ROMAN 2:12 - Cho Bible Common Language 2016

¹² Moses ah thukhän kä hmat ci gui ah chang khui hei gui cu, katnak ami bi ung thukhän ah k’pung ah dimaih ci gui kyak ci. Thukhän hmat ci gui ah Jew chang gui cu, katnak ami bi ung thukhän ah m’khoichaa nak cu gah ci gui.

ROMAN 2:12 Referans Kwoze

1 KORIN 9:21

Acun ah mäih ah chang khui hei gui ung bi ka bi ung, ngahmi k’phiawn nak gui vai ah, thukhän ah k’pung ah chang khui hei gui ah mäih ah ka om tuk ci. Cun cu kei naw Khanpughi ah thukhän kä ka läk ah kä kyak ci, kei cu akcang ah Bawi Khrih ah thukhän kaa ah ka om ci.

KALATIAN 3:10

Thukhän läk vai bäng ngaih u ci gui cu acun naw kyuk gui ci. Cacim theing ung, “Thukhän ca uk ung ami guk phung kä läk ciah chang cu Khanpughi naw m’kyuk ci,” ciah om ci.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

ROMAN 1:32

Cun ah om ciah chang gui cu sih nak ung hteit khai gui ciah Khanpughi ah thukhän cu ngami naw hmat ci gui. Cun ung phi, ami mät naw shin ah shekhaa gui ami bi bäng ah kä kyak ciah, acun ah mäih bik ci gui cun phi k’cang nak ci gui.

MATTHE 11:24

M’khoichaa nak ah kho hnüüp ung nang cu, Sodom ah mä däm pi ciah hma m’kat nak cu na gah khai nei,” cine pyein ci.

JAMES 2:10

Thukhän tumat m’shet ciah chang cu thukhän avan m’shet ciah kiak ci nei.

ROMAN 4:15

Thukhän naw Khanpughi ah m’lung k’she nak cu m’dang ci; cun ung phi thukhän kä a om ung m’shekat nak phi kä om khai kyak ci.

MATTHE 11:22

Cun ung phi Khanpughi naw am khoichaa law nak ah hnüüp ung, nangmi cu, Tire la Sidon ah mä däm pi ciah, hma m’kat nak cu nami gah khai.

THULÄÄN NAK 27:26

“Khanpughi ah plah taam nak cu Khanpughi ah thukhän gui la m’theithang gui avan kä läk ciah chang päng ah khan ah gawk sä. “Chang avan naw ami m’shan vai cu, ‘Amen!’

KALATIAN 3:22

Cun ung phi, cacim naw, m’dek ah khan avan cu, katnak ah hlüngtai nak ah kaa ah om ci nei, cine pyein ci. Cun ah kyasei Bawi Khrit yum nak ung phung ciah a shaitaak ah m’shumphyuk nak cu, yum ciah chang gui naw gah ci gui.

JOHAN 19:11

Bawipa Jesuh naw, “Kei ah khan ah cun ah na bi nak hning vai cu, Khanpughi ah ning peit ah kyak ci. Nang ah kut ung kei na ap lawk ciah chang cu a katnak däm pi ci” cine pyen nak ci.

LAMKTU 2:23

Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci.