ROMAN 3:1 - Cho Bible Common Language 2016

¹ Cun ah a kyak ung Jew chang gui cu khui hei chang gui ah mä bä tu ba u ne ang! Ngami naw vun-ah nak ami bi cu, a phuma mä om ne ang!

ROMAN 3:1 Referans Kwoze

ATÜNNAK 25:32

Esau naw, “Bä khai nei, cawi ne ka si lawk khai kyak ci, hta htük ah kyak nak a i ka haw nak vai” cik ci.

THUSHÄUTU 6:11

Na ng’cucan law pik’täi ung, akholä ah kya law pik’täi ci, nang ung ani nak pi a i kä om lawk khai.

THUSHÄUTU 6:8

Cüivai ciah chang cu a hawkcha ah ang ak gu-ang ah mä abä tuba vei? Dukhaih ciah chang naw, a i cha ghin vai ciah a hmat nak awn, a i ang a bä nak a om kaw?

HEBRU 13:9

Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.

1 KORIN 15:32

Kei cu hnicim chang ah ng’yak hlü düt yum ne Ephesus gawnu ah “kawng khawm” gui awn kami ng’toh vai sü ung, kei naw a i ka cik khai sü ang? Sik ci gui tho ne ghing ba khai gui ah kä ah kyak ung läi “Ngawi ung mi si lawk khai kya sei, ei ne aw ne mi om düt kaw.”

MALAKHI 3:14

Nangmi naw, “Khanpughi ah bi bi cu akholä nei, a pyen ah bi ne, hlüngtai ciah Bawipa ah ma ah mi bi lawh ah hmawk ah thüi sei nak m’dang cu a i ah bäni nak om ci ang?

SAM 147:20

Ani naw shin gui cu chang khuihei ung kä bik ci; ngami naw ani ah thukhän kä hmat ci gui. Bawipa cu m’tam nei!

JOHAN 4:22

Nangmi Samaritan chang gui naw, a u nami khawihnah kä nami hmat ci, keimi Jew chang gui naw a u kami khawihnah cu kami hmat ci; a i ah kyasei ci ung hun phiawn nak cu Jew chang gui ung kaa, gawk lawk ciah kyak ci.

ROMAN 3:2

A phuma läi cu akda om ci, a htük bäih ah Khanpughi ah ng’thu m’than cu Jew chang gui ung gawk law ma ci.

ROMAN 3:9

Cun ah a kyak ung mikmi Jew chang gui cu, chang khui hei gui ah mä mi ni kyom nak tuba ah a mawng om ne ang! A i phi mi nikiom nak tuba kä om ci, Jew chang gui la chang khui hei gui avan cu, katnak ah hlüngtai nak kaa ah mi om ah mawng cu kei naw ka pyein pyi ah kyak ci.