ROMAN 7:8 - Cho Bible Common Language 2016

⁸ Kat nak naw mikmi am cun ah thukhän cu na shüm sak gui ne, mi m’lung kyong ah ng’yak hlü nak a hlü hlü cu dang sak ci. Thukhän kä a om ung katnak cu ak si ah kyak ci.

ROMAN 7:8 Referans Kwoze

ROMAN 7:11

Kat nak naw lam shui ne thukhän am’dang nak awn kei cu na sih sak ci nei.

1 KORIN 15:56

Sih nak ah k’sam mei cu katnak ah kyak ci, katnak ng’huuk nak cu thukhän ah kyak ci.

ROMAN 4:15

Thukhän naw Khanpughi ah m’lung k’she nak cu m’dang ci; cun ung phi thukhän kä a om ung m’shekat nak phi kä om khai kyak ci.

ROMAN 7:13

Cun ah a kyak ung akni naw kei cu na sih sak ne ang! Cun ah kä kyak ci, Kei na sih sak cicu katnak ah kyak ci, kat na cu kei ah ka nupuk ng’tüipüi ah ang dang vai ah, ak ni cu mang ne kei cu ana sih sak ah kyak ci. Cun ah kya sei katnak a i hlawk ah ashetkat ah mawng cu thukhän awn hmat ah kyak ci.

ROMAN 5:20

Cheishoh nak ada law pi vai ah Khanpughi naw thukhän cu am hnüt ah kyak ci. Cun ung phi katnak ada law pi ung Khanpughi ah m’gein nak cun phi däm law pi ci.

JOHAN 15:22

Kei naw law ne kä kam thein gui vai sü ung ami katnak kä dang khai sü te; tuhbäi läi ami katnak a u naw phi käm’yih ba hlawt ci gui.

ROMAN 7:17

Cun ah kya sei kei naw ka bilawh gui bik cicu kei akcang ah kä kyak ci; kei ah m’lung kyong ung ghing ciah katnak ah bi ah kyak ci.

JOHAN 15:24

Kei naw ngami ah ma ah a u ah kä bi man gui kä ka bi vai sü ung, ngami ah katnak kä dang khai süte. Tuhbäi ngami naw kei ah bi gui cu hmu u netah, kei la Kapa cu na gen goi ci gui.

MAKUH 7:22

chang ah chu chang ah hta kat püi nak, ng’yak hlü aih nak, nget ngawng nak, hleei hlak nak, ng’yak hlü düt ah om nak, m’thüimkhang nak, chang ah ming m’shet nak, chang ah ng’shei nak, gu-ang nak, gui ah kyak ci.

ROMAN 3:20

Thukhän läk nak awn a u chang phi Khanpughi ah maa ah kä ng’düng hlawt ci; Thukhän cu chang gui ah shetkat nak dang sak ciah kyak ci.

ROMAN 7:9

Kei ka mät phi thukhän cu kä ka hmat man ci, thukhän ka hmat law vai am tün ne, katnak cu kei ung ghing lawk ci.