ROMAN 3:9 - Cho Bible Common Language 2016

⁹ Cun ah a kyak ung mikmi Jew chang gui cu, chang khui hei gui ah mä mi ni kyom nak tuba ah a mawng om ne ang! A i phi mi nikiom nak tuba kä om ci, Jew chang gui la chang khui hei gui avan cu, katnak ah hlüngtai nak kaa ah mi om ah mawng cu kei naw ka pyein pyi ah kyak ci.

ROMAN 3:9 Referans Kwoze

KALATIAN 3:22

Cun ung phi, cacim naw, m’dek ah khan avan cu, katnak ah hlüngtai nak ah kaa ah om ci nei, cine pyein ci. Cun ah kyasei Bawi Khrit yum nak ung phung ciah a shaitaak ah m’shumphyuk nak cu, yum ciah chang gui naw gah ci gui.

ROMAN 6:15

Cun ah kya sei mikmi cu, katnak ah kaa ah kä om ba ne, Khanpughi ah m’geinsei nak ah kaa ah mi om ci kya sei, katnak mi bik khai ah mi pyein khai ang! Cun ah kä kyak ci.

ISAIAH 65:5

Cun kawn ah ngami naw chang hei gui am, “Keimi kä na k’et gui vä; keimi kami theing cim aih ci kya sei, kä na tawn en gui vä! Kei naw shin ah mäih chang gui cu kä ka m’gein gui khai-ngami hnu ng’tuk püi ciah kei ah ka m’lungshe nak cu kä phät hlawt ciah mei k’däi ah mäih ah kyak ci nei.

ROMAN 11:32

Khanpughi naw hnicim chang avan cu, thu kä läk ciah thawng k’cum ah pyang gui yawp ci. Cun ah abi cu chang ah hta avan am am gein nak am dang nak hlü ah kyak ci.

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

PHILIPPIAN 1:18

Thu pyein cu kä küikyang hnga ci, m’lung ngaih k’ni awn pyein ung phi, m’lung ngaih she awn pyein ung phi, Bawi Khrit ah mawng pyein ah kya sei, ka yeikyai ci, m’täi ne ka yeikyai lä khai.

KALATIAN 3:10

Thukhän läk vai bäng ngaih u ci gui cu acun naw kyuk gui ci. Cacim theing ung, “Thukhän ca uk ung ami guk phung kä läk ciah chang cu Khanpughi naw m’kyuk ci,” ciah om ci.

1 KORIN 14:15

Cun ung kei naw a i chaa ka bik khai ang? Ka mümcha awn ka taigü ung kam lung kyong ung phi kak taigü khai; ka mümcha awn ng’äi kam cu ung kam lung kyong ung ng’äi kam cu khai.

1 KORIN 10:19

Cun ah kyasei a gup kä cung a gup am sonkyan ah ei cu küikyang ciah ka pyein ah kya naw;

1 KORIN 4:7

A u naw nangmi cu chang hei ah nami hang tai pi khai ah ning piang gui khai ang? Nangmi ung om ci phung avan cu Khanpughi ah ning peit tui ah kä kya na ang! Nami gah taang gui avan Khanpughi ah kä ning peit gui ah ngaih vai ah nami khähghah nak cu, a i hawkchaa ah ang?

ROMAN 11:7

Cun ah kya sei a i ah pyein vai ang! Israel chang gui naw ami shui cu kä hmuk hlawt ci gui nei. Cun ah ami shui cu Khanpughi ah ghü, chang apihta bäng naw hmu hlawt ci gui nei; k’pawih ba ciah chang gui naw Khanpughi ah ng’khü k’aw cu kä ng’yak ci gui nei.

ROMAN 3:5

Mikmi ah cheishoh nak naw Khanpughi ah düng nak cu dang sak pi ciah a kyak ung, a i ah mi pyein khai ang! Khanpughi naw mi kat ana m’kat gui cu, Khanpughi cheishoh ciah mi pyein khai ang! (Cun cu chang gui ah thu man düt ah thu ah kyak ci.)

ROMAN 1:18

Düng nak cu chang gui naw kä ami hmat vai ah cheishoh, shetkat nak gui ah khan ah, khankho ah khanpughi ah m’lung k’she nak a gawk ah mawng cu dang law pyi ci nei.

LUKA 7:39

Pharisee Simon naw cun cu hmu netah, “Shin ah chang shi profet akcang ah a kyak läi ung, a khaw k’pan pek ciah hnumi cu a u ah a kiak, a i katnak bik ciah a kyak ah hmat khai süte” cine ngai ci.

NG'THU K'THUUK~ 20:9

A u chang naw akcang ah pyen hning khai ang? Am lung ngaih cu theingciim ci, akat nak cu ci ng’ciim ciah pyen hning khai aw?

ROMAN 2:1

Cun ah kya sei teihpüi aw, nang naw chang ah katnak nam khoichaa ung phi, na mät ah katnak kä nam yih hlawt khai. Nang cu katnak bik ciah chang ah kya lang ne, na paw chang cu nam khoichaa tu ah a kyak ung na mät naw na mät nam kat ciah kyak ci.

ROMAN 3:1

Cun ah a kyak ung Jew chang gui cu khui hei chang gui ah mä bä tu ba u ne ang! Ngami naw vun-ah nak ami bi cu, a phuma mä om ne ang!

ROMAN 7:14

Thukhän cu mümcha lam ah kyak ciah mi hmat ci, cun ung phi kei cu katnak ah khlei-htein, chang ah hta ah ka kyak ci.