ROMAN 3:21 - Cho Bible Common Language 2016

²¹ Cun ung phi Khanpughi ung chang gui ami ng’düng nak vai ah lam cu dang pyi ci nei. Khanpughi ung düng nak cu thukhän nawn na kä kyak ci, cun ah a mawng cu Moses ah Thukhän la puorfet gui naw saksi m’dang ci gui.

ROMAN 3:21 Referans Kwoze

LAMKTU 10:43

Bawipa yum ci gui ah chang phung cu a hlüngtai nak ming awn ami katnak m’geinsei gui khai, cine prophet gui naw pyein man ci gui” cine pyein ci.

JEREMIAH 33:16

Judah Chang la Jerusalem chang gui cu gun gui vai, ngami cu phiwng ne om khai gui. Cun ah mang gaw cu, “Na hunphiawn gui ciah BAWIPA” ciah khü khai gui

PHILIPPIAN 3:9

Bawipa awn kawng ät nak vai ah hmawk ah, a päng avan cu ap ah mäih ah ka hmuk ci. Kei naw thukhän ka mät ah läk nak awn chang düng ah kä ka kya ba ci nei. Kei cu tuhbäi Bawi Khrit ka yum nak awn chang düng ah ka kyak ci, cun ah chang düng ah kyak nak cu Khanpughi ungka law ne, yum nak ung phung ci.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

ISAIAH 51:8

Ngami cu m’kyiit ah ei ah sui ah mäih ah akholä ah kyak khai gui nei! Cun ung phi kei naw ka law püi ah humhtei nak cu khong län ung om khai nei. Kei ah ka näng nak cu akhin avan ung om khai nei.”

KALATIAN 3:8

Khanpughi naw chang khui hei gui cu ami yum nak awn amät ung düng sak gui khai, ciah cacim naw k’cä ci. Cun ah kyasei cacim naw Thu Ni Abraham am am thein cu, “Khanpughi naw nang ung, chang ah hta avan-am m’shumphyuk nak pek khai,” ciah kyak ci.

ROMAN 5:19

Chang tumat naw Khanpughi ah ng’thu kä a ngaih nak awn chang gui avan cu katnak bik ciah ami kyak yawp ah mäih ah, chang tumat naw Khanpughi ah ng’thu a ngaih nak awn, chang gui avan cu Khanpughi ung ng’düng nak gah ci gui.

ROMAN 1:17

Khanpughi naw chang gui, a i chaa ang düng sak gui ah mawng cu, Thu Ni naw m’dang ci: cun cu tün nak ungka naw khüt nak ung phleh khai ah yum nak bäng awn ah kya ci. Cun na kyasei, cacim ung, “Zum nak awn Khanpughi ung düng ciah chang cu ghing ne om khai,” ciah om ci.

ROMAN 1:2

Cau pui ge ung Khanpughi naw, Thu Ni cu a purofet gui ung pek khai ah a shaitaak cu Cacim Theing ung om ci.

LAMKTU 15:11

Mik mi cun phi ngami ah mäih ah mi yum u ne, Bawipa Jesuh ah m’gein nak awn hun nak mi gah ci” cine pyein ci.

ISAIAH 46:13

Kei naw näng nak ah khohnüüp cu ng’et khai ah ka law püi ci nei Cun cu kä shou aih ci nei. Kei ah näng nak cu kä shou aih ci nei. Kei ah näng nak cu kä shou cang khai nei. Kei naw Jerusalem cu ka hun khai a cu ah Israel gui m’tamkhah nak cu ka law püi khai nei.”

LUKA 24:44

Cun kawn ah Bawipa Jesuh naw, “Moses ah thukhän, profet gui ah cacim la Salan cacim ung, kei ah mawng ami guk gui phung cu, akcang ah küm khai nei, cine nangmi awn a täng ah ka om yah ung ka ning m’thein gui pyi ci. Ka pyein ah mäih ah tuhbäi küm law pyi ci nei” cine m’thein gui ci.

