ROMAN 13:6 - Cho Bible Common Language 2016

⁶ Shin ah a mawng ung nang mi cu kphlam phi nami m’cu ci. A i ah kya sei ci ung, uk ciah bawi gui cu ami bi m’htei ne ami bi ah a kyak ung Khanpughi ah khuut bik ci gui ah kyak ci.

ROMAN 13:6 Referans Kwoze

LUKA 23:2

Ngami naw, “Shin ah chang kami pha ah mawng cu Khanpughi-am k’phlam kä pe ba vä, cine chang gui m’cäi gui ne, amät naw amät phi ‘Kei Messiah nei, Kei ghangpughang nei’ cine kya sei, kami hmuk ci nei” cine kyak ci gui.

1 SHONTÄP NAK 18:14

David naw Israel khaw avan uk ne, angtäi sei a chang gui cu bä ne taga khai ah om püi gui ci.

ROMAN 12:8

Chang gui k’thamah nak peit nak gui vai a kyak ung, mi pe gui khai. Chang am pektaak ciah chang naw, ng’khai ng’lang nak awn a pektaak vai, huham om sei ng’vai pi ci naw k’tha nakcang ne abilawh vai; geinvai ciah chang m’gein tuk ci naw m’lung gei yeikyai nak awn am hteihtang tu vai.

NEHEMIAH 5:4

Ahei amshah gui naw, “Keimi naw kami lo la sapyitdum ah phäh ah phlam kami pek vai ah ngui kami puk ci” cik ci gui.

EZRA 6:8

Cawh kyan nak ung ami bawm gui vai ah kei naw thumkhän ka ning pe gui ci, cawh pyan nak ung ng’pyi ciah ngui cu Euphratis akhei täng ung akhon loh ah mang im ngui ungka kä m’düm ne pek vai nei. Cun ung bi nak cu kä ng’düm khai.

EZRA 4:20

Huham ah ciah ghangpughang gui naw ukgui u ne, Euphratis akhei täng khopäng avan ung khüt sei uk u ne, k’plam sok u ne akhon look man ci gui.

EZRA 4:13

Bawimang aw, shin ah mang gaw co ba u ne, gawpaang cu ami m’üp ba ah akyak ung chang gui naw khophlam gui cu kä pe ba khai gui nei. Nang bawi ah akhon phi yung kyak khai nei.

2 SAMUEL 8:5

Damaskas ungka Syrian chang gui naw Ghangpughang Hadadezer kuram khai ah gakap gui tüi law u sei, David naw tu gui ne chang phia phia goi la m’ku cu ngawn gui ci.

ROMAN 13:5

Cun ah kya sei nang cu Khanpughi ah m’shetkat nak kyih nak bäng awn ah kä kyak ciah namät ah m’lung kyong theing cim nak awn, uk ciah bawi ah huham cu na läk vai nei.

ROMAN 13:7

Cun ah kya sei nang mi naw nami peit vai ah khin ci phung cu nami peit vai, a khawn m’cu vai ah a mawng om ciah phäh phung ah nami m’cu vai nei, uk ciah bawi gui ami van cu m’tamkhah gui ne nami chang m’sui gui vai nei.