ROMAN 13:7 - Cho Bible Common Language 2016

⁷ Cun ah kya sei nang mi naw nami peit vai ah khin ci phung cu nami peit vai, a khawn m’cu vai ah a mawng om ciah phäh phung ah nami m’cu vai nei, uk ciah bawi gui ami van cu m’tamkhah gui ne nami chang m’sui gui vai nei.

ROMAN 13:7 Referans Kwoze

LUKA 20:25

Bawipa Jesuh naw, “Roman ghangpughang ah kaa cu Roman ghangpughang-am nami ap vai. Khanpughi ah kaa cu Khanpughi-am nami ap vai” cik ci.

MATTHE 17:25

Peter naw, “Ä! Pek ci nei,” cine pyein ci. Cun kawn ah Peter cu kyong ah va lut ba khätah Bawipa Jesuh naw, “Simon, nang naw a i ah nei na ngaih, m’dek khan ghangpughang gui naw, ami mät ah kho chang gui-am ang a khawn ami m’cun sak; a kho hei ah kaa om tuk ciah chang gui-am ang a khawn ami m’cun sak?” cine ma ne ng’shik ci.

NG'THU K'THUUK~ 24:21

Ka hta aw, Bawipa cu na kyih aa vai, Ghangpughang cu na m’tam khah vai. Ngami hnungtuk püi gui ciah chang awn nami bi ghawm vai a i kä om ci.

1 TIMOTHI 5:17

Khanpughi ah khuut bik ciah ak tahnga gui cu, ng’cheng a goi thum ah gah khin ci gui ah nami hmat vai nei. Thu Ni ng’shäu ci gui la m’theingthang bilo ci gui cu ak tung pi ah gah khin ci gui nei.

MATTHE 22:21

Ngami naw, “Ghangpughang ah müi, ghangpughang ah ming nei,” cik ci gui. Cun kawn ah Bawipa Jesuh naw, “Ghangpughang ah kaa cu ghangpughang-am ap ba vä, Khanpughi ah kaa cu Khanpughi-am ap ba vä,” cine kyak na gui ci.

EPHESIAN 6:5

Changshäm gui, Bawi Khrit ah khuut nami bi ah mäih ah kyih-aa ne, khüighaat ne nami chang bawi ah thu cu nami läk vai.

1 PETER 3:7

Acun ah mäih ah nangmi pami gui naw phi nami chu gui cu, ami thagui ken ci kyasei, ami m’lung ngaih hmat ne nami k’dük gui vai. Ngami cu Khanpughi ah nam shumphyuk gui ah ghin nak, nangmi awn a täng ah gah tuk khai gui ah kyasei, chang m’sui ne nami om püi gui vai nei. Cun ah nami bi ung vah nami taigü nak hnaihnawk nak a i kä om khai.

1 TIMOTHI 6:1

Khleihtein gui naw ami bawimang ami chang m’sui vai cu ami hmat vai. Cun ung vah Khanpughi ah ming la khritha ah m’theithang nak cu a u naw kä päipih kä pyeinsak khai.

EPHESIAN 5:33

Cun ung phi nangmi tumat ciah hmawk ah phi kyak ci; a cei phung naw ak chu cu amät awn m’täng ne am hni vai, ak chu phung naw phi a cei cu ak chang m’sui vai.

LUKA 23:2

Ngami naw, “Shin ah chang kami pha ah mawng cu Khanpughi-am k’phlam kä pe ba vä, cine chang gui m’cäi gui ne, amät naw amät phi ‘Kei Messiah nei, Kei ghangpughang nei’ cine kya sei, kami hmuk ci nei” cine kyak ci gui.

MAKUH 12:17

Bawipa Jesuh naw, “Ghangpughang ah kaa cu ghangpughang-am ap ba vä, Khanpughi ah kaa cu Khanpughi-am ap ba vä” cine kyak na gui khätah ang htei ah cäicat ci gui.

1 SAMUEL 12:18

Cun ah kyasei Samuel taigü ci, acun hnüüp ung Bawipa naw kho hmum la kho k’aa tüi lawk ci. Chang avan naw Samuel la Bawipa cu kyih ci gui.

TAIGÜTHUM 19:32

“Aghi ang vai gui cu chang m’sui ne, nami m’tam ngak vai. Kyih aa ne nami cuun ngaih vai. Kei cu Bawipa nei.

TAIGÜTHUM 19:3

Nangmi a chang sing naw nami nu la nami pa cu nami chang m’sui vai. Kyin hnüüp cu nami k’pan khek vai. Cun cu thumkhän ka ning pek gui ah kyak ci. Kei cu Bawipa nami Khanpughi nei.

PHYAWN NAK 20:12

“Na nu la na pa cu na chang m’sui vai, cun ung ka ning pek ah khaw ung ghing shon ne na om khai.

1 TIMOTHI 5:13

Cun kawn ah ngami cu a im tung päng ung hteit shüi shüi ne akhin maih sak ci gui, cun bäng ah kä kyak ciah kä pyein vai pyein u neh, chang ah mawng pyein sah hlük ci gui.

NG'THU K'THUUK~ 3:27

Bi lawh hning vai ah a kyak päng ung chang gui ung bi vai hlü ciah akni gui cu na bi vai.

LUKA 20:22

Cun ah kyasei, akcang cu na m’thein gui ä: Roman ghangpughang am k’phlam kami ap khai ang? kä kami ap khai ang?” ci ne ng’shik ci gui.

ROMAN 12:10

Nang mi cu tumat la tumat khritha phäi nau ah mäih ah nami ng’khawtsheng vai, tumat la tumat chang m’sui nak tu cu ang ghit ah nami bi vai.

ROMAN 13:6

Shin ah a mawng ung nang mi cu kphlam phi nami m’cu ci. A i ah kya sei ci ung, uk ciah bawi gui cu ami bi m’htei ne ami bi ah a kyak ung Khanpughi ah khuut bik ci gui ah kyak ci.

1 GHANGPUGHANG GUI 3:17

Tumat naw pyen ne, “Bawi awi, shin ah hnumi la kei cu im tumat ung kani om ci, ani acun ung a om sang ung kei cu pami hta ah ka hta ci.