ROMAN 13:8 - Cho Bible Common Language 2016

⁸ Nang mi tumat la tumat nami ng’yumhni tu ah kawn ah a i pupawn phi kä om men sä. A paw chang m’hni ciah chang cu thukhän läk ciah kyak ci.

ROMAN 13:8 Referans Kwoze

ROMAN 13:10

Ak chang paw m’hni ciah chang cun naw, a i yah ung phi am hni ah shetkat nak vai cu kä bik khai nei. Cun kya sei ak chang paw m’hni ciah chang cu thukhän a van läk ciah kyak ci.

KALATIAN 5:14

“Na paw chang cu na mät awn m’täng ne nam hni vai,” ciah thukhän läk ci cu, thukhän avan läk ciah kyak ci.

MATTHE 7:12

Nami mät ung chang naw abi vai nami ng’yak hlü ah mäih ah chang ung phi nami bi vai. Cun cu Mosesah thukhän la profet gui ah m’theithang nak ah kyak ci.

ROMAN 13:7

Cun ah kya sei nang mi naw nami peit vai ah khin ci phung cu nami peit vai, a khawn m’cu vai ah a mawng om ciah phäh phung ah nami m’cu vai nei, uk ciah bawi gui ami van cu m’tamkhah gui ne nami chang m’sui gui vai nei.

JAMES 2:8

Khanpughi ah uknak ah thukhän cu nami läk ciah a kyak ung düng cicu nami bi vai nei: Cun ah thukhän cacim ung om ci cu; “Na chang paw cu na mät awn m’täng ne nam hni vai nei,” ciah kiak ci.

KOLOSE 3:14

Shin ah ang baan gui avan cu m’hni nak ung phung ci, cun ah m’hni nak naw avan shum ne kümbe kawng ät sak ci.

JOHAN 13:34

Tuhbäi Thukhän thai ka ning pe gui ci, “tumat la tumat nami ng’hni tu vai nei, kei naw ka ning m’hni gui ah mäih ah nami mät nami ng’hni tu vai nei.

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

1 JOHAN 3:10

Ashin ah mawng awn Khanpughi ah htanau la Khoshe ah htanau ah ng’lakmah nak cu ng’htei ne dang ci. Ng’düng nak kä om ciah chang, a phäinau kä m’hni ciah chang cu Khanpughi ah htanau ah kä kyak ci.