ROMAN 3:12 - Cho Bible Common Language 2016

¹² Chang avan cu lam hma yawp ci gui nei, Chang avan cu a täng ah shekat yawp ci gui nei; Chang k’ni tumat phi kä om ci, tumat hta phi kä om ci nei.

ROMAN 3:12 Referans Kwoze

SAM 14:3

Chang gui cu lam hma yawp ci gui; Ami van shekha yawp ci gui, Akni ah bik ciah chang tumat phi kä om ba ci, tumat phi kä om ci.

THUSHÄUTU 7:20

Angtäi sei a hman bi ne, a hma kä bi phung ciah chang khomdek khan ung a u kä om ci.

ISAIAH 64:6

Keimi kami van cu kami hmakak ci nei, keimi ah akni pi ah kami hnünthawh cu lelawi pikbäih ci nei. Keimi kami kat ah hmawk cing hnah chawng, khokhi ah zon awn kami täng ci nei.

ISAIAH 59:8

nangmi ah om nak a u phi phiawn nak kä om ci. Namibi nü kä taga ci. Nangmi naw ng’koi ciah lam nami läk ci, cun ah lam ung hteit ciah chang phung cu phiawn nak kä om ci.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

THUSHÄUTU 7:29

Kei naw ka theithang avan cu: Khanpughi naw a htingling a khüsuh ah ana tüipyan gui ah kyak ci, cun ung phi mi mät naw mi mät mi cawngcam gonggan sak ah kyak ci.

1 PETER 2:25

Nangmi cu lam hma ne maih ciah htome ah mäih ah nami kyak ci, cun ung phi nami m’lung ning shum gui ciah Htoshäm ah ma ah nami gawk law ba pyi ci nei.

PHILIMON 1:11

A yan läi nang ah phäh cu a i ah kä mawng mei mante ci, tuhbäi nang la kei ah hmawk ah mawngmei lawk ci nei.

EPHESIAN 2:3

Zanä mikmi phi ngami ah mäih ah mi kya man ci. Pumsa ah ng’yak hlü ah mi om ne, pumsa la m’lungngaih ah ni vai düt ah mi bilo man ci. Mikmi cun phi pumsa lam ung, a hei chang gui ah mäih ah Khanpughi ah m’lungshe nak gah khin ciah mi kyak ci.

ATÜNNAK 1:31

Khanpughi naw a tüisho gui cu teng neta, anghtei ah yei ci. Mühun la khawngawi ng’tün ne ak hnüüp chuk nak ah kyak ci.

MATTHE 25:30

A i ah kä mawng ciah shin ah changshäm cu, ak pung ah hmüp khui ung hteh püi vä, a cu ah kyap ne m’lau ne aha htui ne om sä’ cine kyak na gui ci.

JEREMIAH 2:13

Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

SAM 53:1

Chang gu ang gui naw ami m’lung kyong ung “Khanpughi kä om ci” cik ci gui. Ngami cu didap u ne m’shemshai ciah bi bik ci gui; ng’düng ci bik ci tumat phi kä om ci.

PHYAWN NAK 32:8

Kei naw amiläk vai ah thumkhän ka pe gui ah lam ungka lam plei pyi ci gui nei. Ngami naw ghui lawi awn vantang gup pyang u ne, khawihnah u ne, douthak khawihnah ci gui nei. Ngami naw shin cu mi khanpughi, Egypt khaw ah ka na law püi ba gui ci, cik ci gui nei.

SAM 53:3

Cun ung phi chang avan cu ng’hlat yawp ci gui; ami van cheishoh yawp ci gui. Ng’düng nak bik ci a u kä om ci, tumat phi kä om ci.

ROMAN 3:11

Akcang ah hmuhmat ciah chang tumat phi kä om ci, Khanpughi khawihnah ciah chang tumat phi kä om ci.

ROMAN 3:13

Ngami ah ami ng’thu m’kha cu, sih nak ng’cim hmun ah kyak ci; Ami m’lei awn thuvi hleeihlak ci gui, Ami m’gawng m’lei cu k’phyu m’äm ah mäih ah am äm om ci: