ROMAN 10:8 - Cho Bible Common Language 2016

⁸ Cacim theing ah pyein hlü cu: Khanpughi ah ng’thu cu nami pei ah om ci; Cun ah thu cu nami m’gawng awn pyein ne, nami m’lung ung nami m’küm ci,” ciah kyak ci. Cun ah thu cu kei naw ka ning m’thein gui ah Khanpughi yum nak ah mawng ah kyak ci.

ROMAN 10:8 Referans Kwoze

THULÄÄN NAK 30:14

Ka nei, cun cu shin ung nangmi awn a täng ah om ci. Cun cu nami hmat ci. Cun cu nami m’dang hning ci. Cun ah kyasei tuhbäi nami läk ci.

1 TIMOTHI 4:6

Nang naw shin ah m’cäi nak cu na phäi nau gui-am na peit law vai yung, na mät ah yum nak thu la na mät ah läk ah düng ciah m’theithang nak cu, läk ne Khrit Jesuh ah changshäm k’ni ah na kyak vai nei.

1 PETER 1:25

Cun ung phi Bawipa ah thucim cu ng’shon päng ung khäng ci,” ciah pyein ci. Cun ah thucim cu nangmi am ng’shäu ne ning m’thein gui ah Thu Ni ah kyak ci.

KALATIAN 3:2

Khanpughi ah Mumcha nami gah nak cu, thukhän nami läk nak awn ang? Kä cun ung Thu Ni ngai ne nami yum nak awn ang? m’hlan ne nami pyein vai nei!

KALATIAN 3:5

Khanpughi naw Mumcha ning yuk m’kyum gui ne, cäi aih gui vai a ning hmuh sak gui cu, thukhän nami läk nak awn ang? Thu Ni ngai ne nami yum nak awn ang?

ROMAN 10:17

Cun ah kya sei thu ng’yak nak awn yum nak cu lawk ci, Bawi Khrit ah mawng ng’shäu ne pyein nak ung, thu cu chang naw ng’yak ci.

LAMKTU 10:43

Bawipa yum ci gui ah chang phung cu a hlüngtai nak ming awn ami katnak m’geinsei gui khai, cine prophet gui naw pyein man ci gui” cine pyein ci.

1 PETER 1:23

Nangmi cu ghing ci la angtäi om ciah Khanpughi ah ang thucim awn, ng’tüi ba ne, sih nak kä om ciah angtäi ghing ciah Khanpughi ah hta ah nami kyak ci nei.

LAMKTU 16:31

Ngami naw, “Jesuh Bawipa cu na yum vai, cun ung na mät la na kyong ungka gui nami van naw hun nak nami gah khai” cine m’thein ci gui.

ISAIAH 57:19

Kei naw dimdeeih nak avan am ka pek ci nei, ang et nak la a shon nak avan ung! Kei naw ka chang gui cu ka gai sak gui khai.

EPHESIAN 5:26

Bawipa naw a hnun gui a peit nak cu, krithtabum theing sak ne, ang thu awn Khanpughi am ap sei;