ROMAN 16:10 - Cho Bible Common Language 2016

¹⁰ Bawi Khrit ung khäng ciah Apelles la Aristobulus ni kyong cun phi ka yavaih na gui ci nei.

ROMAN 16:10 Referans Kwoze

ROMAN 14:18

Ashin ah mäih ah Bawi Khrit ah khuut bik ciah chang cu Khanpughi naw yei nak ci, chang naw phi m’hlüngtai ci.

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

THULÄÄN NAK 8:2

Ng’pyi ciah khokum phlikip ung bungpuk kaan ne shin ah lam ung akshou nami law nak ung, Bawipa nami Khanpughi naw a ning chuiso nak gui la khükha nak gui tüi law ne a ning m’nüm nak gui cu nami shüm ba vai. Cun ung nangmi naw a i bi vai ah nami ng’bü cu ani naw hmat khai. Ani ah thumkhän nami läk la kä nami läk phi hmat khai.

1 TIMOTHI 3:10

Ngahmi cu ak htük ung tüihtok nak aut ma u sä, tüihtok nak ami näng ah a kyak ung, ngami cu khuut bi tu u sä.

PHILIPPIAN 2:22

Nang mi naw Timothi ah hnün thawh la kei ni naw ng’pahta goi ah mäih ah Thu Ni ng’shäu ne kani bilawh cu nangmi naw nami hmat ci nei.

2 KORIN 8:22

Cun ah kya sei ngah ni awn a täng ah kami nau tumat phi kami tüi lawk ci nei: ani cu akda vei teng kheng u ngä sei, chang m’hteihtang ciah chang ah kyak ci nei. Ani cu nangmi ning ngaih gep gui ciah kya ne, ning m’hteihtang gui hlü pi ci nei.

2 KORIN 2:9

Yanä kei naw ca ka ning guk law gui cu, tüihtok nak m’khüt vai ah nami ng’düih la, kei ah ning m’shümthein gui läk ghet vai ah nami om ah, hmat nak vai ah kyak ci.

1 KORIN 11:19

(Nami m’lung ngaih ang pai nak cu om khai, cun ung vah ng’düng nak cu dang lawk khai.)

2 TIMOTHI 4:19

Priscilla la Akuila ni, Onesiphorus ah kyongkhui ni gui cu ka yavaih na gui ci nei.

ROMAN 8:11

Bawi Jesuh sih nak ungka thawh ba sak ciah Khanpughi ah Mumcha cu nang mi ung akcang ah om ciah a kyak ung, Bawi Khrit sih nak ung kaa thawh ba sak ciah Bawipa naw, amät ah Mumcha awn sih thei ciah nami pumsacun phi ghin sak khai nei.

ROMAN 16:3

Bawi Khrit Jesuh ah khuut bi nak kami bi ät ciah Pricilla la Aquila cu ka yavaih na goi ci nei.

ROMAN 16:7

Andronikas la Juniasr cun phi ka yavaih na goi ci nei. Ngah ni cu kei awn a täng ah thawng kyum ci goi ah Jew chang goi ah kyak ci: ngah ni cu ang düihpüi gui ah ng’lung ah chang khli naw hmat goi sei, kei ah kä yum tu pha ung Khritha ah kya pyi ci goi ah kyak ci.

2 KORIN 5:17

Chang nak cicu Bawi Khrih ung a ghin ung, ak thai ah ng’tüi ba ciah kyak ci; ak phyim avan ng’kawn yawp ne, avan ak thai ah kya yawp ci.

2 KORIN 12:2

Yanä khokum gha-lei-phli yah ung khritha tumat cu, ak hlüng pi ah khankhaw ah a yon püi cu kei naw ka hmat ci (Cun cu akcang ah a kyak la muimang ah a kyak ah kei naw kä ka hmat ci, Khanpughi bäng naw vah hmat ci.)

KALATIAN 1:22

Cun yah ung Judea kho ah khrithabum gui naw kei cu kä na hmat phak ci gui.