ROMAN 2:6 - Cho Bible Common Language 2016

⁶ A cu hnüüp ung Khanpughi naw chang nüng nüng cu amät ah bi lawh a ciah, m’khoichaa nak pek khai.

ROMAN 2:6 Referans Kwoze

SAM 62:12

Ani ah m’hni nak cu ng’täi ci ciah kyak ci. O Bawipa, nang naw chang avan cu amät ah om ih ciah na m’cümhnah ci.

JEREMIAH 32:19

Nang naw cüi vai nak awn pawng m’htein ne m’gäi ci gui na bik ci; nang naw chang nü ah bi na hmuk ci, ami mät ah hnün thawh ah ciah nang naw na m’cü mhnah gui ci.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

THU PHLAAN 22:12

Bawipa Jesuh naw, “Ngai vä, kei ka kyum law ge ci nei. Chang gui-am ami mät ah bi ah ciah peit gui vai ah m’cümhnah nak cu ka law püi khai nei.

THU PHLAAN 20:12

Cun kawn ah sik ci gui cu ak yaw akdäm ah a ciah mangkiaang ah maa ah ng’düi lawk ci gui. Cun ung cachaw gui phi ng’phian lawk ci gui, cun kawn ah ghin nak ah ca-uk ah kyak ciah a hei cachaw phi ng’phian lawk ci. Sik ciah chang gui cu, cun ah ca-uk gui ung gu ne ami m’hnüt gui ah ami mät ah om ih ah ciah m’khoichaa nak gah ci gui.

1 KORIN 3:8

M’shi geit ci la tui shawi cicu ani ng’lak mah nak kä om ci; Khanpughi naw ak chang sing cu amät ah bi phäh phäh ah ci ah m’cümhnah nak pek khai.

JOB 34:11

Ani naw chang gui cu ami bi ah mäih ah m’cümhnah gui ne, ami om ih ah ciah om püi gui ci.

EZEKIEL 18:30

“Tuhbäi, kei, uktu Bawipa naw ka ning m’thein gui ci, Israel gui, nangmi a chang sing cu, kei naw amät ah bi phäh phäh awn ka ning m’kyuk gui khai. Nami bilawk ah akshe avan ungka ng’hlat law ba vä, name katnak naw kä ning m’di en gui sä.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

NG'THU K'THUUK~ 24:12

Nangmi naw nami bi vai ah kyak ciah kä nami ngai khai. Cun ung phi Khanpughi naw nami m’lung ngaih cu hmat ne m’khoichak ci. Ani naw k’pang ne ning ngäng gui ci, ning hmat gui ci. Ani naw nami bi ah ciah ning m’cümhnah gui khai.

ROMAN 14:22

Shin ah a mawng ung nang naw a i ah yum ne na bi cu, na mät la Khanpughi ung vah ng’shing khai. A mät naw ng’düng ciah a yumnak awn bilou ng’thumcha ne, a ngaih gep nak om ciah chang cu yeikyai nak om ci.

NG'THU K'THUUK~ 24:2

Khüikha nak bi vai cu angtäi ah ngami ah ngaih-tüh ah kyak ci. Akhin päng ung chang tumat mat cu nat sak vai ah ami shai m’an ci gui.

PHYAWN NAK 32:34

Tuhbäi hteit ä, kei naw ka ning m’cäi nak ah hmun ung chang gui cu khah püi gui ä. Ka khanchang gui naw lam ning m’shüm khai nei. Cun ung phi shin ah chang gui ami kat ah phäh ah ka m’kyuk nak gui vai ah a khin cu gawk lawk ci nei” cik ci.

THUSHÄUTU 3:17

Ka mät naw kamät ka pyen nak ci, “Khanpughi naw düng ci la shekhat cicu atäng ah m’khoichak khai, a i ah kyasei ci ung apäng nü, bilawh nü cu, amät am hnüt nak pek ah khin ung kya lawk khai nei.”

EZEKIEL 18:20

Kat nak bik ciah Chang cu sik khai. Apa ah katnak phäh ah a hta naw kä yai ca nak khai, a hta ah katnak ah phäh ah apa naw kä yai ca nak khai-Chan g k’ni cu akni a bi ah phäh ah m’cümhnak nak gah khai, Changshe cu akshe abi ah phäh ah yaica khai.

EZEKIEL 36:19

Kei naw ami om ih la ami hnün thawh ah phäh ah m’kyuk gui ne, akhohei khopäng gui ung gawk khai gui ah ka püipiang sak gui ci.

2 KORIN 11:15

Cun ah kyasei Satan ah chang gui naw ng’düng nak ah mawng pyeinsak ci gui ah ami ng’hlawk cu cäicat vai kä kyak ci. Ak hnu ah ngami cu ami mät ah bilawh ah ciah akcang ah gah ba khai gui nei.

2 TIMOTHI 4:14

Kyeei sheh ciah Alexander naw kei cu ak kaa ah na kyak na tuk ci nei, amät ah bi ah khan ah Khanpughi naw a gah vai cu pek khai nei.

NG'THU K'THUUK~ 26:10

Ng’ghüh ciah chang naw ak gu aang ghüh ne a law püi ah a kyak ung ng’gui phaa ciah chang päng nat sak ciah kyak ci.