ROMAN 7:12 - Cho Bible Common Language 2016

¹² Cun ah kya sei thukhän cu theing cim ci, thukhän cu ng’cim ne, ng’düng ne, nik ci.

ROMAN 7:12 Referans Kwoze

1 TIMOTHI 1:8

Thukhän cu akni ah mang ung nik ciah mi hmat ci.

SAM 119:137

Bawipa, nang cu na düng ci, na thukhän gui cu taga ci.

ROMAN 7:14

Thukhän cu mümcha lam ah kyak ciah mi hmat ci, cun ung phi kei cu katnak ah khlei-htein, chang ah hta ah ka kyak ci.

SAM 119:172

Kei naw na thukhän ah mawng ng’äi ka m’cu khai, a i ah kyasei ci ung thumkhän gui cu taga ci.

ROMAN 3:31

Cun ah a kyak ung mikmi naw Khanpughi yum nak awn thukhän cu mi nawng en ah kyak khai ang! Cun ah kä kyak ci, thukhän cu mi khän htek sak nak ah kyak ci nei.

NEHEMIAH 9:13

Sinai m’htung ung khankho ah ka kyum law ne; Na chang gui cu na ng’thu püi gui ci thukhän akni la m’theithang nak akbä cu na pe gui ci.

THULÄÄN NAK 10:12

“Tuhbäi, Israel chang gui, Bawipa nami Khanpughi naw a i a ning thäh gui cu ngai vä. Bawipa khawihnah vä, a thumkhän avan bi vä, ani m’hni vä, nami m’lung kyong avan awn abi bi vä.

THULÄÄN NAK 4:8

A u ni pakhui, a i hlawk ah dämduh ci ung phi, tuhngawi kei naw ka ning m’thein gui ah mäih ah taga ciah thukhän gui cu kä om ci.

SAM 119:140

Na shaitak cu a i hlawk ah ng’htei ci! Kei naw a i hlawk ah ka m’hni ci aw!

SAM 119:127

Kei naw na thumkhän cu ghui ah ta ka m’hni pi ci, Ghui k’ni ah ta ka m’hni pi ci.

SAM 119:38

Na changshäm kei ung — na shaitak cu m’khän ä, cun cu ning ngai ci gui am na shaitak ah kyak ci.

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

ROMAN 7:16

Kei naw kä ka bi hlü bängbäng te, ka bik ciah a kyak nak awn, thukhän cu ng’düng ciah kak bäi ci.

SAM 119:86

Na thumkhän avan cu zumhtek nak ah kyak ci nei; chang gui naw hleei ne na dukdeiu nak ci gui nei, na m’htei ä!