ROMAN 13:12 - Cho Bible Common Language 2016

¹² Khaw ah mü nak ng’pyi law ne, khaw cu thai law ghi ghi ci nei. Cun ah kya sei mikmi cu, hnüp khui ah ng’yak hlü ah om ih nak gui cu mi nawng shüt ne, akdei ung gaa tuk nak vai ah li khim cu mi pawng püi khai nei.

ROMAN 13:12 Referans Kwoze

EPHESIAN 5:11

Hnüp khui ung om ciah chang gui ah bi, kä ak ni gui cu, kä nami bi en tu vai, cun gui cu nami dang sak vai nei.

2 KORIN 6:7

ng’düng ciah ng’thu pyein nak la Khanpughi ah hlüngtai nak awn phi bäi, keimi cu Khanpughi ah changshäm ah kami kyak ah mawng cu kami dang sak ci. Ng’tuk bi nak la gaa shung nak ung, ng’düng nak cu, kami li khim ah mäih ah kami mang ci.

JAMES 1:21

Cun ah kyasei, kä nik ciah om ih la shekak ciah hnünthawh nak cu nami ng’cim sak vai nei. Khanpughi cu dou ne, Khanpughi naw nami m’lung kyong ah a geit ah thu cu nami kutshum vai, acun naw nangmi cu ning hun gui hning ci.

ISAIAH 30:22

Nangmi naw ngui awn pyan ah a gup gui la ghui awn vook ah a gup gui cu ng’awt ah mäih ah ghawt u ne, “Kei ung ka ahei ah hteit ä” cine nami m’lau khai nei.

EPHESIAN 4:22

Cun ah kyasei ghin cu om düt ah ghin nak man, ak phyim cu lim ne nawng shüt vä. Mät ah ng’yak hlü hlimtui nak awn didap thei ciah, ghin nak phyim cu hnu nah vä.

ROMAN 13:14

Bawipa Jesuh Khrit cu li khim ah mäih ah nami suisak vai nei, ng’tüipüi ah nami shetkat nak cu nawt heng u ne, mät ah ng’yak hlü düt ah kä nami om ih ba vai nei.

SOLOMON NG’Ä~ 2:17

cun cu kho ngawi hta khaw a pyü güt, khaw hmüp ang kawn güt ah kyak ci. Kei ah m’hni aw, kigang nu ah mäih ah ng’hlat law ba ä, Bether khomhtung ung kigang nong ah mäih ah law ba ä.

THU PHLAAN 22:10

Cun kawn ah khankho chang naw, “Shin ah a mawng gui a bä law nak vai ng’et law pyi ci kyasei, shin ah ca-uk ungka ng’cäi nak ah ng’thu gui cu kä na m’yih en vai nei.

1 PETER 2:1

Nami shetkat nak avan ng’hlah ta u ne, kä hleeihlak ne, kä thuvi ne, käm thüi m’khang ne, kä nawmpang kä ng’plah taang ne nami om vai nei.

ISAIAH 2:20

Cun ah hnüüp a gawk law ung ghui la ngui ann ami pyan ah a gup gui cu ngami naw ghawt khai gui, k’bui gui la palak gui ah ng’lung ah nawng gui khai gui.

THU PHLAAN 1:3

Shin ah mawng gui a khüm law nak vai ng’et law pi ci kyasei, shin ah ca phat ciah chang phung la shin ah ng’cäi nak ah ng’thuthuuk ngai ng’yak ciah chang phung ni, shin ung guk ah thuthuuk läk ciah chang gui phung cu, yeikyai nak om ci nei.

1 KORIN 7:29

Phäinau gui aw, kei naw ka pyein hlü cu; akhin kä om ba ci, Tuhbäi ung tün ne chumah ciah pami gui cu kä chumah ciah mäih ah om u sä.

1 KORIN 10:11

Ngahmi ung cun ah a kyak gui cu a hei gui ah ng’shümhmuh nak vai ah kyak ci. Mikmi cu kho ah khüt law nak vai ah khin ung mi ghing om ciah kyasei, ami na khäntam nak gui ah shin gui cu ami guk ah kyak ci.

2 KORIN 10:4

Keimi ah kawh ah likhim cu chang ah kawh ah likhim ah kä kyak ci, gaa ah manggaw näng nak ah khanpughi ah hlüngtai nak likhim ah kyak ci.

EPHESIAN 5:8

Nangmi nami mät cun phi hmüp khui ung nami om te ci, cun ung phi Bawipa ah chang ah nami kyak awn ah, nangmi cu akdei ung nami om ci. Cun ah kyasei akdei ung om ciah chang ah mäih ah nami om vai.

HEBRU 10:25

Mi ng’hmuhteng kyumbom nak cu chang m’shah gui ah mäih ah kä mi nawng nüt ten neh, tumat la tumat k’thamah nak ming pe tuk khai, nami hmat ah mäih ah Bawipa ah Hnüüp phi ng’et law pi ci kia sei, tha ng’pe tu ne mi om khai nei.

HEBRU 12:1

Mikmi ah hmawk ah saksi khai ah chang akda naw nak koi gui ci. Cun ah kyasei mikmi na tüihtook gui ci phung la na shum gui ne mikmi ung kawp ciah shetkat nak phung cu nawtpet netah malam ah ng’bü nak ung gawk vai ah k’tha nakcang ne mi dawng khai nei.”

JAMES 5:8

Nangmi phi hnimgei ne nami om vai nei. Nami ngaih u nak cu khäng htek sä, Bawipa a kyum law nak vai ah hnüüp ng’et lawk ci nei.

1 PETER 4:7

Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

2 PETER 3:9

Chang amshah ah ngaih ah mäih ah, Bawipa cu a shaitaak ah mäih ah bi abi vai ah kä shokshü ci, chang tumat hta phi kä dimaih ne, chang avan cu cheishoh nak ungka ami ng’hlah law ba vai ah ng’ya hlü ne, hnimgei ne om ci.

2 PETER 3:11

Cun ah a päng avan a dimaih yawp ah a kyak ung, nangmi cu a i mäih ah chang ah kya ne nami om khai ang?

1 JOHAN 2:18

Ka hta nau gui aw, kho ah khüt nak vai cu ng’et lawk ci nei! Bawi Khrit ah Gaa a gawk law vai ah mawng ning m’thein gui pyi nei: tuhbäi Bawi Khrit ah gaa akda cu dang law pyi ci gui nei, cun ah kyasei kho ah khüt nak vai ng’et lawk ci, cicu mi hmat ci nei.