ROMAN 7:9 - Cho Bible Common Language 2016

⁹ Kei ka mät phi thukhän cu kä ka hmat man ci, thukhän ka hmat law vai am tün ne, katnak cu kei ung ghing lawk ci.

ROMAN 7:9 Referans Kwoze

KALATIAN 3:10

Thukhän läk vai bäng ngaih u ci gui cu acun naw kyuk gui ci. Cacim theing ung, “Thukhän ca uk ung ami guk phung kä läk ciah chang cu Khanpughi naw m’kyuk ci,” ciah om ci.

ROMAN 8:7

Hnicim chang ah ng’yak hlü bäng ngaih-tüh ciah chang cu Khanpughi ah gaa ah kyak ci, ani naw Khanpughi ah thukhän kä läk hlawt ci, akcang ah kä läk hlawt ci.

KALATIAN 2:19

Thukhän naw kei cu na sih sak ciah kyasei, thukhän ah mawng ung kei cu chang k’si ah ka kyak ci. Cun ung kei cu Khanpughi awn atäng ah sih nak ka gah pyi ci:

ROMAN 10:5

Moses naw thukhän läk nak awn, Khanpughi ung düng nak ah mawng a guk cu; “Thukhän ung thu küi läk ciah chang phung cu ghing khai,” ciah kyak ci.

ROMAN 7:11

Kat nak naw lam shui ne thukhän am’dang nak awn kei cu na sih sak ci nei.

ROMAN 7:6

Yanä na khitpawng gui man ciah thukhän cu mi sih püi pyi ci kya sei, tuk bäi mikmi naw thukhän cu mi phyawn ah pyi ci nei. Tuk bäi mikmi cu gu ne pyan ah thukhän lam k’phyim awn kä kyak ciah, Mumcha ah pyan ah lam k’thai awn Khanpughi ah khuut cu mi bik ci nei.

ROMAN 7:4

Phäi nau gui aw, shin ah mawng cu nang mi awn phi ng’lüng ci nei. Nang mi cu Bawi Khrit ah pumsa ah nami kya pyi ci kya ne, thukhän ung nami ghin nak cu si pyi ci nei. Khanpughi ah khuut bi nak ung hnüntho ciah mi kyak nak vai ah sih nak ung ka tho ba ciah Bawi Khrit ah chang ah nami kya pyi ci nei.

LUKA 18:21

Cun ah chang naw, “Cun ah thukhän gui cu ka hmaw sang ung tün ne ka läk pyi ci” cik ci.

LUKA 15:29

A hta ng’vaipi naw, “Kei cu khokum akda ung nang pa ah pyein ah om ne bi ka bik ci. Nang pa ah ng’thu hngü ät phi kä ka heng man ci. Cun ung phi ka teihpüi gui awn yeikyai ne kami ei vai ah mehta tumat phi kä na na ngawn pe man ci.

MATTHE 19:20

Cun ah changnong naw, “Shin ah thukhän gui cu kei naw ka hmaw yah ung tün ne ka läk ci nei, cun kawn ah kei naw ka bi ba vai a i ang a hlü ba kaw,” cine ng’shi ba ci.

SAM 40:12

Kei cu kä khei tai vai ah da ciah khüikha nak naw na k’cung ci nei. Ka katnak gui naw na pha sei a i kä ka hmu ba ci nei; ka katnak gui cu ka lu ung lumu ah phi da pi ci nei; kei ah ka thagui cu maih ci nei.

ROMAN 7:8

Kat nak naw mikmi am cun ah thukhän cu na shüm sak gui ne, mi m’lung kyong ah ng’yak hlü nak a hlü hlü cu dang sak ci. Thukhän kä a om ung katnak cu ak si ah kyak ci.

ROMAN 7:10

Cun kawn ah kei cu ka sik ci. Kei naw ka ghing nak vai ah pyein ah thukhän naw kei cu na sih sak ci nei.