ROMAN 2:7 - Cho Bible Common Language 2016

⁷ Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

ROMAN 2:7 Referans Kwoze

LUKA 8:15

Ng’lei k’ni ung kya lawk ciah m’shi ci cu, Khanpughi ah ng’thu ang yak kwn ah nik ci la ng’düng ciah, m’lung khäng htek khai ah yum ne, vuipai m’theih tak ciah kyak ci.

2 TIMOTHI 1:10

Cun ung phi tuhchü, mi Hunbawi Khrit Jesuh a kyum law kawn ah, cun ah m’gein nak cu, mikmi ung dang lawk ci. Bawipa naw sih nak ah hlüngtai nak cu m’shiu netah, Thu Ni awn käng khuk hlat ciah ang täi ghin nak cu dang sak ci nei.

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

ROMAN 6:23

Shetkat nak ah a phu cu sih nak ah kyak ci; Cun ung phi Khanpughi naw a phu kä m’hnüt vai ah am gein nak cu, mi Bawipa Jesuh Khrit ung kawng ät nak awn gah ah angtäi ghin nak ah kyak ci.

KOLOSE 1:27

Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.

KALATIAN 6:9

Cun ah kyasei kä cümbawng ne ak ni ah mi om ih khai: mikmi naw kä mi hnu ng’hlah taak ah a kyak ung, akhin a gawk law hnüüp ung a vuipai cu mi khäm khai.

ROMAN 8:18

Tuk bäi chü mi bui aut ah gein vai nak cu, Khanpughi naw a na peit law gui vai ah bämang nak awn kä tutäng khai ciah kei naw ka yum ci.

ROMAN 2:10

Cun ung phi ni kyom nak bik ciah Jew chang gui ung tün ne, khui hei chang gui van ah khan ah Khanpughi naw bämang nak, m’kümto nak la dimdeeih nak cu pe gui khai.

SAM 37:3

Bawipa ung ng’ap ne, akni bi vä, ng’dü ung ng’len ne, puui ne om vä.

SAM 27:14

Bawipa ngaih u ä, yum ä, khüi ghaat ä, Bawipa ngaih u ä.

1 JOHAN 2:25

Cun cu Bawi Khrit amät naw shaitaak nak ana peit gui ah angtäi ghin nak cu gah ah kyak ci.

ROMAN 9:23

Cun kawn ah Khanpughi cu ak chimgein gui ah chang gui naw, chünla ciah a bämang nak ami hmuh vai ah ng’ya hlük ci. Cun ah chang gui cu Khanpughi ah bämang nak ami gah tu vai ah Khanpughi naw a pyan tham gui ah kyak ci.

JOHAN 5:44

Nangmi nami mät tumat naw tumat am hlüngtai vai nami ng’ya hlük ci. Cun ung phi tumat bäng om ciah Khanpughi naw aning m’hlüngtai gui vai kä nami tha nak ci. Cun ah kya sei nangmi naw kei a hawk chaa ah nami na yum khai yaw?

SAM 37:34

Bawipa ung ngaih u nak ta ne, ang thum khen cu läk vä; ani naw ng’dü khaw ning pe gui ne, ning m’taam khah gui khai; changshe ak täm cu nang mi naw nami hmuk khai.

JOB 17:9

Ami mät naw ami mät chang nak ciah pyen ci gui naw k’cang ci gui ah pyen law pi k’täi ci gui nei.

HEBRU 6:15

Abraham cu hniimgei ne om ne, Khanpughi ah shaitaak cu gah ci.

HEBRU 6:12

Kä nami dam men vai, yum ne hnimgei nak awn, Khanpughi ah shaitaak nak gah ciah chang gui ah mäih ah nami om vai ah kami ng’ya hlük ci nei.

EZEKIEL 18:17

Ani naw akshe bi vai cu mak ci, ngui ataw ah kä ng’pu ci. Ani naw kei ah thukhän gui cu k’pang ci, ka thumkhän gui cu läk ci, Ani cu apa ah katnak ah phäh ah kä sik khai, cun ung phi ani cu akcang ah ghing khai.

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

LUKA 21:19

Akhäng htek ah nami ng’düih vai, cun ung hun phiawn nak nami gah khai.

JOHAN 4:36

geit khäm ci cu, ng’cheng gah ne, angtäi ghin nak ah geit cu khäm ba ci, cun ah kyasei, geit ci la khäm ci cu angtäi ah yei kiai khai goi nei.”

1 KORIN 15:42

Sik ci gui tho ne ami ghin ba ah mawng cu ka ning m’thein gui khai. Pumsa cu m’ciim yah ung thuka thei ciah kyak ci; a thawh law ba ung kä thuka thei ciah kyak ci.

1 KORIN 15:50

Phäinau gui aw, kei naw ka pyein hlü cu, si la sa awn pyan ah chang naw Khanpughi ah uknak kho kä khäm hlawt khai. Thuka thei cicu käthuka thei ciah kä kya hlawt khai.

EPHESIAN 6:24

Kä si hlawt ciah m’hni nak awn mi Bawipa Khrit m’hni ciah chang gui ah khan ah Khanpughi ah m’geinsei nak cu kümbe ne om sä.

1 TIMOTHI 1:17

Ang täi ah ghing ciah Ghangpughang, sih nat nak kä om ci, mik awn kä hmuh thei, tumat bäng ah Khanpughi cu — m’tam khah nak la bämang nak awn hta ng’shon ung om sä! Amen.

HEBRU 2:7

Nang naw chang cu khanchang ah mä apihta ng’neim ba pi khai ah na tüisho ah kyak ci; Nang naw ani cu bäkhäk nak la m’tamkhah nak awn be sak ne,