ROMAN 2:5 - Cho Bible Common Language 2016

⁵ Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

ROMAN 2:5 Referans Kwoze

ROMAN 1:18

Düng nak cu chang gui naw kä ami hmat vai ah cheishoh, shetkat nak gui ah khan ah, khankho ah khanpughi ah m’lung k’she nak a gawk ah mawng cu dang law pyi ci nei.

THUSHÄUTU 12:14

Mi bi nü nü, aka, m’zih ne bi gui avan cu Khanpughi naw m’khoichak khai nei.

JUDE 1:6

Ami mät ah gah ah hrilham ah kyong ung kä om u ne, ami om nak ah hmun nawng shüt ci gui ah Khankho chang gui ah mawng cu nami shüm ba khai nei. Ngami cu Khanpughi naw am khoichaa nak vai ah hnüüp ung am shetkat gui vai ah m’htei khaw hnüüp khui ung, kä k’phyan ba hlawt ah m’si gui awn khit ne k’pawng gui ci nei.

2 PETER 3:7

Cun ung phi khawnmawpi la khomdek cu mei awn kä am di pha ah chuih, Khanpughi ah ng’thu bä awn om lä khai. Khanpughi kä yum ci gui ng’thumcha ne am di gui hnüüp ung ngami cu dimaih khai gui.

HEBRU 3:15

Cacim Theing naw, “Nangmi cu tuhngawi Khanpughi ah k’aw nami ng’yak ah a kyak ung kä nami lingkeng vai, nami pupa gui naw khanpughi ami küükneet püi yah ung ami om ah mäih ah kä nami om vai,” ci ne pyein ci.

THULÄÄN NAK 32:34

Ami ga gui naw ami bi cu Bawipa naw shüm ba ci. Ani naw ngami m’kyuk nak gui vai ah akhin akni cu ngäng ci.

2 PETER 2:9

Zum ciah chang gui ami kium nak ungka k’phiawn gui vai, chang shekha gui la,

HEBRU 4:7

Cun ah ami gah mawng cu, Khanpughi naw “Tuhngawi” ciah ming khai ah am hnüt ah hnüüp naw dang sak ci nei. Khokum ak sho lüng khätah, acun ah mawng cacim theing ung, David am, am thein cu; “Tuhngawi nangmi naw Khanpughi ah k’aw cu nani ng’yak ah a kyak ung, Nami m’lung kä ling-en sä,” ciah kyak ci.

HEBRU 3:13

Nangmi cu cheishoh nak ung kä thuvi ne kä nami lingkheng-en vai ah, cacim theing naw “tuhngawi” ciah thu anam thein nak gui a om ah chuih, ak hnüüp tä sei tumat la tumat anmi hteinghtang tu vai nei.

ROMAN 9:22

Khanpughi ah bi cu a shin ah mäih bä ah kyak ci. Khanpughi naw am lung k’she nak cu ng’dang sak ne, a hlüngtai nak cu ang thang vai ah ng’ya hlük ci. Cun ung phi am lung k’she nak ung di maih ci gui ah khan ah ang htei ah hnimgein nak om ci.

SAM 110:5

Bawipa cu nak pat lam ah om ci; ani am lungk’she law ung ghangpughang gui cu hnim gui khai.

2 SHONTÄP NAK 30:8

Ngami ah mäih ah nami m’lung kä ling en sä, Bawipa ah thu ngai u ne, Bawipa nami Khanpughi naw ang täih ah a theingcim sak ah Jerusalem Taigüim ah law u ne, nami khawihnah vai, cun ung nangmi ah khan ah ani kä m’lungshe ba khai.

1 SAMUEL 6:6

Egypt ghangpughang la Egypt chang gui ah mäih ah a i ah kyasei nami ling aih vai ang? Egypt ung ka Israel chang gui kä ami hteh sak gui pha ah chuih Khanpughi naw akgu ah mäih ah a kyak sak gui cu kä nami m’hnih vai.

THU PHLAAN 6:17

Ngami ah m’lungshe nak ah khaw hnüüp gawk law pyi ci nei, cun cu a u naw ng’düi ne awt hlawt khai yaw?” cine ng’khü ci gui.

JAMES 5:3

Nami ghui ngui gui ung phi hnai kai pyi ci nei, cun ah hnai cu nangmi ning hnu ng’tuk püi gui ciah saksi ah kya ne, nami sa cu mei ah uih ah mäih ah ui ne, ning ei gui khai nei. Shin ah ak hnu bäih ah hnüüp gui ung nang mi cu, m’cun m’hnai ne, bühmang vai nami tha na ba ci maa?

ROMAN 11:25

Phäi nau gui aw, nami mät naw nami mät kami hmuhmat tei pyi ci, ciah kä nami ngaih en vai ah thuuk ne ng’kau ciah a mawng cu ka ning m’thein gui hlük ci. Cun cu, Jew chang gui cu angtäi sei ang laam khai gui ah kä kyak ci, Khanpughi ah lawk khai ah khui hei chang gui ami ng’küm ung khüt khai ah kyak ci.

