ROMAN 7:1 - Cho Bible Common Language 2016

¹ Phäi nau gui aw, nang mi cu thukhän nami hmat pyi ci kya ne tuk bäi ka pyein vai ah a mawng gui cu nami hmat khai nei. Chang cu a ghin yah ak chuih thukhän ah kyong ung om ci.

ROMAN 7:1 Referans Kwoze

ROMAN 6:14

Kat nak cu nami bawimang ah kä kya en sä; nang mi cu thukhän ah kaa ah kä nami om ci, Khanpughi ah m’gein nak ah kaa ah nami om ci nei.

ROMAN 7:6

Yanä na khitpawng gui man ciah thukhän cu mi sih püi pyi ci kya sei, tuk bäi mikmi naw thukhän cu mi phyawn ah pyi ci nei. Tuk bäi mikmi cu gu ne pyan ah thukhän lam k’phyim awn kä kyak ciah, Mumcha ah pyan ah lam k’thai awn Khanpughi ah khuut cu mi bik ci nei.

ROMAN 6:3

Nang mi naw akcang ah nami hmat vai cu, mikmi cu Bawi Khrit Jesuh awn kawng ät nak ah tui mi ng’hnim nak awn, ani awn a täng ah mi si tuk ciah kyak ci.

ROMAN 10:1

Phäi nau gui aw, kei naw ka chang gui hun nak ami gah vai cu ka m’lung kyong avan awn ng’ya hlü aih netah, ngami ah hmawk ah Khanpughi ah ka taigü ci nei.

NG'THU K'THUUK~ 6:23

Ngami ah m’shüm thein nak cu ng’shü ne dei ci: ami m’shung m’düng nak naw a i cha ah ghin vai cu ning m’thei ci.

KALATIAN 4:21

Thukhän ah kaa ah om hlük ciah chang gui, ka ning shi gui hlük ci; thukhän ah pyein cu nangmi naw kä nami ng’yak ci ma?

ROMAN 9:3

Ka chang gui, ka k’chi ng’chüng gui ah hmawk ah Khanpughi ah m’kyuk nak la Bawi Khrit awn ng’pai nak phi ka aut hlük ciah m’lung om ci nei.

1 KORIN 9:8

Shin ah kei ah m’tumtäng nak gui bäng ah kä kyak ciah, thukhän naw phi acun bä ah pyein ci nei.

ROMAN 1:13

Nami shüm ba vai nei, phäinau gui aw, nangmi ah om nak ah ka lawk khai ah akda vei ka pawng ci nei, cun ung phi apipi cüngvawn nak om ci, changpakhui hei gui ah lung ah ka bi nak ung ami ng’hlah law nak a om ah mäih ah nang mi ung phi a om vai ah ka ng’ya hlük ci nei.

EZRA 7:25

“Nang, Ezra naw Khanpughi naw aning pek ah cüvai nak cu mang ne Khanpughi ah ang thukhän awn ghing u ne, Euphratis ah akhei täng ung om ci gui ah chang avan uk gui khai ah uktu gui la suki gui cu na m’düih gui vai nei. Cun ah thukhän cu kä hmat tu phak ci päng am m’thein gui vai nei.

ROMAN 10:4

Bawi Khrit naw thukhän ah a khin cu ang pyi sak pyi ah kya sei, yum ciah chang nüng am Khanpughi ung ng’düng nak cu pe pyi ci nei.