ROMAN 2:10 - Cho Bible Common Language 2016

¹⁰ Cun ung phi ni kyom nak bik ciah Jew chang gui ung tün ne, khui hei chang gui van ah khan ah Khanpughi naw bämang nak, m’kümto nak la dimdeeih nak cu pe gui khai.

ROMAN 2:10 Referans Kwoze

ISAIAH 32:17

A i ah kyasei ci ung akehang sing naw düng nak cu bik khai, dimdeeih nak la ngaih gep nak cu angtäi sei om khai.

ISAIAH 26:12

Nang naw bühmang nak na na pe gui khai nei, BAWIPA; keimi ah m’khüt näng nak phung cu, nang ah bilawk ah ng’dang nak ah kyak ci nei.

KHEI NAK 6:26

Bawipa naw hmai kyang ne ning teng gui ne, dimdeeih nak ning pe gui sä.

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

JAMES 3:13

Nangmi ungka cüivai ne hmuhmat ciah chang tumatmat a om ah a kyak ung, akni ah aghin nak la akni ah a om ih nak cu m’lung neim nak la Lulang nak awn dang sak sä.

ROMAN 8:6

Hnicim chang ah ng’yak hlü bäng ngaih-tüh ciah chang cu sih nak ung gawk ci, Mumcha ah ng’yak hlü ngaih-tüh ciah chang cu ghin nak la dimdeeih nak gah ci.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

LUKA 1:79

Sihnak ah ang hnim ka ah om ci gui ah khan ah khankho ah akdei cu khang lawk khai, mikmi-am phi ding gei nak lam nam shüm gui khai” ciah kyak ci.

JOB 22:21

Joba, tuhbäi Khanpughi aw ng’gei nak bi ä, Ani ung ga ah mäih ah na om nak cu m’düm ä. Cun ah na bi ung ani naw hriham ning pek khai.

JAMES 2:22

A yum nak la a hnünthawh nak ang cawih cu kä nami hmuhmat ci maa? A hnünthawh nak naw a yum nak cu kümbe sak ci nei.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

ROMAN 5:1

Tuk bäi mikmi cu mi yum nak awn Khanpughi ung mi ng’düng pyi ci kya ne, mi Bawipa Jesuh Khrit awn Khanpughi ah ma ah dimdeeih nak cu mi gah ci.

ROMAN 2:9

Shetkat nak bik ci gui ah Jew chang gui ung tün ne, khui hei chang gui van ah khan ah yaica nak la nat nak cu om khai.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

PHILIPPIAN 4:7

Cun ah nami bi ung, hnicim chang naw ngaitüh ne kä k’phaa ah Khanpughi ah dimdeeih nak naw, Bawi Khrit Jesuh ung nami kawng ät nak awn, nami m’lung la nami ngaih avan cu ning m’htei gui khai nei.

KALATIAN 5:22

Cun ung phi Mumcha ah m’theih tak läi cu, m’hni nak, yeikyai nak, dimdeeih nak, hnimgei nak, ng’awi ng’gi nak, ni kyom nak, bekhüt nak;

ROMAN 15:13

Zum ne ngaih u nak ah ang yung ah kyak ciah Khanpughi naw, ani ung nami yum nak awn, yeikyai nak la dimdeeih nak cu ning k’be gui sä. Cun ah kya sei yum ne nami ngaih u nak cu, Mumcha Theing hlüngtai nak awn, phung ghing ne ng’ghotai khai nei.

ROMAN 14:17

Khanpughi ah uknak ah kho cu ei nak la auk nak awn kä ng’phaa ci, Mumcha Theing ah peit ah ng’düng nak, dimdeeih nak la yeikyai nak awn vah ng’phaa ci.

ROMAN 9:23

Cun kawn ah Khanpughi cu ak chimgein gui ah chang gui naw, chünla ciah a bämang nak ami hmuh vai ah ng’ya hlük ci. Cun ah chang gui cu Khanpughi ah bämang nak ami gah tu vai ah Khanpughi naw a pyan tham gui ah kyak ci.

ROMAN 9:21

K’am sheh ci naw k’am m’dek cu amät ah ng’yak hlü ah piang hning ciah kä kya ne ang! Ani naw k’am m’dek tumat awn, akni akshe, am hni ah sheh hning ciah kä kya ne ang!

LAMKTU 10:35

Ani kyih aa ne ang yaak hlü ah om ciah chang phung cu, Khanpughi naw pakhui käm khoi chak ci.

