ROMAN 13:4 - Cho Bible Common Language 2016

⁴ A i ah kya sei ci ung, ani cu nang ah ni nak vai ah Khanpughi naw ak chang ah am düih ah kyak ci. Cun ung phi katnak na bi ah a kyak ung ani cu na kyih vai, aniung akcang ah shet m’kat nak vai ah huham nak cu om ci. Ani cu Khanpughi ah changshäm ah kya ne, katnak bik ciah chang gui cu Khanpughi ah huham awn m’shetkat gui ciah kyak ci.

ROMAN 13:4 Referans Kwoze

ROMAN 12:19

Teihpüi gui aw, phu kä nami tuk nüng nüng vai, Khanpughi amät naw katnak cu m’htei khai nei. Cacim theing ung, “Kei naw phu ka tuk khai, katnak ah ciah kei naw ka thung khai,” ci ne Bawipa naw pyein ci.

NG'THU K'THUUK~ 20:2

M’ngawk ciah phongkawng kyih ah maih ah m’lungshe ciah ghangpughang cu nami kyih vai. Ani m’lungshe sak cicu ng’cawh ciah kyak ci.

NG'THU K'THUUK~ 16:14

Cuivai ci naw ghangpughang a yei vai ah k’tha na ne k’pang ci, ghangpughang am lung she law ung chang tumat mat cu sik khai.

2 SHONTÄP NAK 19:6

m’shüm thein gui ci, “Geing na ne nami ng’thumcha vai nangmi cu hnicim chang ah huham awn nami hnüntho ciah kä kyak ci, Bawipa ah huham awn nami hnüntho ci, nami ng’thumcha nak päng ung ani naw ning om püi gui ci.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

ROMAN 13:6

Shin ah a mawng ung nang mi cu kphlam phi nami m’cu ci. A i ah kya sei ci ung, uk ciah bawi gui cu ami bi m’htei ne ami bi ah a kyak ung Khanpughi ah khuut bik ci gui ah kyak ci.

MIKHAH 3:9

Israel uktu gui, na ngai vä! nangmi cu taga ci thüi ne u ne, ahman cu ahma ah nami lat ci.

EZEKIEL 25:14

Kei ah ka chang Israel gui naw kei ah phäh ah Edom ah khan ah phutuk khai gui, ngami naw Edom am kei ah sou ciah m’lungshe nak cu khan sak khai gui. Edom gui naw kei ah phutuk nak ah amawngma cu hmat khai gui.” Uktu Bawipa naw a pyen nei.

EZEKIEL 22:27

Azozah bawi gui cu ami lawk ah khisa phyit ne k’teek ciah hnei ah mäih ah kyak ci gui. Ngami naw ami ng’mang nak vai ah chang ngawn ci gui.

JEREMIAH 5:28

Akni ei aw u ne plan sa ci gui. Akshe ah ami hnun thawh nak ung m’hnüt k’bäi nak kä om ci. Hmei hta gui am ami gah vai ah chaw kä pek ci gui, ami shedam nak gui amtaga nak kä pek ci gui.

ISAIAH 1:17

Ak ni bi vai ah ng’thei vä. Taga ciah bi cu nami teng vai — ami shedam nak cu nami m’hteihtang vai, hmei hta guiam ak chaw nami pek vai, hmeinu gui nami shungvong vai.”

NG'THU K'THUUK~ 20:26

Cüivai ciah ghangpughang nawa cheishoh ciah chang cu k’tä ne hmuk khai, aninaw kä m’gein ne m’kyuk khai.

NG'THU K'THUUK~ 20:8

Ghangpughang cu ng’thumcha nak ung ngok ci, ani naw akshe cu a hmuh ung hmat ci.

1 GHANGPUGHANG GUI 10:9

Bawipa na khanpughi cu m’tamkhah ä! Ani naw Israel ghangpughang ah ning pyang ne, nang awn a täng ah a om ah phäh ah a i hlawk ah a yeikyai cu m’dang ci nei. A i ah kyasei ci ung ani naw Israel am hni nak cu angtäi ah kyak ci, ani naw nang cu ami ghangpughang ah ning pyang ci, nang naw thukhän la taga nak cu na bi hning ci.”

JOSHUA 20:9

Shin gui cu Israel chang avan la ami ng’lung ah om tuk ciah khuihei chang gui ah hmawk ah ami ghü ah ng’yiinak mang gaw gui ah kyak ci. Chang tumat naw acapka ah chang a ngawn ah a kyak ung, phu tuk khai ah chang a phyawn nak vai ah a cu ah hteit ne ng’yii hning ci. Ani cu chang ah ng’lung ah m’khoicha nak kä a om pha ah chuih a u naw kä ngawn hning ci.

JOSHUA 20:5

Ani ah khan ah phu tuk khai naw a cu ah aläk law ah a kyak ung, mang gaw ung chang gui naw cun ah chang am, ani cu kä ami ap en vai. Ngami naw ami shungvong vai, a i ah kyasei ci ung, ani naw chang cu acapka ah a ngawn ah kyak ci, m’lungshe ne a ngawn ah kä kyak ci.

1 PETER 2:14

Bawi gui cu akshe bik ci gui m’kat gui khai la akni bik ci gui m’kümto gui khai ah, ghangpughang naw am düih gui cicu nami yum vai nei.