ROMAN 3:6 - Cho Bible Common Language 2016

⁶ Cun ah kä kyak ci, Khanpughi kä a ng’düng ah a kyak ung, a i chaa khomdek khan cu m’khoichaa hlawt khai ang!

ROMAN 3:6 Referans Kwoze

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

LAMKTU 17:31

A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.

JOB 8:3

Khanpughi naw taga nak cu kä ng’phyui ten sak ci; Ani cu hman ci bi nak ung kä shum man ci.

ROMAN 2:16

Cun ah kya sei, kei naw ka ng’shäu ah Thu Ni ah pyein ah m’khoichaa nak ah kho hnüüp ung Khanpughi naw, Bawipa Jesuh Khrit awn chang gui naw m’yih ne ami ngaih-tüh gui phung cu, m’khoi m’cha ne m’dang yawp khai nei.

SAM 98:9

A i ah kyasei ci ung ani cu khomdek ah khan ah lawk ci nei. Ani naw hnicim chang gui cu düng nak la nikiom nak awn uk khai nei.

SAM 96:13

Cun cu Bawipa law ne khomdek a uk law ung ah kyak khai nei. Ani naw hnicim chang gui cu düng nak la ni kyom nak awn uk khai nei.

SAM 50:6

Khan kho naw ng’shäu ne, Khanpughi cu düng ci, ani cu suki ah kyak ci, cik ci.

SAM 9:8

Ani naw düng nak awn m’dek khan cu uk ci nei; Pakhui cu taga khai ah m’khoichak ci nei.

LUKA 20:16

Ani naw law ne ng’hlawh ci gui avan gawt gui netah, a sapyit lo cu a hei ghüh ba ne bi sak khai nei” cik ci. Chang gui naw cun cu ng’ya u netah, “Cun ah kä kia-en sä” ci ne kyak ci gui.

ROMAN 3:4

Cun ah kä kyak ci, chang ah hta van a hleeihlak ung phi Khanpughi cu ng’düng khenggeng ne om ci. Cacim ung, “Thu na pyein cu ng’düng bäbä ne, M’khoichaa nak na aut ung phi näng nak om khai nei,” ciah om ci.

ROMAN 3:31

Cun ah a kyak ung mikmi naw Khanpughi yum nak awn thukhän cu mi nawng en ah kyak khai ang! Cun ah kä kyak ci, thukhän cu mi khän htek sak nak ah kyak ci nei.