JOHAN 12:26

Kei ah bi bi hlük ci naw ka hnu ah na läk khai, kei ah chang cu a hawi ka om ung phi kei awn a täng ah om tuk khai. Kei ah bi bik ci cu Kapa Khanpughi naw m’tamkhah khai nei” cik ci.

LUKA 22:14

Akhin gawk law sei Bawipa Jesuh cu ang düihpüi gui awn a täng ah mü-ei ei vai ah ngok ci gui.

LUKA 19:42

nang naw tuhngawi dimdeeih nak na hmat vai sü ung, yeikyai nak om khai sü te, cun ung phi nang naw, cun kä na hmuk ci.

LUKA 12:37

Akchang shäm gui naw ami ngäng cu ami bawi alaw ba ung hmu gui ci. Changshäm gui cu yeikyai ci gui. Kei naw akcang ka pyein cu, bawi naw cun ah changshäm gui cu khin ah khän gui ne, a täng ah ngoh püi gui ne, m’sui msak gui ne, tumbei khin chah na gui khai.

LUKA 9:48

Cun kawn ah Bawipa Jesuh naw, “Kei ah ming awn shin ah ak hmaw dou ci cu, kei na dou ciah kyak ci, kei na dou ciah chang cu, kei na tüi lawk ci dou ciah kyak ci, Nangmi ungka ak yaw pi k’bäih cu ak bä pi k’bäih ah kyak ci” cik ci.

MATTHE 10:13

Im mah gui naw yei ne ami ning dou gui ung, nangmi ah yeikyai yavaih nak cu ngami ung gawk khai, kä ami ning dou gui ah a kiak ung nami yeikyai yavaih nak cu, nami mät ung law ba khai.

JEREMIAH 33:6

Cun ung phi shin ah mang gaw la lun chang gui cu kei naw m’tui m’seih gui khai, ami gai vai ah ka m’tho ba gui khai. Kei ah bä aik ciah deeih nak la ngain gep nak ka m’dang gui khai.

ISAIAH 57:19

Kei naw dimdeeih nak avan am ka pek ci nei, ang et nak la a shon nak avan ung! Kei naw ka chang gui cu ka gai sak gui khai.

ISAIAH 48:22

“Kak ciah chang gui ah phäh ah ngaih gep nak kä om ci nei” cine Bawipa naw pyen ci.

ISAIAH 48:18

“Nangmi naw kei ah thumkhän bäng nami ngaih ah a kyak vaisü ung! Hriham gui cu kä kawi hlawt ciah tui ah mäih ah nami khan ah long khai süte nei! Näng nak cun phi tuikem ah gawk lawk ciah tui hnawk ah mäih ah nangmi ung gawk lawk khai nei.

NG'THU K'THUUK~ 11:18

Chang shekha naw akcang ah a i kä gah ci, Cun ung phi düng ciah bi na bi ah a kyak ung, nang cu m’cümhnah nak na gah khai.

NG'THU K'THUUK~ 8:18

Kei ung büh mang nak la m’tamkhah nak, bä nak la näng nak ka pek vai om ci.

SAM 37:37

Changnicu teng vä, chang düng cu hmu vä, dim deeih sei om cicu ng’shon bang ci nei;

SAM 29:11

Bawipa naw ak chang gui cu thagui k’be gui ne, dimdeeih nak hriham pe gui ci nei.

SAM 15:2

Cun cu, avan cung Khanpughi ngai ne, angtäi sei düng nak bik ne, ang’thu cu düng ne, ng’awi gi sei,

1 SAMUEL 2:30

Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

1 PETER 5:4

Ang vaipi säih Htome uk ciah Bawipa ang dang law ung, angtäi ah pyü ne ng’shü ciah abämang nak ah ghui lukhu cu nami gah khai nei.

JOHAN 14:27

“Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

ISAIAH 55:12

“Nangmi naw Babilon cu yeikyai ne nami hteh tak khai; Nangmi dimdeeih nak awn mang gaw ah k’pung ah nami lut lawk khai nei. Khomhtung gui la khogui gui naw m’lau ne ng’äi m’cu khai gui. Sing ghing gui cu yei ne m’lau khai gui nei.

1 TIMOTHI 1:17

Ang täi ah ghing ciah Ghangpughang, sih nat nak kä om ci, mik awn kä hmuh thei, tumat bäng ah Khanpughi cu — m’tam khah nak la bämang nak awn hta ng’shon ung om sä! Amen.

HEBRU 2:7

Nang naw chang cu khanchang ah mä apihta ng’neim ba pi khai ah na tüisho ah kyak ci; Nang naw ani cu bäkhäk nak la m’tamkhah nak awn be sak ne,