ROMAN 9:1 - Cho Bible Common Language 2016

¹ Kei naw akcang ka pyein cu; kei ung Bawi Khrit om ci kya sei kei kä ka hleei ci. Mumcha Theing ah uknak awn om ciah kam lung kyong naw kei kä ka hleei ah mawng cu dang sak ci.

ROMAN 9:1 Referans Kwoze

1 TIMOTHI 2:7

Cun ah kyasei, kei cu ang düih püi ah nam düih ne chang khui hei gui ah saya ah kya ne, yum nak thu düng cu ka ng’shäu khai ah na tüi ci. Kei ka hleei ah kä kya ci, thu düng ka pyein na kiak ci.

ROMAN 1:9

Ahtapa ah mawng Thu Ni ng’shäu ne pyein ne, kam lung kyong avan ap ne, Khanpughi ah khuut cu ka bik ci.

KALATIAN 1:20

Shin ah ka guk cu ng’düng ci, kä ka hleei ciah a kyak ah mawng cu Khanpughi naw hmat ci!

PHILIPPIAN 1:8

Bawi Khrit Jesuh ah m’gein nak awn, nangmi ang htei ah ka ning khaih nak gui ah mawng pyein ung, Khanpughi cu saksi ah kyak ci.

2 KORIN 11:10

Cun ah kei ah khähghah nak cu, Achaia kho avan ung a u naw k’üüp ne kä m’khüt khai cicu kei ung om ciah Bawi Khrih ah ng’düng nak awn shai ka tak ci nei.

ROMAN 8:16

Mikmi cu Khanpughi ah hta gui ah mi kyak ah mawng ang dang vai ah Khanpughi ah Mumcha naw, mi mümcha cu ng’khap püi ci.

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

1 THESSALONIAN 2:5

Nangmi naw nami hmat ah mäih ah keimi cu chang m’tam khah ne kä kami ng’thu ci, kami mät ah hmawk ah kä kami ng’thu ci nei. Shin ah a mawng ung Khanpughi cu kami saksi ah kyak ci nei.

2 KORIN 12:19

Keimi naw a thawm ah kami mät kami ng’küikyan ciah nami ngai hngaw khai nei! Cun ah kä kyak ci, Bawi Khrit ah nam theithang gui ah mäih ah, Khanpughi ah ma ah ng’thu kami pyein ah kyak ci. Teih püi gui aw, keimi ah bi gui phung cu nangmi ah hmawk ah kyak ci nei.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

1 TIMOTHI 5:21

Khanpughi ah ma, Bawi Khrit Jesuh ah ma la Theingcim ciah khankho chang gui ah ma ah, kei naw thukhän ka ning peik cu, nang naw shin ah m’cäi nak gui cu läk netah ng’daut ne a i kä nam khoichaa düt en vai, chang ah hmai teng ne a i kä na bi vai.

2 KORIN 11:31

Kei kä ka hleeihlak ah mawng cu Bawi Jesuh ah Pa Khanpughi naw hmat ci, cun ah Bawi ah ming cu angtäi sei hlüngtai sä!

2 KORIN 1:23

Korin ah kä ka law vai ah ka k’bäi cu nangmi ka ning m’gein nak gui ah a kyak cu kei ah m’lung hmat ciah Khanpughi saksi ci.

ROMAN 2:15

Thukhän ah pyein gui cu ami m’lung kyong ung guk ah mäih ah ami om ih naw m’dang ci. Ami m’lung kyong ung phi cun cu ng’düng ci ciah m’dang ci. Ami m’lung ngaih naw ak hngü ät m’kat gui ne, ak hngü ät k’bää gui ci.

ROMAN 9:2

Kei cu ang htei ah ka thüi ci. Kam lung kyong ah angtäi sei yaica nak om ci.