ROMAN 7:11 - Cho Bible Common Language 2016

¹¹ Kat nak naw lam shui ne thukhän am’dang nak awn kei cu na sih sak ci nei.

ROMAN 7:11 Referans Kwoze

ATÜNNAK 3:13

Bawipa Khanpughi naw, hnumi am, “A i vai ang cun ah na bi” cine ng’shi khäta; Hnumi naw, “K’phyu naw na ei sak sei ka ei ci nei” cine pyen ci.

ROMAN 7:8

Kat nak naw mikmi am cun ah thukhän cu na shüm sak gui ne, mi m’lung kyong ah ng’yak hlü nak a hlü hlü cu dang sak ci. Thukhän kä a om ung katnak cu ak si ah kyak ci.

HEBRU 3:13

Nangmi cu cheishoh nak ung kä thuvi ne kä nami lingkheng-en vai ah, cacim theing naw “tuhngawi” ciah thu anam thein nak gui a om ah chuih, ak hnüüp tä sei tumat la tumat anmi hteinghtang tu vai nei.

JAMES 1:26

Chang tumat cu amät naw amät ayum nak om ciah a pyein ung phi, am gawng kä ah khäm ah a kyak ung, ayum nak cu akholä ah kya ne, amät naw amät m’hleei ciah kyak ci.

JAMES 1:22

Thucim nami ngaihyak nak tu düt awn kä nami hleeihlak-en vai nei; cun ah thu cu akcang ah nami mang thei vai nei.

ROMAN 7:13

Cun ah a kyak ung akni naw kei cu na sih sak ne ang! Cun ah kä kyak ci, Kei na sih sak cicu katnak ah kyak ci, kat na cu kei ah ka nupuk ng’tüipüi ah ang dang vai ah, ak ni cu mang ne kei cu ana sih sak ah kyak ci. Cun ah kya sei katnak a i hlawk ah ashetkat ah mawng cu thukhän awn hmat ah kyak ci.

JEREMIAH 49:16

Chang aha nami ng’shei nak naw ning m’hleei hlak gui khai. Chang gui naw nangmi naw ami kyak vai nami ngaih hlawk ah kä ning kyih gui khai gui. Nangmi cu lung song gui ah khan, m’htung hlüng gui ah khan ung nami om khai; cun ung phi nangmi cu hmu ki ung ah mäih ah ah lüng nak ung nami om ung phi Bawipa naw ning yuk cha ba gui khai. Bawipa naw a pyen nei.”

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

ISAIAH 44:20

Ani ah bilawh cu m’vut ei ah mäih ah kyak ci. Ani ah anglam ciah ang ngaih-tüh nak naw lam hma sak ciah kyasei m’htei htang tu vai ah phi kä kyak ci nei. Ani naw a kut ung akawh ah agup cu khanpughi ah kä kyak cicu amät naw amät kä hmat ci.

EPHESIAN 4:22

Cun ah kyasei ghin cu om düt ah ghin nak man, ak phyim cu lim ne nawng shüt vä. Mät ah ng’yak hlü hlimtui nak awn didap thei ciah, ghin nak phyim cu hnu nah vä.

OBADIAH 1:3

Na khähghah naw ning m’hleei ci, Na mang gaw cu kheng lung ah m’liu ci; Na im cu khomhtung pha ne hlüng ci, cun ah kyasei na mät ng’htau ne, ‘A u naw kä na buh tawn hlawt khai ang?’ na cik ci.

ROMAN 3:20

Thukhän läk nak awn a u chang phi Khanpughi ah maa ah kä ng’düng hlawt ci; Thukhän cu chang gui ah shetkat nak dang sak ciah kyak ci.