ROMAN 8:4 - Cho Bible Common Language 2016

⁴ Khanpughi naw cun ah abi cu hnicim chang nupuk nak ciah kä kya ne, Mumcha ung ghing ciah, mikmi naw thukhän ah ng’düng sei mi läk vai ah hmawk ah kyak ci.

ROMAN 8:4 Referans Kwoze

KALATIAN 5:16

Kei naw ka pyein hlü cu: Mumcha ah m’shüm thein ah mäih ah nami om vai nei, hnicim chang ah ng’yak hlü cu kä nami läk-en vai nei.

KOLOSE 1:22

Cun ung phi A Htapa pumsa awn asih nak awn Khanpughi naw a teihpüi ah ning pyang gui ci, amät ma ah theingciim nak la kümbe nak awn ning hteh püi gui ci.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

HEBRU 12:23

Nangmi cu Khankho ah ang ming ami guk ah Khanpughi ah hta ak tahnga gui ami ng’bum nak ah yeikyai ne nami gawk pyii ci nei. Nangmi cu hnicim chang avan m’khoichak ciah Khanpughi la kümbe ciah chang gui ah mümcha gui ah om nak ah nami gawk pyii ci nei.

THU PHLAAN 14:5

Ngami cu a i sang ung phi kä hleei ci gui, m’kat nak gui vai a i kä om ci.

1 JOHAN 3:2

Ka püi gui aw, mikmi cu tuhbäi Khanpughi ah htanau gui ah mi kyak ci nei, cun ung phi ngawi ah a i ah mi kyak law vai cu kä ng’hmat pang sei phi, Bawi Khrit a kyum law ba hnüüp ung, ani awn täng ne mi om khai, amät akcang cun phi mi hmuk khai, cicu mi hmat ci.

ROMAN 2:26

A vaisü ah vun-ah nak kä bi tuk ciah khui hei chang tumat cu, thukhän ah pyein gui avan a läk tu ah a kyak ung, Khanpughi naw vun-ah nak bik ciah chang ah mäih ah dou khai ah kä kya ne ang!

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

ROMAN 3:31

Cun ah a kyak ung mikmi naw Khanpughi yum nak awn thukhän cu mi nawng en ah kyak khai ang! Cun ah kä kyak ci, thukhän cu mi khän htek sak nak ah kyak ci nei.

2 KORIN 10:2

Keimi cu khodek khan ah mawng ung kami hnüntho ciah na pyein gui ciah chang gui ah ma ah lingtha nak cu m’dang vai kyak ci nei, nangmi om nak ah ka law ung cun ah mäih lingtha nak m’dang nak vai kä om men sä.

2 KORIN 10:3

Keimi cu khodek khan ah kami om ciah ng’khän ci, cun ung phi khodek khan ah hmawk ah ng’tuk kami bik ciah kä kyak ci.