ROMAN 8:10 - Cho Bible Common Language 2016

¹⁰ Nangmi ung Bawi Khrit cu akcang ah om ciah a kyak ung, nami pumsa cu katnak awn sik khai ah a kyak tu pang ung phi. Mumcha naw ning ghin sak gui khai, a i ah kya sei ci ung nang mi cu Khanpughi ung ng’düng nak nami gah pyi ciah a kyak ah hmawk ah kyak ci.

ROMAN 8:10 Referans Kwoze

EPHESIAN 3:17

Nami yum nak awn nami m’lung kyong ung Bawi Khrit naw im ak süm vai ah ka taigü ci nei. Nangmi cu m’hni nak ung ng’yungpyaa ne nami khän htek vai ah ka taigü ci nei,

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

JOHAN 17:23

Ngami ung kei ka om ah mäih nang cu kei ung na om ci. Cun ah kyasei ngami cu ami kawng ät nak awn, nang naw kei na na tüih law ah mawng la, kei na nam hni ah mäih ah ngami phi nam hni gui ah mawng cu, m’dek chang gui naw hmat khai gui kyak ci.

KOLOSE 1:27

Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.

ROMAN 8:11

Bawi Jesuh sih nak ungka thawh ba sak ciah Khanpughi ah Mumcha cu nang mi ung akcang ah om ciah a kyak ung, Bawi Khrit sih nak ung kaa thawh ba sak ciah Bawipa naw, amät ah Mumcha awn sih thei ciah nami pumsacun phi ghin sak khai nei.

PHILIPPIAN 1:23

Kei naw hnih ah ka ngaih nak om ci, kei cu shih ah ghin nak nawng shüt ne Bawi Khrit ung ang htei ah ka om hlük ci, cun cu kei ah hmawk ah bä pi ci.

PHILIPPIAN 3:9

Bawipa awn kawng ät nak vai ah hmawk ah, a päng avan cu ap ah mäih ah ka hmuk ci. Kei naw thukhän ka mät ah läk nak awn chang düng ah kä ka kya ba ci nei. Kei cu tuhbäi Bawi Khrit ka yum nak awn chang düng ah ka kyak ci, cun ah chang düng ah kyak nak cu Khanpughi ungka law ne, yum nak ung phung ci.

1 KORIN 15:45

Cacim ung, “Ak htük ah chang Adam cu, a hnun ghing ah a tüi ah kyak ci, ak hnu bäih ah Adam cu Mumcha ghin sak ciah kyak ci.

THU PHLAAN 14:13

Cun kawn ah khankho ah kaa k’aw naw, “Tuhbäi ung tün ne Bawipa ah khuut bi netah, sik ci gui cu yeikyai nak om ci nei, cun cu na guk vai nei” ci sei ka ng’yak ci. Mumcha naw, “Ä! Cun cu akcang nei! K’tha nane bilo ciah chang gui cu yeikyai ne ng’düm khai gui nei, ami bi ah akchaw cu ami mät awn ng’khap ci nei” cine pyein ci.

JOHAN 15:5

Kei cu sapyit phung ah ka kyak ci, nangmi cu ang ban ah nami kyak ci. Nangmi cu kei ung kä nami ng’yung ung a i kä nami m’khüt khai. Chang tumat cu kei ung om sei, kei phi ani ung ka om ah a kiak ung ani cu akda ah m’theih tak khai.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

HEBRU 12:23

Nangmi cu Khankho ah ang ming ami guk ah Khanpughi ah hta ak tahnga gui ami ng’bum nak ah yeikyai ne nami gawk pyii ci nei. Nangmi cu hnicim chang avan m’khoichak ciah Khanpughi la kümbe ciah chang gui ah mümcha gui ah om nak ah nami gawk pyii ci nei.

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

1 THESSALONIAN 4:16

Khanpughi ah thukhän, khanchang ang vaipi ah thu k’aw, Khanpughi ah phyungheng, ang thang law hnüüp ung, khankho ah kaa Bawipa amät cu kyum lawk khai nei. Bawi Khrit ami yum kawn ah sik ciah chang gui cu tho ba htük khai gui.

2 KORIN 13:5

Yum ne nami ghin nak a bä la kä cun ah, nami mät naw nami mät m’htei ne ng’thumcha shüm vä. Cun ung kä nami pyai ah a kyak ung, Bawi Khrit Jesuh nangmi ung a om cu akcang ah nami hmat khai nei.

2 KORIN 4:11

Mikmi cu mi ghin yah ak chuih Bawi Jesuh ah hmawk ah sih nak cu mi aut ci, cun cu mikmi ah thuka thei ciah pumsa ung Bawi Jesuh a ghin ah mawng ang dang vai ah hmawk ah kyak ci.

ROMAN 5:21

Kat nak naw sih nak awn a uk ah mäih ah, mi Bawipa Jesuh Khrit ung angtäi ghin nak mi gah vai ah, Khanpughi ah m’geinsei nak naw ng’düng nak awn na uk gui ci.

ROMAN 5:12

Shetkat nak cu khomdek khan ah chang tumat awn gawk law ci, ani ah katnak awn sih nak phi gawk lawk ci. Cun ah kya sei hnicim chang van cu katnak bi u ne, sih nak ung gawk ci gui.

JOHAN 6:56

Ka sa ei ne ka si awk cicu kei ung om ci, kei phi ani ung ka om ci.

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

JOHAN 6:54

Kei ah sa ei ne kei ah si awk ci cu, angtäi ghin nak gah ci, akhnu hnüüp ung ani cu kei naw sih nak ungka ka thawh ba sak khai.

TAIGÜTHUM 13:40

Pami tumat cu a hnu täng ah phi kia, amca täng ah phi kia, alu mu a kiawi ah a kyak ung, cun naw kä theingthap khai ah kä kyak sak ci.