ROMAN 2:2 - Cho Bible Common Language 2016

² Cun ah mäih ah bik ciah chang Khanpughi naw am kat cu, ng’düng ciah mi hmat ci nei.

ROMAN 2:2 Referans Kwoze

ZEPHANIAH 3:5

Cun ung phi Bawipa cu mang gaw om sang ci, ang düng bang bik ci, akshe phung kä bik ci. A ngawi tä sei kä m’chüh en ah chang gui ah om nak ah taga nak cu law püi ci. Cung phi kä ng’düng ciah chang gui naw akshe bi vai k’pang u ne, kä ng’aa ci gui.

SAM 145:17

Bawipa cu a bilawh nak avan ung düng ne, a hnünthawh nak avan ung m’gein ci.

JEREMIAH 12:1

“Kei ah ka mawngma cu nang ung ka pyen law ah a kyak ung nang naw düng khai ah na bik khai nei. Cun ung phi taga nak ah mawng cu kei naw ka ning shik ci nei. A i ah kyasei changshe kha gui ami büh mang aih ang? A i ah kyasei kä düng ciah chang gui naw ami m’khüt näng ang?

SAM 98:9

A i ah kyasei ci ung ani cu khomdek ah khan ah lawk ci nei. Ani naw hnicim chang gui cu düng nak la nikiom nak awn uk khai nei.

SAM 96:13

Cun cu Bawipa law ne khomdek a uk law ung ah kyak khai nei. Ani naw hnicim chang gui cu düng nak la ni kyom nak awn uk khai nei.

THU PHLAAN 19:2

Ani ah m’khoichaa nak cu ng’düng ne ng’khän ci nei. Ashetkat nak awn khomdek chang gui cheishoh sak gui ciah pletbeng ciah hnumi cu m’kat pyi ci nei. Ani naw Khanpughi ah chang gui a ngawn ah phäh ah Khanpughi naw am kat ah kyak ci nei” cine m’lau ci gui.

THU PHLAAN 16:5

Cun kawn ah tui ngäng ciah khankho chang naw “tuhngawi la ngawi yä om ne, theingciim ciah Bawipa, nam khoichaa nak cu bä ne chün ci nei.

ROMAN 9:14

Cun ung Khanpughi kä taga ciah mi pyein khai ang! Cun ah kä kyak ci.

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

LAMKTU 17:31

A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

EZEKIEL 18:29

Nangmi Israel Chang gui naw Bawipa ah abi cu kä hman ci nei name cik ci. Nangmi naw kei ah lam cu kä hman ciah name ngai ci, kä kya ne ang? Kä hman cicu nangmi ah lam ah kyak ci.

EZEKIEL 18:25

“Cun ung phi nangmi naw, Bawipa naw abi cu kä hman ci, name cik ci. Israel Chang gui na ngai vä. Kei naw ka bi lawh nak gui ah lam cu kä hman ciah name ngai ne ma? Kä hman cicu nangmi ah bi nak ah lam ah kyak ci.

ISAIAH 45:21

Law ne nami mawngma cu yung ah pyen law vä; Ami chaak gui cu ami mät ng’ge ng’pai u sä. A i ah kya lawk khai ci cu cau pui a u naw cängbang ne ang? A chang gui hun gui ciah kei, Bawipa khanpughi ah kä kya ne ang? Cun kawn ah ahei khanpughi kä om ci nei.

ISAIAH 45:19

Kei naw m’zih ne thu kä ka pyen ci, ka ng’bü nak phi kä ka thup ci. Israel chang gui naw a khaw shiu ah kei ami na shui vai ah kä ka k’thäh man ci. Kei cu Bawipa nei, düng ciah thu ka pyen ci nei; kei naw hman ci cu ka ng’hmat sak ci nei.”

SAM 9:4

Nang naw ng’htei ne düng khai ah na m’khoi chak ci, kei täng ah na m’khoi chak ci.

JOB 34:23

Khanpughi ung chang gui am khoicha nak gui vai ah akhin m’hnüt vai kä hlü ci.

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

ROMAN 2:1

Cun ah kya sei teihpüi aw, nang naw chang ah katnak nam khoichaa ung phi, na mät ah katnak kä nam yih hlawt khai. Nang cu katnak bik ciah chang ah kya lang ne, na paw chang cu nam khoichaa tu ah a kyak ung na mät naw na mät nam kat ciah kyak ci.

ROMAN 2:3

Cun ung phi teihpüi aw, paw chang m’khoichaa nak ah katnak cu nang na mät naw nam cheishoh pyi ci nei. Nang cu Khanpughi ah m’khoichaa nak na phiawn nak khai ah na ngai ci maa!