ROMAN 16:3 - Cho Bible Common Language 2016

³ Bawi Khrit Jesuh ah khuut bi nak kami bi ät ciah Pricilla la Aquila cu ka yavaih na goi ci nei.

ROMAN 16:3 Referans Kwoze

2 TIMOTHI 4:19

Priscilla la Akuila ni, Onesiphorus ah kyongkhui ni gui cu ka yavaih na gui ci nei.

1 KORIN 16:19

Asia kho ah Khrithabum gui naw phi ning yavaih gui ci gui nei; Akuila la Priscilla ni, ami im ah nami pum nak gui ah khritha gui naw phi ning yavaih gui ci gui nei.

LAMKTU 18:26

Ani cu pum im ah thamah nak awn thu pyein ci, Ang thu ngaiya tuk ci goi ah Priscilla la Akuila naw, ani cu ani im ah khü ni netah, Khanpughi ah bilawh mawnglam cu ng’kheing pi khai ah m’thein tuk ci goi.

1 KORIN 16:16

Phäinau gui aw, a shin ah mäih ah chang gui ah lam shüm nak la, ngami awn a täng ah k’tha na ne khuut bik ci gui ah lam shüm nak cu nami läk vai ah ka ning m’cäi gui ci nei.

ROMAN 16:9

Bawi Khrit ah khuut a täng ah mi bik ciah Urbanus la ka teihpüi Stachis phi ka yavaih na goi ci nei.

ROMAN 8:1

Cun ah kya sei Jesuh Khrit ung kawng ät ne om ciah chang gui cu Khanpughi ah shet m’kat nak phiawn nak ci gui.

ROMAN 8:2

Cun ah kya sei Jesuh Khrit ung na kawng ät sak ciah Mumcha ah thukhän naw, katnak la sih nak ah thukhän ung, kei cu na phiawn sak pyi ci nei.

ROMAN 8:11

Bawi Jesuh sih nak ungka thawh ba sak ciah Khanpughi ah Mumcha cu nang mi ung akcang ah om ciah a kyak ung, Bawi Khrit sih nak ung kaa thawh ba sak ciah Bawipa naw, amät ah Mumcha awn sih thei ciah nami pumsacun phi ghin sak khai nei.

ROMAN 16:4

Ngah ni cu kei ah hmawk ah ani hnun gui pe ne bi bik ci goi nei. Ngah ni cu kei bäng ah kä kyak ciah khui hei chang khritha bum avan naw yei na goi ci gui nei.

ROMAN 16:7

Andronikas la Juniasr cun phi ka yavaih na goi ci nei. Ngah ni cu kei awn a täng ah thawng kyum ci goi ah Jew chang goi ah kyak ci: ngah ni cu ang düihpüi gui ah ng’lung ah chang khli naw hmat goi sei, kei ah kä yum tu pha ung Khritha ah kya pyi ci goi ah kyak ci.

ROMAN 16:10

Bawi Khrit ung khäng ciah Apelles la Aristobulus ni kyong cun phi ka yavaih na gui ci nei.

2 KORIN 5:17

Chang nak cicu Bawi Khrih ung a ghin ung, ak thai ah ng’tüi ba ciah kyak ci; ak phyim avan ng’kawn yawp ne, avan ak thai ah kya yawp ci.

2 KORIN 12:2

Yanä khokum gha-lei-phli yah ung khritha tumat cu, ak hlüng pi ah khankhaw ah a yon püi cu kei naw ka hmat ci (Cun cu akcang ah a kyak la muimang ah a kyak ah kei naw kä ka hmat ci, Khanpughi bäng naw vah hmat ci.)

KALATIAN 1:22

Cun yah ung Judea kho ah khrithabum gui naw kei cu kä na hmat phak ci gui.

PHILIPPIAN 2:25

Kei awn a täng ah kani bik ci, kei awn a täng ah ng’düi ne ng’khüi ci, kei nam hteihtang khai ah nami tüih law ah, mi nau Epaphroditus cun phi nang mi ah ka tüih law vai ah hlü ciah ka ngai ci nei.

KOLOSE 4:11

Justus ami ciah Joshua naw phi ning yavaih na gui ci nei. Acun ah ng’thu gui cu yum ciah Jew chang gui ah kya u ne, Khanpughi ah uknak kho ah hmawk ah kei awn a täng ah bi bi u ne, kei cu aktung ah nam hteihtang ci gui nei.