ROMAN 5:7 - Cho Bible Common Language 2016

⁷ Düng ciah chang tumat ah hmawk ah sih pek khai a u kä om ci, chang k’ni tumat ah hmawk läi ah sik khai cu a om ung om hman khai.

ROMAN 5:7 Referans Kwoze

1 JOHAN 3:16

Bawi Khrit naw mikmi ah hmawk ah a hnun gui cu a peit ah kyasei, mikmi naw m’hni nak akcang cu mi hmat ci. Mikmi phi mi phäi nau ah phäh ah mi hnun gui mi peit vai hlü ci.

ROMAN 16:4

Ngah ni cu kei ah hmawk ah ani hnun gui pe ne bi bik ci goi nei. Ngah ni cu kei bäng ah kä kyak ciah khui hei chang khritha bum avan naw yei na goi ci gui nei.

JOHAN 15:13

A paw chang ah hmawk ah a ghin nak pe ne m’hni ciah, m’hni nak ah kawn ah, däm pi ciah m’hni nak kä om ba ci.

LAMKTU 11:24

Barnabas cu chang k’ni ah kya ne, Mumcha Theing awn phi be ne, Düng nak awn phi küm ci kya ne, chang akda cu Bawipa ah khü law gui ci.

SAM 112:5

Ng’khai ne chang am k’pu m’hnih thei ciah chang cu yeikyai nak om ci, Ani naw abi lawh phung düngshung sei bik ci.

2 SAMUEL 18:27

Gaw ngäng ciah chang naw, “Dawng law ma cicu Ahimaaz ah mäih lawk ciah ka hmuk ci nei” cik ci. Ghangpughang naw, “Ani cu chang man, ani naw ng’thu ni law püi ci” cik ci.

2 SAMUEL 18:3

Ngami naw, “Nang keimi awn a täng ah kä na hteit khai. Ga gui ah phäh ah kei mi kami van kami dawng ung phi a i kä kyak khai, a yah ng’paai ami na ngawn gui ung phi a i kä kyak khai; cun ung phi nang cu keimi phia, phia ah ta na bä pi ci. Nang shin ung mang gaw ung om ne, na m’htei gui cu bä pi khai nei” cik ci gui.

MATTHE 13:15

A i ah kyasei ci ung, ami m’lung cu ang ne, amik hnga cu pang ne, ami mik cu m’shing ciah kyak ci. Ami mik m’dei ne ami hnga ng’lang sei, ami m’lung kyong awn hmuhmat u ne ami kyak vai sü ung, Kei lam ah ng’hlat law u ne, na yi hnei u sei, Kei naw phi kam gein gui khai süte,” cine Khanpughi naw pyein ci ciah kyak ci.

ROMAN 5:6

Mikmi cu am gein kaa ah mi kyak yah ung, Bawi Khrit cu Khanpughi ah k’bäi nak ah khin ung, mikmi la chang k’she gui ah hmawk ah sik ci nei.

ROMAN 5:8

Cun ung phi mikmi naw katnak mi bi k’chung ung Bawi Khrit naw mikmi ah hmawk ah si nak awn Khanpughi naw a i hlawk ah anam hni gui cu m’dang ci.