ROMAN 15:1 - Cho Bible Common Language 2016

¹ Mi yum nak khäng htek ciah chang gui naw, ayum nak ken ciah chang gui cu m’hteihtang gui vai kyak ci. Mi mät ah yeikyai nak bäng vai ah mi bi khai ah kä kyak ci.

ROMAN 15:1 Referans Kwoze

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

ROMAN 14:1

A yum nak ken ciah chang cu nami dou vai, cun ung phi ani ah m’lung ngaih ah mawng ung kä nami ng’cuh ng’can nen püi vai.

1 KORIN 9:22

Kei cu yum nak ken ci gui ah ng’lung ah ka gawk ung, ngami ka k’phiawn nak gui vai ah yum nak ken ciah mäih ah ka om tuk ci. Chang a kükü cu k’phiawn nak gui hlawt vai ah chang a heihei ah a hlü hlü ah ka om tuk ci.

1 JOHAN 2:14

Ka hta nau gui, nangmi cu Pa Khanpughi nami hmat ci kyasei ca ka ning guk law gui ci. Pa gui, nangmi cu ak htük ge ung om ciah Bawipa cu nami hmat ci kyasei ca ka ning guk law gui ci. Hmaw chang gui, nangmi cu nami khüighaat ci kyasei ca ka ning guk law gui ci: Khanpughi ah ng’thu cu nangmi ung om sei, nangmi naw khoshe cu tu ne nami näng pyi ci nei.

2 TIMOTHI 2:1

Ka hta, Bawi Khrit Jesuh ung kawng ät nak awn mi gah ah m’geinsei nak awn k’thamah ne om ä.

ROMAN 4:20

Ani cu a yum nak kä ng’hlat phung ci, Khanpughi ah shaitaak phi kä a ngaih gep nak kä om ci; a yum nak naw hlüngtai nak awn be sak sei, Khanpughi cu m’hlüngtai ci.

EPHESIAN 6:10

Ak hnu bäih ah ka ning m’cäi gui cu, Bawipa ung kawngät nak la küikyang ciah a hlüngtai nak ung thamah ne khüighaat vä.

2 KORIN 12:10

Kei cu Bawi Khrit ah hmawk ah tha ken nak, ghingshe nak, geinvai nak, k’dudei nek, la tüihtok nak gui ka aut ung phi, kei cu kak tha a ken yah ung kak thamah ba pi ci nei.

1 KORIN 4:10

Keimi cu Bawi Khrih ah hmawk ah changshe ah kami kyak ci, Cun ung phi nangmi cu Bawi Khrih ung nami kawng ät nak awn cüivai ciah nami kyak ci! Keimi cu kami k’tha ken ci, nangmi cu nami k’thamah ci; Keimi cu chang naw na päipih gui ci, nangmi cu chang naw ning chang m’sui gui ci!

ROMAN 14:2

Ayum nak khäng ciah chang naw a i ei phi ei hning ci, a yum nak kä khäng ciah chang naw, thui an bäng vah ei thei ci.

PHILIPPIAN 2:4

Nami mät ah hmawk bäng ah kä ng’ä ne, nami pawchang ah hmawk ah phi nami ng’ä vai nei.