ROMAN 12:3 - Cho Bible Common Language 2016

³ Khanpughi ah na peit ah bä mang nak awn, ak chang sing ka ning m’cäi gui hlü cu; na mi mät ung ng’müi ciah tha ah hlüng pi khai ah m’lung kä nami m’däm vai. Khanpughi naw a ning peit gui ah yum nak ah ayun ak bawng ah ciah, nami mät awn khinkhaa khai ah, nami mät naw nami mät nami m’khoichaa vai nei.

ROMAN 12:3 Referans Kwoze

KALATIAN 6:3

Amät bä ciah ngai ci cu, amät kä bä ciah a kyak law ung, amät naw amät m’hleei ciah kyak ci.

NG'THU K'THUUK~ 26:12

Sheka pikbäih ciah ak gu aang pang cu, amät kä cüivai mui neta, cüivai ciah ngai ciah ta bä tuba ci.

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

ROMAN 12:16

Tumat la tumat nami ng’hteinghtang tu vai, kä nami m’ghäm’ce vai, yawken ciah bi phi nami bi vai, nami mät naw nami mät, nami hmuhmat aih ciah kä nami ngaih vai.

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

THUSHÄUTU 7:16

Cun ah kyasei kä na ni aih vai, kä na cüvai aih vai — a i ah kyasei a cun awn na mät naw na mät na ngawn ang?

1 PETER 4:7

Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

JAMES 4:6

Cun ung phi Khanpughi ah na peit gui ah chimgein nak cu khüighaat ba pi ci nei. Cacim theing naw, “Khanpughi naw chang ah ng’shei ci gui cu hnu nah gui ne, m’lung neim sak ci gui cu, chimgein nak pe gui ci nei,” ciah a pyein ah bä nak ah kyak ci.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.

1 KORIN 7:17

Chang avan cu Khanpughi naw am shum k’phyuk awn ng’mü khai ah Khanpughi naw a khü yah ung a om ah mäih ah a om vai ah kyak ci. Cun cu khrithabum päng ung kam theithang ah thukhän ah kyak ci.

TITUS 2:12

Cun ah m’gein nak naw kä yum ne ghin nak la m’dek khan ng’yak hlü nak cu, näng nak vai nam shümthein gui ne, a htingling ah ghin nak, düng nak, la m’dek khan ung yum ne ghin nak vai gui phi nam shüm gui ci.

TITUS 2:2

Pami ng’vai ba gui cu ami lunglang vai, ami küikaa vai, ami htingling vai la bä ciah yum nak, m’hni nak la khüighaat nak ami kümbe vai ah nam cäi gui vai nei.

2 KORIN 12:7

Kei naw ka hmuh ah cäicat vai mawng ung kei cu kä ami nam hlüngtai en vai ah, kei cu ka pumsa awn geinvai nak ka aut ci nei. Cun ah geinvai nak naw, Satan ah ng’shä tüih ah mäih ah, kei cu na hnem ne, kam ghä m’ce nak cu na k’cheih pek ci nei.

ROMAN 11:20

Nang mi ah pyein cu ng’düng ci. Ngah mi chuk pit nak gui cu Khanpughi kä ami yum ah hmawk ah kyak ci. Nang mi cu Khanpughi na mi yum ah hmawk ah ang ban ah nami kya lawk ci. Cun ung phi nang mi chang ah kä nami ng’shei vai, chang kyih aa ne nami om vai.

ROMAN 1:5

Khanpughi naw ani ung ang düihpüi ah kyak nak vai ah akhin k’ni cu na pe ne, kho avan ung, chang avan naw Khanpughi cu yum ne ami läk vai ah kei cu m’düih ne na tüi ci.

1 PETER 1:13

Cun ah kyasei nangmi cu ng’düihthawh ge vai ah om vä. Bawi Jesuh a kyum law ba hnüüp anam shum phyuk gui vai cu kümbe sei ngaih u ne lunglaang ne om vä.

TITUS 2:4

Cun ung vah ak hmawba gui ah hnumi gui cu, ami cei la hta ami m’hni vai,

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

EPHESIAN 4:16

Bawipa ah kut shum nak ah kaa ung a phäh phäh ah om ci gui ah pumsa ung ming bäng bäng ci gui cu a mi van kyumsawm yawp ci gui, pumsa tumat ung ng’gui ng’phaa yawp ci gui. Cun ah kyasei pumsa ung ming phäh phäh ci gui naw ami mät ah bi phäh phäh ami bi law ung, pumsa avan cu, m’hni nak awn däm ng’ghaw sak ci gui.

