ROMAN 4:1 - Cho Bible Common Language 2016

¹ Cun kawn ah mi pughi Abraham ah mawng cu mi ngaih-tüh khai. Ani ah buiaut law gui cu a i ang!

ROMAN 4:1 Referans Kwoze

ISAIAH 51:2

Nami ng’shou law nak ah nami pupa Abraham la na mi pi Sarah cu nami ngaih-tüh ba vai nei. Kei naw Abraham ka khü yah ung, ani cu a hta kä om ci, Cun ung phi kei naw hriham pe ne, htanau ka pek ci; chang hli ah ka ng’shon sak ci.

ROMAN 4:16

Cun ah kya sei Abraham ah hta ng’shon gui naw Khanpughi ah shaitaak, a phu kä peit ah ami gah vai cu ngaih gep khai ah, Khanpughi naw Abraham ah yum nak ah khan ah shaitaak nak a peit ah kyak ci. Cun ah shaitaak cu thukhän läk ci gui ah hmawk bäng ah kä kyak ci, Abraham ah mäih ah Khanpughi yum ciah chang gui ah hmawk ah phi kyak ci; a i ah kya sei ci ung Abraham cu mi van ah pa ah akyak ah hmawk ah kyak ci.

2 KORIN 11:22

Cun ung phi chang tumat cu ak gu ah mäih ah ang thu ah a kyak ung, kei phi acun ah mäih ah ka ng’thu khai nei Cun cu gu ng’thu ah kyak ci nei. Cun ah chang gui cu Hebru ah ami kyak ung kei phi acun, Israel ah ami kyak ung, kei phi acun, Abraham ah hta ng’shon ah ami kyak ung kei phi acun,

LAMKTU 13:26

“Abraham ah hta ng’shon ah kyak ciah phäi nau gui la Khanpughi yum ciah changpakhui hei gui aw, Khanpughi naw hun nak ah Thu k’ni cu mikmi ah gawk law sak ci.

JOHAN 8:56

Nami pa Abraham cu kei ka law vai ah a khin hmu lawk khai kya ne yei ci, acun hmu tuk cang ci kya ne yeikyai ci,” ci na gui ci.

ROMAN 7:7

Cun ah a kyak ung thukhän amät cu katnak ah mi pyein khai ang! Cun ah kä kyak ci! Cun ung phi katnak cu a i ang, cicu thukhän naw na hmat sak ci. A vaisü ah, “Chang ah khawh kä ng’yak hlü düt vai,” ciah thukhän naw kä a pyein vai sü ung, ng’yak hlü nak düt ah mawng cu kei naw kä ka hmat khai sü te,

MATTHE 3:9

Abraham cu kami pa ah kyak ci nami ci nak düt awn, nangmi cu katnak ung nami phyawng khai ah kä nami ngaih-en vai nei. Khanpughi naw shin ah lung gui cu la ne, Abraham ah hta gui ah tüi pyang hning ci, cicu ka ning m’thein gui ci nei.

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

JOHAN 8:53

Nang cu si pyi ciah kami pa Abraham ah mä na hlüngtai pi ne ma? Profet gui phi si yawp pyi ci gui nei, nang naw na mät cu a u ah nang ngai ci ang?” cine ng’shik ci gui.

JOHAN 8:33

Cun ah chang gui naw, “Keimi cu Abraham ah hta ng’shon ah kami kiak ci. A u ah changshäm ah phi kä kami kya man ci, a i ah kia sei ning m’hlawt gui khai, na ci ang?” cik ci gui.

LUKA 3:8

Kat nak ungka phiawn vai ah ng’yu ba yawp vä, Abraham cu kami pughi cine kä khähghah vä, Khanpughi naw lung gui phi la ne Abraham ah ng’shon ah pyang hning ci nei.

HEBRU 12:9

Hnicim chang mi pa naw hma m’kyuk ne nam cäi gui sei, mikmi naw phi mik chang m’sui ci. Cun ah kyasei mümcha lam ung mi pa ah nam cäi nak gui läi cu ak tung pui ah ngai ne mi ghin püi vai ah kyak ci nei.

ROMAN 6:1

Cun ah a kyak ung a i ah pyein vai ang! Khanpughi ah m’geinsei nak a däm law pi vai ah katnak cu bi lä vai maa!

ROMAN 1:3

Cun cu Khanpughi ah Htapa, mi Bawipa Jesuh Khrit ah mawng ah kya ci; Ani cu ak hnicim chang nak ah David ah ng’shon ung ng’tüi lawk ci;

ROMAN 3:5

Mikmi ah cheishoh nak naw Khanpughi ah düng nak cu dang sak pi ciah a kyak ung, a i ah mi pyein khai ang! Khanpughi naw mi kat ana m’kat gui cu, Khanpughi cheishoh ciah mi pyein khai ang! (Cun cu chang gui ah thu man düt ah thu ah kyak ci.)