DANIEL 5:20

Cun ung phi ani cu chang ah ng’shei ne, am lung ling ne, m’ghämce law khäta, bawi mang kiang ungka m’hnawn u sei, m’tam nak ah hmun cu hteh tak ciah kyak ci.

EZEKIEL 3:7

Cun ung phi Israel Chang gui a u naw phi kä ngai hlük khai nei; Ngami naw kei phi kä na ngai khai gui nei. Ngami ami van cu ami m’lung ling sei ai kä tä ci gui ah kyak ci.

ISAIAH 48:4

Nangmi cu lingkeng u ne, m’si ah mäih ah kyei ah mäih ah nami m’liu ci, cicu kei naw ka hmat ci.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

NG'THU K'THUUK~ 11:4

Bühmang nak naw sih nak na bui hnüüp ung kä akni ah ning kyak sak khai. Cun ung phi düng nak naw a hnun ning hun khai.

SAM 95:8

“Kä nami ling aih vai nei, nami pupa gui Meribah ung ami kyak ah mäih ah, cu hnüüp ung Massah bung ah ami om ah mäih ah kä nami kyak vai nei.

JOB 21:30

Angtäi se shetkat ciah chang gui cu Cun ah hnüp ung Khanpughi cu m’lungshe neta m’kyuk gui ci.

2 SHONTÄP NAK 36:13

Zedekiah naw Ghangpughang Nebukhadnezzar cu hnungtuk püi ci, ani naw Khanpughi ah ming ung taam ne, a bekhüt vai ah ak ghuih ah pyen nak ci. Cun ung phi ani cu amlung ling ne, kä ng’yu ba ne, Israel Khanpughi Bawipa ah kä ng’hlat law ba ci.

JOSHUA 11:20

Bawipa naw ngami am Israel gui tuk nak vai ah khüighat nak pe gui ci. Cun ah kyasei ngami ami van m’di gui vai ah am kyuk gui ah kyak ci. Ami van kä m’gein gui neami ngawn gui ah kyak ci. Shin cu Bawipa naw Moses am a thumkhän ah kyak ci.

THULÄÄN NAK 2:30

Cun ung phi ghangpughang Sihon naw a khaw kä kaan tu sak gui ci. Bawipa nami Khanpughi naw liing sak ci, hnungtuk sak ci, cun ah kyasei ani cu hniim u ne, a khopäng kami lak ci, cun cu keimi naw kami khäm khai.

PHYAWN NAK 8:15

K’u gui ami sih cu ghangpughang naw hmu neta, ani cu ling ba mä ci. Bawipa ah pyen ah mäih ah Moses la Aaron cu ghangpughang naw kä ngai goi ci.

AMOS 3:10

Bawipa naw, “Shin ah chang gui naw ami im nu gui cu, sheka cheishoh ne ami gah ah khawh awn be sak ci gui. A i hawkcha ah chang na ne om vai cu kä hmat ci gui.

PHYAWN NAK 14:17

Kei naw Egypt chang gui cu akcang ah ka ling sak gui khai, ngami naw ning läk law gui khai gui. Ghangpughang, a gakap gui, yatha gui la ng’cum ci gui ah khan ah ka näng nak awn m’taam nak ka gah khai nei.

PHYAWN NAK 32:34

Tuhbäi hteit ä, kei naw ka ning m’cäi nak ah hmun ung chang gui cu khah püi gui ä. Ka khanchang gui naw lam ning m’shüm khai nei. Cun ung phi shin ah chang gui ami kat ah phäh ah ka m’kyuk nak gui vai ah a khin cu gawk lawk ci nei” cik ci.

NG'THU K'THUUK~ 1:18

Cun ung phi cun ah mäih chang gui cu ami mät ah phäh ah m’hling baang ciah kyak ci gui. Ami sih nak vai cuun cuung ci gui.

NG'THU K'THUUK~ 28:14

Angtai sei Bawipa na lak vai, cun ung na yei khai. Na m’lung aliing ung na shum khai.

JEREMIAH 40:3

tuhbäi ani naw abi vai a pyen cu bik ci nei. Shin gui avan cu kya lawk ci, a i ah kyasei ci ung na chang gui naw Bawipa hnugtuk püi ne kafnak bi u ne, ani cu kä ngai ci gui.

EZEKIEL 11:19

Kei naw ngami am m’lung akthai, ngaih akthai ka pe gui khai. Kei naw ngami ah lung ah lin ciah ami m’lung liing nak cu la ne ghawh pe gui ne, ng’thu ngaih nak ah m’lung ka pe gui khai.

HOSEA 13:12

“Israel gui ah kat nak la cheishoh nak cu ca ung guk ah kyak ci, Cun ah guk gui cu ng’geing khai ah gim ah kyak ci.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

2 THESSALONIAN 1:5

Shin ah abi nak gui ung Khanpughi ah m’khoichaa nak gui cu düng sei, nangmi cu Khanpughi ah kho awn khinkha ciah nami kya lawk khai, acun ah kho ah hmawk ah nangmi cu nami yaica ci.

THU PHLAAN 2:21

Kei naw ani ang yu ba vai ah akhin ka pek ci, cun ung phi ani ashet katnak ung kä ng’yu ba hlük ci.