kut ung a gawk vai ah bik ci.

SAM 73:1

Am lung theing ciah Israel gui ah khan ah Khanpughi cu akcang ah nik ci.

SAM 63:2

Na phung kyong ung na ng’hmuh püi ä; na m’gäi nak la na bä nak cu na hmuh sak ä.

NEHEMIAH 13:29

Shüm ä, O Khanpughi, cun ah chang gui naw taigü gui ah zung, taigü gui la Levit gui awn nang naw na bi ah thukhän cu m’shuk chak ci gui nei.

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

THULÄÄN NAK 29:14

Bilawh vai ah a mawng mah mah awn Bawipa nawthukhän abi cu nami hta bäng awn ah kä kiak ci,

THULÄÄN NAK 29:1

Shin gui cu Bawipa naw Moses ung ang thumkhän ah thukhän gui ah kyak ci. Cun cu Moab khaw ung Israel chang gui ung abi ah kyak ci. Shin gui avan cu Bawipa naw Sinai M’htung ung ngami awn thukhän abi akbe nak ah kyak ci.

KHEI NAK 7:89

Moses cu Bawipa ng’thu püi khai ah Phung ah kyong a hlut neta, thumkhän m’küm ah a khüm ah khan, Cherubim hnih goi ah ng’lak ung, om neta, Bawipa naw ng’thu a pyen cu cun ng’yak ci.

PHYAWN NAK 40:34

Cun kawn ah khongmei naw Phung cu küm khäta, Bawipa ah om nak ung ng’shü ciah akdei cu be ci.

PHYAWN NAK 34:27

Bawipa naw Moses am, “Shin ah ca ng’lung gui cu na guk vai, kei naw nangmi la Israel gui ung thukhän ka bi nak ung shin ah ca ng’lung gui cu akung ah kyak ci” ciah pyen nak ci.

PHYAWN NAK 12:25

Bawipa naw a ning pek gui vai ah a shaitak ah khaw ung nami luh law ah a kyak ung shin ah bi cu nami bi vai.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

ATÜNNAK 17:10

Pami ah nami hta phung ung vun-ah nak nami bi vai ah nang la na htangshon naw nami yum vai.

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

ROMAN 3:2

A phuma läi cu akda om ci, a htük bäih ah Khanpughi ah ng’thu m’than cu Jew chang gui ung gawk law ma ci.

THULÄÄN NAK 4:13

Ani naw ning m’thein gui ci, a i nami bi vai, nangmi ung abi ah thumkhäm nami k’pan vai, nangmi naw thumkhän gha nami läk vai, cun cu ani naw lungphe hnih ung a guk ah kyak ci.

EZEKIEL 1:28

Cun ah avai gui avan cu zapi ah mäih ah kyak ci. Shin cu Bawipa ah om ah mawng dang sak ciah akdei khang ah kyak ci. Kei naw cun cu hmu neta m’dek ung ka hmai gawk khai ah ka kiuk ci. Cun kawn ah ka ng’yak ah k’aw cu,

2 KORIN 11:22

Cun ung phi chang tumat cu ak gu ah mäih ah ang thu ah a kyak ung, kei phi acun ah mäih ah ka ng’thu khai nei Cun cu gu ng’thu ah kyak ci nei. Cun ah chang gui cu Hebru ah ami kyak ung kei phi acun, Israel ah ami kyak ung, kei phi acun, Abraham ah hta ng’shon ah ami kyak ung kei phi acun,

KALATIAN 3:16

Tuhbäi Khanpughi ah shaitaak cu Abraham la a hta ng’shon ah hmawk ah kyak ci. Cacim ah pyein cu “Hta shon gui” chang akda a pyein ah kä kyak ci, “Hta shon” chang tumat a pyein ah kyak ci, aming cu Bawi Khrit ah kyak ci.

HEBRU 9:5

Cun ah m’küm khan ah cherubim ah gup gui om u ne, cun gui naw cun ung Khanpughi a om ah mawng m’dang ci gui, ami ng’phiaa gui naw shetkat m’gein nak ah kiang cu küm ci gui. Tuhbäi cun gui apüh akheh ah pyein vai kä kyak ci nei.

HEBRU 9:6

Cun ah ami pyan kawn ah taigü gui cu bi bik khai gui ah, phung ah ak caw lam ah ak hnüüp tä sei hteit ci gui.