LUKA 18:11

Pharisee cu amät bäng ng’düi hnga netah, “Aw, Khanpughi aw, chang gui cu, a i baw ng’ya hlük tat ci ni, kä düng ci ni, chang ah hta kat püi ci ni ah kyak ci gui. Kei cu cun ah chang gui ah mäih ah kä ka kyak ci. Shin ah akhawnlook ciah chang ah mäih ah phi kä ka kya tuk ci, cun ah kyasei Khanpughi ka ning m’hlüngtai ci.

TITUS 2:6

Acun ah mäih ah ak hmaw chang gui cun phi ami htingling vai ah nam cäi gui vai nei.

1 TIMOTHI 2:15

Cun ung phi hnumi gui cu, a htingling ah om ne, yum nak, m’hni nak la theingciim nak awn ami be ah a kyak ung, ami hta nau nak awn hun nak gah khai gui nei.

1 TIMOTHI 2:9

Hnumi gui cun phi müisa ne nei aan khai ah ami suisak vai nei: lu m’kin ne, ghui shawi mo sawng, äh awi ne, aküi kyang ah, hnän thang binglawh ne kä ami kyak vai.

1 TIMOTHI 1:14

Mi Bawipa naw küikyang ciah am gein nak cu nam shum phruk ne, mi Bawi Khrih ung kawng ät nak awn yum nak la m’hni nak phi na pek ci.

EPHESIAN 3:4

Nangmi naw cun ah ka guk cu nami phat ah a kyak ung, Bawi Khrit ah mawng ak thuuk cu kei naw ka hmat ah mawng cu nami hmat khai nei.)

2 KORIN 12:13

Kei naw nangmi cu a hei khrithabum gui ah mäih ah m’täng ne ka ning om püi gui ci, ngui ah mawng bäng ung kä ka ning bilawh sak gui ci. Cun ah kä täng khai ah ka bi ah hmawk ah kei cu nami nam gein vai nei.

1 KORIN 3:10

Kei naw Khanpughi ah na peit ah m’gein nak cokyang thei ciah chang ah mäih ah, ng’lei leh ne kam hnep ci, a hei chang tumat naw acun ah khan ah cokyang ci. Cun ung phi cokyang lawk ciahchang cu a i chaa ah a cawhkyan law ah geing nak khenggeng vai nei.

ROMAN 11:25

Phäi nau gui aw, nami mät naw nami mät kami hmuhmat tei pyi ci, ciah kä nami ngaih en vai ah thuuk ne ng’kau ciah a mawng cu ka ning m’thein gui hlük ci. Cun cu, Jew chang gui cu angtäi sei ang laam khai gui ah kä kyak ci, Khanpughi ah lawk khai ah khui hei chang gui ami ng’küm ung khüt khai ah kyak ci.

NG'THU K'THUUK~ 25:27

Khoitui ada aih ah a kyak ung nang ah phäh ah kä nik ci, a cun ah mäih ah m’taam khah vai tha nak aih phi kyak ci.

3 JOHAN 1:9

Kei naw khrithabum-am ca gu ne ka pek ci, cun ung phi ami ng’vaihta Diotrephes naw kei ah thu cu kä ngai ci nei.

KOLOSE 2:13

Nangmi cu ayan, thukhän kä om ciah chang khui hei la cheishoh ciah chang ah nami kyak nak awn nami mümcha cu si te ci. Cun ung phi tuhbäi Khanpughi naw nangmi cu Bawi Khrit awn nami ghing khai ah ning khü ba gui ci nei. Khanpughi naw mi kat nak gui avan cu, nam gein gui pyi ci nei.

KOLOSE 1:29

Shin pyi phleh nak vai ah Bawi Khrit naw anam khüt nak la ka m’lung kyong ung a hnün thawh nak awn, küikyang ciah thagui cu mang ne, k’tha na k’cang ne, ng’khüi ne ka bik ci nei.

EPHESIAN 3:2

Nangmi ah hmawk ah shin ah bi bi vai ah, Khanpughi naw am gein nak awn kei-am a na ap ah mawng cu, nangmi naw akcang ah nami ng’yak pyi ah kyak ci.

2 KORIN 10:13

Keimi läi cu m’hnüt nak phlän ne kä kami khähghah khai, Nangmi ah hmawk ah kami bi mah mah ah, Kami bi vai ah Khanpughi naw anam hnüt peit nak gui bäng ung kami khähghah ci nei.

PHILIPPIAN 2:13

A i ah kya sei ci ung Khanpughi naw ang yak hlü ah nami bi vai la ng’thu nami läk nak hning vai ah nang mi ung angtäi sei bi bik ci.