ROMAN 11:6 - Cho Bible Common Language 2016

⁶ Khanpughi ah ghü nak cu amät ah m’gein nak awn ah kyak ci, cun ah chang gui ah bilawh nak awn ah kä kyak ci. Khanpughi ah ghü nak cu chang ah bilawh om ih nak awn ah a kyak vaisü ung, ani ah m’gein nak cu m’gein nak akcang ah kä kyak khai süte.

ROMAN 11:6 Referans Kwoze

2 TIMOTHI 1:9

Na hun gui ne amät ah chang ah anam hnüt gui cu, mi mät ah bilawh nikiom nak awn ah kä kyak ci, amät ah ng’bü nak la m’gein nak awn ah kyak ci nei. Khanpughi naw kho kä ang tün pha ge ung cun ah m’gein nak cu, Bawi Khrit Jesuh ung na pe gui ci.

KALATIAN 2:21

Kei naw Khanpughi ah m’gein nak cu kä ka ma phung khai. Cun ung phi chang tumat cu ng’thukhän awn Khanpughi ung düng nak gah ciah a kyak ung, Bawi Khrit ah sih cu a kholä ah kyak ci nei!

TITUS 3:5

mikmi cu hun nak mi gah ci. Cun cu mikmi naw mi bi ah nikiom nak awn nah kä kyak ci, ak thai ah ng’tüi nak la tui hnim nak awn ghin nak thai nak pe gui ciah Mumcha Theing ung amät ah chihna nak awn ana hun gui ah kyak ci.

KALATIAN 5:4

Khanpughi ung düng nak cu, thukhän läk nak awn nami shui ah akyak ung, nangmi cu Bawi Khrit awn ng’cha u ne, Khanpughi ah m’gein nak ah ak pung ah nami gawk ciah kyak khai.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

LUKA 6:13

Khaw thai law khätah ak chang gui ami van khü gui netah, ami van ungka gha-lei-goi ghü gui ne, ang düihpüi gui ah, ami ming cu sui gui ci.