ROMAN 4:9 - Cho Bible Common Language 2016

⁹ Shin ah David ah pyein ah yeikyai nak cu, vun-ah nak bik ci gui bäng ah gah ah kya ne ang! Cun ah kä kyak ci, vun-ah nak kä bi tuk ci gui naw phi gah tuk ci gui nei. Mikmi naw mi hmuh pyi ah cacim ung, “Abraham cu Khanpughi yum ci, a yum nak awn Khanpughi naw chang düng ah k’bäi ne dou ci.

ROMAN 4:9 Referans Kwoze

KALATIAN 3:14

Cun ah a mawng cu, chang khui hei gui naw, Abraham am Khanpughi ah shaitaak ah m’shumphyuk nak cu, Bawi Khrit ah ming ung ami gah tu vai ah kyak ci. Cun ah kyasei mikmi cu yum nak awn, Khanpughi ah shaitaak ah Mumcha cu mi gah khai.

KOLOSE 3:11

Ak hnu ah chang khui hei la Jew chang, kyon la kä kyon, ngetngawng ci la m’ghämce ci, changshäm la ng’päiye chang ciah khoikhei nak la ng’lakmah nak kä om ba ci, Bawi Khrit cu avan ah kia ne Bawi Khrit cu avan ung om ci.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

ROMAN 4:3

Cacim theing ung, “Abraham cu Khanpughi yum ci, a yum nak awn Khanpughi naw, chang düng ah k’bäi ne dou ci,” ciah om ci.

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

ATÜNNAK 15:6

Abram cu Bawipa yum ci kya ne, a yum nak cu Bawipa naw yei ne dou pek ci.

ROMAN 4:10

Cun ah Abraham cu chang düng ah Khanpughi naw k’bäi ne a dou nak ah khin cu, Abraham naw vun-ah nak abi kawn ah ang! Kä a bi pha ung ang! Abi kawn ah kä kyak ci, kä abi pha ung ah kyak ci.