ROMAN 2:3 - Cho Bible Common Language 2016

³ Cun ung phi teihpüi aw, paw chang m’khoichaa nak ah katnak cu nang na mät naw nam cheishoh pyi ci nei. Nang cu Khanpughi ah m’khoichaa nak na phiawn nak khai ah na ngai ci maa!

ROMAN 2:3 Referans Kwoze

NG'THU K'THUUK~ 16:5

Chang shedam nak ci phung cu Bawipa naw thui nak ci, Ani naw m’kyuk nak ungka ka phyawn sak gui phung khai.

ROMAN 1:32

Cun ah om ciah chang gui cu sih nak ung hteit khai gui ciah Khanpughi ah thukhän cu ngami naw hmat ci gui. Cun ung phi, ami mät naw shin ah shekhaa gui ami bi bäng ah kä kyak ciah, acun ah mäih bik ci gui cun phi k’cang nak ci gui.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

LUKA 12:14

Bawipa Jesuh naw, “Teihpüi aw, nangmi ah ng’lak ung ng’shä ne nami pa khawh ning k’pai gui vai ah, a u naw kei cu na ghüh ne ang?

LUKA 22:58

Cun shäng shäng ba sei, chang tumat naw Peter cu hmu netah, “Nang phi ngami ungka ah na kyak ci” cik ci. Cung ung phi Peter naw, chang aw, kei cu ngami ungka ah kä kiak ci nei” cik ci.

MATTHE 26:53

Kei naw kapa ah kang yoih ah a kyak ung Kapa naw ga-mo mawng gha-lei-goi ah däm ciah khankho chang gui cu, tüi lawk khai ci cu, kä nami hmat ci maa?

MATTHE 23:33

K’phyu m’äm ah gui lah k’phyu m’äm-ah ah hta gui, nangmi cu m’hteimei ung luh nak vai ung kaa, a i chaa nami phyawng khai ang?

DANIEL 10:19

Ani naw pyen ci, “Khanpughi naw ning m’hni ci nei, cun ah kyasei a i naw kä ning ng’ä en sak sä, kä ning kyih en sak sa.” Ani naw shin ah a pyen yah ung, kei naw thamah ba pi neta ka pyen cu, “Bawi aw, nang naw na pyen vai cu na m’thein ä. Nang naw na na hüiyang sak pi ci nei.”

EZEKIEL 17:18

Ani naw ang tawn nak phi m’shet ne, dinds nak abi phi m’shet ci. Shin gui avan cu ani naw abi ah kyak ci, ani cu kä phyawng khai.”

EZEKIEL 17:15

Cun ung phi Judah ghangpughang naw kuknet neta Egypt ah a Chang tüi ne, ng’se gui la gakap akda cu k’thäh ci. Ani näng khai ang? Ani cun ung phyawng khai ang? Ani naw thukbäi bi nak cu kä m’shet hlawt khai, m’kyuk nak kä gah ah kä kya hlawt khai!

NG'THU K'THUUK~ 11:21

Ng’htei sei nami hmat vai cu, changshe gui cu m’kyuk nak om khai, düng ciah chang gui cu phyawng khai gui.

SAM 50:21

Nang naw shin ah mäih gui bik ci sei, kei naw a i kä ka pyen ci. Cun ah kyasei kei cu nang ah mäih ah ka kyak ciah na ngai ci. Cun ung phi tuhbäi nang cu ka ning züi m’cäi ci.

2 SAMUEL 10:3

Ammonit ng’vai gui naw ami ghangpughang am, “Shin cu David naw napa am taam nak ah, nang a ning k’büi nak ah chang gui a tüih law ah na ngai ne ang? Cun ah kä kyak ci! Ani naw a tüih law gui cu mang gaw a tuk nak vai ah ng’dät-khai gui ah kyak ci nei, cun ah kyasei ani naw na khäm gui hning ci nei!” cik ci gui.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

LUKA 22:60

Cun ung phi Peter naw “Chang aw, nang ah na pyein ah mawng cu, kei naw kä ka hmat ci nei” cik ci. Peter naw, cun a ci vai-am, ai khong lawk ci.

SAM 56:7

O Khanpughi, ami kat ah hmawk ah m’kyuk gui ä; Na m’lung she nak awn hnim gui ä!

ROMAN 2:1

Cun ah kya sei teihpüi aw, nang naw chang ah katnak nam khoichaa ung phi, na mät ah katnak kä nam yih hlawt khai. Nang cu katnak bik ciah chang ah kya lang ne, na paw chang cu nam khoichaa tu ah a kyak ung na mät naw na mät nam kat ciah kyak ci.

ROMAN 2:2

Cun ah mäih ah bik ciah chang Khanpughi naw am kat cu, ng’düng ciah mi hmat ci nei.

ROMAN 9:20

Teih püi aw, nang cu a u ah kya ne, Khanpughi cu, cuk chaa na ng’shi hning vai ang! A tüi sho ah chang naw, tüi sho ciah Bawipa cu, “A i ah kya sei, nang naw kei cu shin chaa ah na na tüi sho ang,” cine ng’shi hning khai ang!