2 PETER 1:1

Simon Peter, Bawi Jesuh Khrit ah ak changshäm la ang düihpüi naw, Mi Khanpughi la Hunbawipa Jesuh Khrit ah peit ah, mikmi ah mäih ah küikyang ciah yum nak om ciah chang gui-am ca ka guk law ci nei.

1 PETER 1:10

Profet gui naw shin ah hun nak ah mawng cu geing nah ne shuilei k’täkiau man ci gui. Nangmi am Khanpughi naw a ning peit gui vai ah shin ah m’gein nak ah mawng cu pyeinsa man ci gui.

KALATIAN 5:5

Keimi läi cu, kami yum nak ung hlüngtai ciah Khanpughi ah Mumcha ah bi nak awn, Khanpughi ung düng nak cu gah vai ah kami ngaih u ci.

ROMAN 16:26

Cun ung phi tuhbäi chü, cun ah ng’yih ciah ng’düng nak cu profet gui ah guk ah cacim ung dang yawp pyi ci nei. Ang täi ah ghing ciah Khanpughi ah thukhän awn, kho avan ung chang avan naw hmat ne, yum ne, ami läk vai ah cun ah ng’düng nak cu ng’shäu ne pyein pyi nei.

LAMKTU 26:22

Cun ung phi tuk ngawi ung khüt khai ah Khanpughi naw nam htei sei, ak pyam, ang mang, chang khli ah ma ah, ka saksi ci nei. Moses la prophet gui ah ng’thu pyein ah mäih bä bä ah;

JOHAN 1:45

Philip naw Nahtanelah hmu netah, “Moses naw thukhän ung a guk la, Profet gui naw ami guk ah mäih ah, Nazaret kho ah kaa Josef ah hta Jesuh cu, ni hmu pyi ci nei” cik ci.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

ISAIAH 54:17

Cun ung phi a i lik’htei naw phi nang cu kä ning nat sak khai; Nang ning bünphei ci phung cu nang naw na m’shang hlawt khai. Kei naw ka changshäm gui cu ka shungvong gui khai, näng nak ka pe gui khai.” Bawipa naw pyen püi ci.

ATÜNNAK 15:6

Abram cu Bawipa yum ci kya ne, a yum nak cu Bawipa naw yei ne dou pek ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

ROMAN 9:30

Kei mi ah pyein hlü cu shin ah kyak ci, Khanpughi ah ma ah ng’düng vai ah kä k’tha nak ciah khui hei chang gui cu, ami yum nak awn Khanpughi ung ng’düng nak gah ci gui.

ROMAN 5:21

Kat nak naw sih nak awn a uk ah mäih ah, mi Bawipa Jesuh Khrit ung angtäi ghin nak mi gah vai ah, Khanpughi ah m’geinsei nak naw ng’düng nak awn na uk gui ci.

LAMKTU 28:23

Cun ah kyasei ngami cu Paul awn hnüüp ng’nüt u netah, ami ng’nüt nak ah hnüüp ung chang akda Paul ah om nak ah gawk law ci gui. Paul naw kho ngawi ah tün ne, mühun nah khüt khai ah khanpughi ah uknak ah mawng Thu Ni cu m’thein gui ci. Bawipa Jesuh ah a mawng cun phi, Moses ah thukhän la prophet gui ah cacim gui awn küm khai ah, ngami naw ami yum tu vai ah k’tha nah ne m’thein tu gui ci.

ROMAN 3:28

Chang cu a yum nak bäng awn vah Khanpughi ung ng’düng nak gah ci, thukhän läk nak awn gah ah kä kyak ci, cicu mi hmat ci.

2 KORIN 3:9

Shet m’kat nak ah thukhän hngaw bämang nak a om ung; Hun nak pek ciah hnünthawh nak cu a i hlawk ah bämang pi khai ang!