ROMAN 14:3 - Cho Bible Common Language 2016

³ A i ei phi ei thei ciah chang naw cun ah kä ei tu thei ciah chang cu kä a yokshe nak vai; Thui an bäng ei thei ciah chang naw phi, a i ei phi ei thei ciah chang cu kä ah m’shetkat vai; a i ah kya sei ci ung a i ei phi ei thei ciah chang cu Khanpughi naw a dou pyi ah kyak ci.

ROMAN 14:3 Referans Kwoze

ROMAN 14:10

Cun ah kya sei, thui am bäng ei hning ciah chang gui, a i ah kya sei nami phäi nau nami m’khoichaa ang! A i ei phi ei thei ciah chang gui, a i ah kya sei nami phäi nau na mi yokshe nak ang! Mikmi mi van cu a nam khoichaa gui vai ah Khanpughi ah maa ah mi ng’düi yawp khai nei.

LUKA 18:9

Amät naw amät chang khän ah ngai ne, chang k’shedam nak ciah chang gui-am Bawipa Jesuh naw, shin ah m’tumtäng nak cu m’thein gui ci.

ROMAN 14:13

Cun ah kya sei tumat naw tumat am khoichaa nak cu nawng shüt ne, nami phäi nau ah cheishoh nak vai la shetkat nak ung a luh nak vai cu, kä kami bi phung phung khai cine, nami m’lung ngaih nami phukpit vai nei.

LAMKTU 10:34

Cun kawn ah Peter naw, “Khanpughi naw akcang ah chang ah müi hmai ak yaw ak däm kä teng ci, cicu ka hmat pyi ci nei.

ROMAN 14:21

Nami phäi nau naw shetkat nak khai a kyak ung, asa phi bäi sapyit tui phi bäi, a hmün a i ei auk phi bäi, avan nami hlawi vai.

ROMAN 14:15

Ei tumatmat na ei nak awn na phäi nau cu ngaih na khak sak ah a kyak ung, nang naw ani ah khan ah na om k’she nak ah kyak ci. Bawi Khrit ah sih nak cu cun ah chang ah hmawk ah phi kya tuk ci kya sei, tumatmat ah ei nami ei nak awn cun ah chang ah ngaih cu kä khak en sak vä.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

LAMKTU 10:44

Cun ah Peter naw thu a pyein sang ung thu ngai ciah chang van ah khan ah Mumcha Theing cu kyum lawk ci.

MATTHE 9:14

Cun kawn ah Johan ah ang düihpüi gui cu Bawipa Jesuh ah pei ah law u netah, “Keimi la pharisee gui cu a shäng shäng ei kami hlawi ci, cun ung phi nang Bawipa ah düihpüi gui cu, a i ah kiasei ei kä ami hlawi tu ang? cine ng’shik ci gui.

LAMKTU 28:2

Acun ung om ciah chang gui naw keimi cu ang htei ah nam gein gui ci gui. Kho aa ne kho m’yu law khä tah, mei cik ne nam awm gui u ne, na khin nah gui ci gui.

ROMAN 11:15

Khanpughi naw ngami cu a nawng gui yah ung, hnicim chang gui cu, a gaa ah ami kyak nak ungka naw a teihpüi ah ng’thon sak gui yawp ci. Cun ah kya sei Jew chang gui cu Khanpughi naw a dou ba gui yah ung a i ah mäih ah kyak khai ang! Ak si gui ghin sak gui ah mäih ah cäicat vai ah kyak khai nei.

ROMAN 14:1

A yum nak ken ciah chang cu nami dou vai, cun ung phi ani ah m’lung ngaih ah mawng ung kä nami ng’cuh ng’can nen püi vai.

ROMAN 15:7

Bawi Khrit naw nangmi cu a ning dou gui ah mäih ah, Khanpughi ah bämang nak ang dang vai ah tumat la tumat nami ng’dou tu vai.