ROMAN 3:8 - Cho Bible Common Language 2016

⁸ “Ak ni a gawk law vai ah ak she cu mi bi vai,” cine mi pyein khai ang! Acun ah mäih ah kei naw ka pyein ah pyein u ne chang amshah naw ng’thu gu na k’bün ne na katnak ci gui nei. Cun ah chang gui cu ami gah vai ah mäih ah m’khoichaa nak gah khai gui nei.

ROMAN 3:8 Referans Kwoze

ROMAN 6:1

Cun ah a kyak ung a i ah pyein vai ang! Khanpughi ah m’geinsei nak a däm law pi vai ah katnak cu bi lä vai maa!

ROMAN 6:15

Cun ah kya sei mikmi cu, katnak ah kaa ah kä om ba ne, Khanpughi ah m’geinsei nak ah kaa ah mi om ci kya sei, katnak mi bik khai ah mi pyein khai ang! Cun ah kä kyak ci.

ROMAN 7:7

Cun ah a kyak ung thukhän amät cu katnak ah mi pyein khai ang! Cun ah kä kyak ci! Cun ung phi katnak cu a i ang, cicu thukhän naw na hmat sak ci. A vaisü ah, “Chang ah khawh kä ng’yak hlü düt vai,” ciah thukhän naw kä a pyein vai sü ung, ng’yak hlü nak düt ah mawng cu kei naw kä ka hmat khai sü te,

ROMAN 5:20

Cheishoh nak ada law pi vai ah Khanpughi naw thukhän cu am hnüt ah kyak ci. Cun ung phi katnak ada law pi ung Khanpughi ah m’gein nak cun phi däm law pi ci.

JUDE 1:4

A i ah kya sei ci ung Khanpughi kä yum ci gui cu nami ng’lung ah lut ne om ci gui nei. Ngami naw mi Khanpughi ah m’gein nak ah ng’thu cu, khawdek pumsa ami ng’yak hlü lam düt ah m’hlat u ne, tumat khläm om ciah mi Bawi, mi Mang Jesuh Khrit cun phi hun ng’tuk püi ci gui nei. Cun ah chang gui cu cau pui ge, shetkat nak gah khai gui ah m’hnütbäi gui ah kyak ci.

MATTHE 5:11

“Kei ah hmawk ah chang gui naw ning shedam na gui ne, käng düng ci awn a hlü hlü ah a ning m’kat law gui ung, nangmi cu yeikyai nak om sä, nangmi cu kei na läk ciah nami kyak ci nei.

2 KORIN 6:8

Keimi cu m’tamkhah nak la yoshe nak, päipih nak la m’hlüngtai nak kami gah ci. Kami hleeihlak ciah na pyein gui u sei phi düng nak cu ka mi pyein ci:

2 KORIN 11:15

Cun ah kyasei Satan ah chang gui naw ng’düng nak ah mawng pyeinsak ci gui ah ami ng’hlawk cu cäicat vai kä kyak ci. Ak hnu ah ngami cu ami mät ah bilawh ah ciah akcang ah gah ba khai gui nei.

JEREMIAH 40:16

Cun ung hi kedaliah naw, “Kä na bi vai! Ishmaela ah mawng nang naw na pyen cu kä ci nei!”