ROMAN 4:16 - Cho Bible Common Language 2016

¹⁶ Cun ah kya sei Abraham ah hta ng’shon gui naw Khanpughi ah shaitaak, a phu kä peit ah ami gah vai cu ngaih gep khai ah, Khanpughi naw Abraham ah yum nak ah khan ah shaitaak nak a peit ah kyak ci. Cun ah shaitaak cu thukhän läk ci gui ah hmawk bäng ah kä kyak ci, Abraham ah mäih ah Khanpughi yum ciah chang gui ah hmawk ah phi kyak ci; a i ah kya sei ci ung Abraham cu mi van ah pa ah akyak ah hmawk ah kyak ci.

ROMAN 4:16 Referans Kwoze

EPHESIAN 2:8

Khanpughi ah m’gein nak ung yum nak awn hun nak nami gah ci. Nami mät ah ni kyom nak la k’tha nak awn ah kä kyak ci, Khanpughi ah m’gein nak ah kyak ci. Cun ah kyasei a u naw a khäh ghah nak vai kä kyak ci.

KALATIAN 3:22

Cun ung phi, cacim naw, m’dek ah khan avan cu, katnak ah hlüngtai nak ah kaa ah om ci nei, cine pyein ci. Cun ah kyasei Bawi Khrit yum nak ung phung ciah a shaitaak ah m’shumphyuk nak cu, yum ciah chang gui naw gah ci gui.

ROMAN 9:8

Abraham ah hta ng’shon avan cu Khanpughi ah hta gui ah kä kyak ci, Khanpughi ah shaitaak awn ng’tüi lawk ciah chang gui cun vah, Abraham ah hta ng’shon akcang ah kyak ci gui.

TITUS 3:7

Cun ah kyasei mikmi cu am gein nak awn Khanpughi ung düng nak mi gah ne, mi ngaih u ah angtäi ghin nak cu mi gah vai ah kiak ci.

EPHESIAN 2:5

ang thu kä ngaih nak awn mi mümcha a sih nak ung ka, Bawi Khrit awn a täng ah na ghin ba sak gui ci. Nang mi cu Khanpughi ah a gein nak bäng awn hun nak nami gah ciah kyak ci.

ROMAN 15:8

Kei naw ka ning m’thein gui cu, Bawi Khrit naw a ghin yah ung khuut abi nak cu, Jew chang gui ah hmawk ah kyak ci. Cun cu khanpughi bä ne ang khän ah mawng am dang nak la pu pa gui am khanpughi naw shaitaak nak a peit gui cu ng’düng ne bä khai ah abi nak ah kyak ci.

ROMAN 5:1

Tuk bäi mikmi cu mi yum nak awn Khanpughi ung mi ng’düng pyi ci kya ne, mi Bawipa Jesuh Khrit awn Khanpughi ah ma ah dimdeeih nak cu mi gah ci.

ISAIAH 51:2

Nami ng’shou law nak ah nami pupa Abraham la na mi pi Sarah cu nami ngaih-tüh ba vai nei. Kei naw Abraham ka khü yah ung, ani cu a hta kä om ci, Cun ung phi kei naw hriham pe ne, htanau ka pek ci; chang hli ah ka ng’shon sak ci.

2 PETER 1:10

Cun ah kyasei phäinau gui aw, nangmi Khanpughi naw khü ne ning ghü gui ciah, angtäi sei ngaih gep ne, nami tha law nak pi täi ah a kyak ung, a i sang ung phi nami yum nak cu kä nami ng’hlah ta hlawt khai nei.

ROMAN 4:11

Cun ah Abraham cu Khanpughi naw k’bäi ne a dou kawn ah vun-ah nak cu bik ci. Cun ah vun-ah nak abi ah mawng cu, Khanpughi naw Abraham ah yum nak cu hmu netah, vun-ah nak kä abi pha ung, chang düng ah k’bäi ne a dou cu saksi ah ng’dang khai ah am hnüt nak ah kyak ci. Cun ah kya sei Abraham cu vun-ah nak kä abi ung phi, Khanpughi a yum nak awn, chang düng ah k’bäi ne dou nak gah ci gui ah Pa ah kya lawk ci.

LUKA 19:9

Bawipa Jesuh naw, “shin ah chang cun phi Abraham ah hta ng’shon ah kyasei, hun nak cu a tuhngawi shin ah im khan ah gawk law pyi ci nei.

ROMAN 3:22

Khanpughi naw chang gui cu ami yum nak awn, Jesuh Khrit ung düng sak gui ci. Cun cu Khanpughi naw Bawi Khrit yum ciah chang phung ung abi ah kyak ci, a i ah kya sei ci ung, chang gui ung ng’lakmah nak a i kä om ci:

ROMAN 3:30

Khanpughi cu tumat bäng om ci, Jew chang gui cu ami yum nak awn amät ung düng sak gui khai; acun ah mäih ah chang khui hei gui cun phi ami yum nak awn amät ung düng sak gui khai.

KALATIAN 3:14

Cun ah a mawng cu, chang khui hei gui naw, Abraham am Khanpughi ah shaitaak ah m’shumphyuk nak cu, Bawi Khrit ah ming ung ami gah tu vai ah kyak ci. Cun ah kyasei mikmi cu yum nak awn, Khanpughi ah shaitaak ah Mumcha cu mi gah khai.

KALATIAN 3:16

Tuhbäi Khanpughi ah shaitaak cu Abraham la a hta ng’shon ah hmawk ah kyak ci. Cacim ah pyein cu “Hta shon gui” chang akda a pyein ah kä kyak ci, “Hta shon” chang tumat a pyein ah kyak ci, aming cu Bawi Khrit ah kyak ci.